عرض للطباعة
ياشباب تعرفوا كثرة الغبار في الصيف وأحوكم راعي سفريات الرياض - الشرقية - جدة - والعودة في نفس الاتجاه
وكان معايا تويوتا ومصل برقع أول ماشريته ومخليه عليه أربع وعشرين ساعة وروحة وجيه وتعال وروح وبعد فترة حول سنة شلت البرقع بس طلع البلاستيك معلم ع الشمعات و مخدشها طلع كان لاصق فيها مع الحرارة :mad:
وش رأيكم في أضل حماية من الغبار
التغبيرة - فيري :d- برقع ولا وش
بس مايكون غالي
ونستفيد من نصايحكم:d
:rolleyes:
البرقع قلق في فكه وتركيبه اذا كنت راعي سفر باستمرار .. يعني حماس بالبدايه ثم شوي وتستثقلها ,,
الفيري نفس الحكايه وله ضرر لو طول على السياره .. والتغبيره مكلفه اذا بتسويها كل اسبوع ,, عشان كذا أحس انك لو تروح طياره احسن لك :d
فكر في رش وامش وجرب .. ولاتسألني عنه ترى ماجربته الى الحين .. لكن أشوف الشباب يمدحونه والعلبه تكفيك لأكثر من 3 - 4 مرات ..
في الفلم الشفاف
دا احلى واحلى ولا تحمل هم من يوم ما تركبه
يكفيك هم الغبار والسافي
اقتباس:
المشاركة الأصلية كتبت بواسطة fr33d
و الفلم الشفاف هذا غالي
وبعدين هو كيف أركبه مرة وحده بس وخلاص ويجلس على طول
وبعدين هو ينحط على اللمبات بعد ولا لا؟؟
اقتباس:
المشاركة الأصلية كتبت بواسطة بركات
عندنا هنا غالي
لكن لو جبته من بره ارخص بكثير
وانا بإذن الواحد الاحد راح اشتريه بس كم يوم
واشوف احد اركبه عنده في المدينه
:cool:
وبكده اختصرت على نفسي ثلاث ارباع السعر
شوف مواضيعي عشان تفهم اكثر
الفيلم الشفاف تقريبا عالاكورد بيكلفك حق 800 ريال من (lumar) بس شي وكا ,,وغير كذا ما يبين انك مركب شي الا لمن تقرب..وافضل من التغبيرة والبرقع..
اذا كنت من النوع اللي ما يفك البرقع
افضل شي تفصل نظارات للشمعه و حط البرقع عليها
اعرف واحد له اكثر من 3 سنوات ما فك البرقع
اللهم الحاله الوجيدة اللي يفك فيها البرقع يووم يغيرها و يفصل جديدد و له حول 7 او 8 مرات غير
من كثر سفرياته :)
وإلله حاط فيها فيري لي اسسبوع
ويبغالي اسبوع ثاني وأشيله لاني حاليا في الشرقيه
على حسب سفرياتك تحدد الأفضل
إذا كنت تسافر بإستمرار أفضل شي الفلم الشفاف تركبه وعليه ضمان على حسب الشركة من 5 سنوات وفيها
لو دخل فيه غبار أو إنشق يغيرونه على الضمان
إذا كانت سفرياتك بالشهر مره أنا أفضل البرقع ولكن يكون التفصيل صح و تجيد ربطه بالشكل الصحيح والأهم ما يتعرض
لسرعات عالية كحد اقصى 160 كيلو بالساعة و من وجهة نظري أشوفه يجي بعد الفلم الشفاف بالدرجة الثانية
رش و أمش جربته بصراحة خطير و سهل الإستخدام و سهل التخلص منه بمجرد غسله بالماء يروح على طول ولكن
إذا كان العج قوي ما أدري هل يقاوم أم لا لأن حاط علبة بالشنطة إحتياط
مسالة الفيري حلو بس بشرط قبل ما تمشي تحط فيري و بمجرد وصولك تغسلة مباشرة يعني إلى 8 ساعات مافي مشكلة من الفيري
ويفضل الفيري العلبة البيضاء
التغبيرة جربتها ولكن لا قاني عج قوي طاير التغبيرة و البوية و أشوف الفيري و محلول رش وإمش افضل منها
طيب شباب أحد يعرف محل يفصل برقع تمام بالرياض ؟؟
وكيف يثبت البرقع لازم يخرق السيارة ؟؟
والبرقع بس يكون على الصدام ولا أحط على الكبوت أحسن ؟؟
وأي معلومات عن البرقع نستفيد يقولوا في نوع أمريكي ونوع هندي و أخوكم مايعرف شي:o
فمنكم نستفيد و مشكورين مقدما
اقتباس:
المشاركة الأصلية كتبت بواسطة بركات
أخوي بالنسبة لمحل يفصل صح راح أرد عليك إن الله أحيانا بكره لاتستعجل ناوي أروح لواحد اليوم
بالنسبة للتثبيت متعب شوي بس إذا طبقت أكثر من مره يسهل عليك و أنا عندي واحد اليوم بروح أشوف حل لمسالة
التربيط لعل وعسى أقدر ألغي الحبل و أخليه شمع والنتيجة تركيب أسرع وشد أكثر بس إن شالله القى أحد يفهمني
انا أخذته من محل بالغرابي بالصدفة وأشوفه حلو مع العلم أول تجربة لي وسافرت أكثر من مره ولله الحمد
أثبت جدارته
البرقع يجي 3 قطع
1 على الشبك والصدام كامل 2 قطعة على الكبوت 3 قطعتين تركب على المرايا الجانبية
اخوي / بركات
مثل ماوعدتك رحت لواحد باكستاني ولكن للأسف كان مسافر ولكن بالنسبة لشراء
البرقع بالغرابي خله يركبه قدامك
وأنت راح تعرف هل هو تمام أولا إذا كان مشدود بشكل صحيح .
اليوم كنت راح للباكستاني ومثل ماقلت لك كان مسافر وكان عندي عقدة التربيط
الحبل يرفع الضغط و لا ييشد صح المهم
كنت أحاول إلغاء الحبل و إستبدالة بالشمع و كان الغرابي بعيد علي وحصلت محل
قريب مني باكستاني يفصل خيام و شرحت
له المطلوب وسوالي إللي قلت له و جربنها وماظبط وفهم علي أكثر و أعاد المحاولة
ثانية ولكنها ناجحة ولله الحمد وإستغنيت عن الحبل
إذا مافهمت وش أقصد بالشمع أنزلك الصورة . بإختصار إذا شريت برقع قله أبغى
شمع بدال الحبل والمقود بالشمع إذا كنت تعرف
السبته :d قديم إللي كنا نربط بها الكتب أيام الدراسة تجي طرفين تسمى
شمع أوشماع المهم إذا مافهمت احطلك الصورة
شف أخوي اذا كنت راعي سفريات وخطوط اسبوعيا رايح جاي
مالك الا حل واحد يريح راسك
الا وهو الفلم الشفاف لحماية وجهية
السيارة كاملة صدام + كبوت + مرايا جانبية
+ الحواف الجانبية بجانب القزازة الامامية
صحيح يمكن سعرة غالي لان وانا اخوك
عندنا فالسعودية انوااع النصب فالبيع :mad:
بس بريحك كثير وفيه محلات ضمان
5 سنوات
اما اذا كنت من الناس اللي مسكات فالشهر مرة مرتين
فعندي لك حل والله ما اضمنه لك لاني ماجربته لاكن جرب وشوف :d
الجل ياصديقي الجل حق الشعر خذ لك جل لونه ابيض ارخص نوع
بس حب ذا لو يكون ثقيل
الشخص اللي جربه يقول انه كويس
واذا نظفته مايصير له اي اثر
با اختصار الجل افضل من الفيري وانا ان سافرت بجربه ان شاء الله
اما البرقع فك اربط انفك طاح
ماطاح انواااع القلق الا اذا كنت بتربطه صح
عاد انا وشطارتك
تقبل مروري :d
برق
أحرجتني بتعاملك ومشكور:o
و على فكرة أعرف السبته <<<<:dالفكرة حلوة بس ماأدري تضبط ولا لا
Accord24
مشكور وماقصرت
يعني غالي حدود كم ؟؟
وهم يحطوا على الشمعات بعد ولا لا ؟؟
فيه حماية الوجهية بفل النانو يكلفك بحدود 300 ريال افضلك اذا كنت تبي تحافظ على لمعان السيارة وخاصة الوجهية
اقتباس:
المشاركة الأصلية كتبت بواسطة khasona
وش ذا ووين ألاقيه ؟؟
وهو يحافظ على الشمعات :confused:
أخوي بركات
إذا ميزانيتك تسمح تركب فلم حماية فهو الحل رقم 1 أما إذا تشوفه غالي مالك إلا البرقع أضمن شي بعد الله ما تروح عليك
الوجهية وبالنسبة لسبته قلت لك جربتها أنا أبو بكس شايب 100 % خيطها لي دبل 5 مرات و قلت له بعد زود شوي :d
وأزيدك من الشعر بيت الفلم الشفاف ماهو لسفر وبس حتى عندك الطرق الدائرية تريلات وسيارات مسرعة تطير عليك حصى
وتقشع البوية تلقاها بأي سيارة بس مع الفلم الشفاف ترتاح من كل شي بس الموت بكم :d