عرض للطباعة
السلام عليكم ورحمة الله وبركاته
تحيه طيبه للحميع وبعد
عندي هوندا 2006
سياحي تماتيك
في بعض الاحيان لما اشغل السياره واحميها ارجع فيها ريوس اسمع صوت طقه بالقير
وحتى بعد لما ارجع من مشوار واجي اوقف وارجع ريوس اسمع صوت طقه باتلقير
وحتى اذا جيت ابمشي وحطيت القير بالدي كمان اسمع صوت طقه اذا عشقت
وش تتوقعون منه هالصوت ياآهل الخبره
وشكرآ للجمع .......
يمكن توقف في دحديره .,
المفروض توقف وتحط القير ع الـ الفاضي ., وتسحب الجلنط .,
وبعدها حطه ع الـ p
وبس
طبيعي صوت الـ Lock حق القير لاتوسوس
الصوت ملحوظ وقوي شوي اذا حطيتها بالريوس يطلع صوت طقه قويه
وبالنسبه للخ / الي يقول شكلك توقف بدحديره اقوله لا ما اوقف بدحديره
اوقف طبيعي واحط السياره بالفاضي واسحب الجلنط وبعدين احطها بال p
والاخ / الكريم الي يقول لاتوسوس صادق كلامك بس المشكله الصوت ماكان معي من قبل 3 شهور
ولا كان فيه اي حس
ابي اعرف اذا فيه احد خبره يدعمنا بتوقعاته لان كل مارحت لورشه والا مكان معروف صرفلك الف شغله بس عشان يستغلولنا
وشكرآ لكم على مروركم الكريم .......
الله يعينك افضل موديل ميكانيكا ً للأكورد 2005 ما شاء الله تبارك الله
واما الـ 2006 و 2007 فمشاكلها كثيرة و الله يعينك عليها
بس اعتقد وعلى حسب ما سمعت انك تفك الغطاء يلي عند القير وتلاقي المكان يلي تصير فيه حركة التنقل للقير وتحط فيه زيت شحم وتضبط معك
بس الافضل انك تروح للوكالة لان مشاكل مثل ذي لازم لها الوكالة
^^^^^
ماشاء الله كيف حكمت على الـ 2005 انها افضل خصوصا انها بدت من 2003 ونفس المحركات
غير كذا الـ 2007 اقل مشاكل خصوصا مواضيع المنتدى
بالنسبه لصاحب الموضوع متى غيرت الزيت لانه الصوت هذا يزيد اذا ابطيت ماغيرته
قصدك اذا حطيت على الريوس يطلع الصوت هذا عادي
كل السيارات تطلع صوت اذا حطيت ريوس...
يا هلا فيك اخوي المسافراقتباس:
المشاركة الأصلية كتبت بواسطة الـمـسـافـر
انا كنت بالوكالة من فترة كنت بالصيانة على ما اذكر كنت اغير زيت القير ناسي
الشاهد فالموضوع ان الميكانيكي سألني يقول انت ماخذها مستعمل ولا وكالة
قلت لا وكالة قال الله يعطيك خيرها ويكفيك شرها قال افضل نوع نزل من اكورد من الاشكال القديمة هو 2005 لأن مشاكلة الميكانيكية اقل و شركة هوندا تجنبت المشاكل يلي كانت بموديل 2003 و 2004 وانا صراحة اشوف ان هذي هي الشركة الصح وقال لي ان يلي معهم موديلات 2006 و 2007 يشتكون منها بكثره بسبب مشاكلها المتكررة والحمد لله السيارة ما شاء الله تبارك الله مثل الوردة
واتمنى إني افدتك يالغالي
و الله يعطيك العافية
السلام عليكم
كيفكم يا شباب ان شاء الله كتير منيحين
بالنسبه لأخوي المسافر
الزيت غيرته على 140.000 والحين الموتر ماشي 189.000
ابي اعرف المفترض على كل كم يتغير ؟؟؟
وبالنسبه لأخوي احمد 182
الصوت واضح الي برا السياره يسمعه عيني عينك ؟؟؟ والي قاهرني بعض الاحيان ادق ريوس ما يطلع الا اذا بدت السياره ترجع ريوس يقوم يطلع الصوت ؟؟؟ من جد جابلي المرض وكل ما وديناها مكان قام كل واحد يصرفلك اشياء مالها دخل بالثاني واحترت وش اسوي
تهقون الوكاله بتفصل الموضوع ؟؟؟
والاخ / Acoord 2005 يعطيك ألف عافيه على مرورك الكريم وهالمعلومه الزينه
وللجميع كل الشكر والتقدير .......
الصوت يلي عندك مثل يلي بهالمقطع
[ame]http://www.youtube.com/watch?v=8gnwVuwlbks&feature=search[/ame]