بخصوصتحذير الشباب من تحويل الاموال لمختار حسن بمؤسسة النعماني
السلام عليكم عزيزي المسافر
انا من امس احاول الدخول للمنتدى وموب راضي يقبل اليوزر والباسوورد وسويت عمليت استعادة عدة مرات ويرفض مادري ايش السبب !! اضطريت بالاخير اسوي ايميل جديد ويوزر جديد واتمنى انه ماتكون عضويتي جمدت عمدا خصوصا وان الموضوع ايضا اقفل !!!
بالنسبة لصورة من التحويل انا قلت بموضوعي اني خليت واحد من الاقارب يسوي لي الحواله يعني من حسابة يعني فيه احراج اطلب منه خدمتين ومع ذلك انا مستعد مكرها احرج نفسي مره ثانية بسبيل اثبت صدق كلامي واني مافتريت على المؤسسة ولا الرجال.
لكن تلافيا للاحراج ذا جوال مختار حسن مسؤل المبيعات الي تم التحويل لحسابة,خليت واحد يروح لمه وياخذه منه (0508133515)
فضلا لا امرا دق عليه وقله جاك ايداع من ابراهيم عبدالله بتاريخ 2-7-2010 لقطع هوندا اكورد 2008 وقال لك اني عضو في المنتدى وقلت له يترسل القطع بالزاجل انتضر لبكرى والى يومك ... ودق عليك مليون مرة يبي القطع أو ترجع له فلوسة ولا رديت عليه !!
اذا قال صحيح انتضر منك وعدك بترجيع المبلغ . واذا قال لا انا اروح لقريبي واطلب منه يروح البنك يسوي برنت واسوي له سكان وانزله هنا بموضوع جديد اذا انك بتقفل الموضوع مرة ثانية وعاد وقتها انتضر وعدك بترجيع المبلغ!
انا ماراح افتري على الرجال والله العظيم اني دبرت جواله بكلفه وبعد مادقيت على من الجوال موب من الثابت رد ومن الهبلة قال رديت عليك بالصدفه انا مشغول انا مزحوم يم شديت عليه بالكلام قال لي رح اشتك الغرفة التجارية
بعدبن عزيزي ليه تقفل الموضوع من حقي ارد على استفسارت الشباب ولا انا غلطان !!
على العموم اخوي جوالي بارسله لك على الخاص حياك الله دق باي وقت
وبالنسبة للاخوان الي بغونني العن خيرة اولا الاسلام منع مثل ذالتصرف ولا كان عرفت كيف اتفاهم معه . ثانيا انا بعيد 500 كم عن الرياض
تقبل يالمسافر تحياتي
