أبغى أشيك على السيفيك كمبيوتر

مساء الورد يا شباب ..... أبغى أشيك على سيارتي بالكمبيوتر و حاب أسوي تربيط للمقصات و المساعدات في الرياض ولا أعرف ورشه أو مركز ممتاز طبعاً غير الوكاله ..... نصيحتكم يا شبااااااب

عليكم السلام ورحمة الله وبركاته بنسبه لتشييك الكمبيوتر عندك الوكاله فيها فحص كمبيوتر لكن غاليه شوي عندك بعض الورش تشيك كمبيوتر في عندك في صناعية الشفاء ورشه تشيك تشييك كامل على السياره بالكمبيوتر تشمل المكينه والقير والأجزاء المهمه في السياره والفحص تقريبا سعره 150 ريالا
وبنسبه لتربيط شوف أفضل شي لهذي الأشياء هو العضيب متخصص في هذي الأشياء لكن أسعاره غاليه شوي وما تستاهل لكن شغلهم نظيف أذا كانت ميزانيتك كويسه توكل على الله ودها العضيب ونسيت اقولك العضيب يشيكون لك مجان ويعلمونك ايش فيها وشغلهم ممتاز واذا بغيت شي أرخص عندك في الصناعيه القديمه وعندك صناعية الشفاء يرفعون لك السياره ويعلمونك أيش فيها واسعارهم حلووه ومو غاليه وأي خدمه ثانيه انا تحت امرك ويفيدونك باقي الأعضاء أذا كنت نسيت شي وبتوفيق اخووي اخوك عاشق سيييييفيك...

^^^^^^^^^^^^^
نسيت أقولك الورشه ألي تفحص كمبيوتر اسمها ورشة المالكي سييييو..

يعطيك ألف عافيه أخوي على المعلومات الغنيه .... بس على فكره أنا رحت للعضيب و قالوا لي أنهم يسون وزن أذرعه وترصيص بس أما بالنسبه لتربيط المقصات و الأذرعه متخصصين لسيارات الكزس و الاندكروزر

^^^^^^^^^^
أجل أتوقع العضيب مثل ما قالو لك متخصصين في سيارات معينه أجل أنا أنصحك تشوف صناعية الشفاء بصراحه انا عندي جلد المقصات معدومه وبغيرها أنشاء الله وورشة المالكي دايم اغير عندهم الفحمات واخرط الهوبات عندهم قالي تعال نرفع لك السياره ونعلمك اذا فيها اي شي غير الجلد بقول لك وانت تجيب القطعه وأنى نركب علطول وعلى فكره جلست فتره طويله امشي على الجلد وهي مكسره ومحد علمني لو الوكاله يوم كان الفحص المجاني ما عرفو ان الجلد مكسوره لكن هذا الميكانيكي جى يغير الفحمات قال ترى الجلد تعبانه عندك فانا أنشاء الله راح ادخلها عنده يشيك عليها كامله أتمنى أكون أفدتك...

أكيد أفدتني بس راح يكون بيننا إتصال عن قريب عشان توصف لي الورشه وين بالضبط في الشفا

^^^^^^^^^
تامر أمر