تم شراء الاكورد بحمدالله

السلام عليكم ورحمة الله وبركاته

بصراحة انا لي تقريبا اسبوعين وانا اتابع المنتدى الرائع لكن ماحبيت اشارك الين تطلع سيارتي :)
والحمدلله البارح طلعتها من الوكالة بطريق خريص ( اكورد - سبيشل - اللون لؤلؤي )
واول ماجيتهم كلمت البائع بالنسبة لعروض الافلام الشفافة .. وقال لي عندنا عرض من شركة solar control
العرض هو ( تظليل السيارة بالكامل مع خمس خدمات مجانية وهي : تشميع البودي وتلبيس الارضية بلاستيك وعزل للجنوط عشان مايلصق رذاذ الفحمات عليه ودهان جلد الابواب الداخليه عشان ماتيبس وحماية داخلية للطبلون وما اذكر وش الخامسه هههههه )
المهم العرض هذا سعره ١٨٠٠ ريال .. ويوم رحت لمهم قال لي التظليل ٠١ بـ ١٨٠٠ والتظليل ٠٠ بـ ٢٥٠٠ فسالته ليه ؟
قال ٠١ يعزل تقريبا ٤٣ بالميه و ٠٠ يعزل ٦٧ بالميه .. وبصراحة كنت ناوي ٠١ بس بعد هذي المعلومه اصريت على ٠٠ بس بنفس السعر واول شي رفضوا وبعد ماكلمت الشخص اللي ارسلني من الوكالة وتفاهم معهم وافقوا على انهم يخلونه بـ ١٨٠٠ ريال ،، بس يوم جيتهم اليوم لقيته مركب ٠١ :(
ورفضت استلمها الين يغيرونه وواعدوني على الساعه ١٢ الليلة .. وان شاء الله هذي ماراح تكون اخر مشاركة راح تكون اول مشاركة ويامالكم من القرقره :)

دعواتكم حبايبي

وعليكم السلام ورحمة الله وبركاته
يسعدني اكون اول واحد يرد على موضوع واهنيك بالموتر
الف مبروك ويعطيك خيرها ويكفيك شرها .. هنادي ملكة السيارات بلا منازع

يبارك فيك اخوي amok :)

وحبيت اسالكم شباب تلبيس المقاعد عند السماعيل كم ياخذ وقت ؟

ماشاء الله تبارك الله الله يطرح لك فيها البركه ويعطيك خيرها ويكفيك شرها

استمتع يا عم ما احد قدك :)

ماشاء الله تبارك الله
لاتنسى تقرأ عليها وتشغل فيها قران

الله يطعمك من خيرها ويكفيك شرها ولا تنسى تركب كشافات ولو تجارية ومساكات ابواب نيكل عشان تطلع احلى واحلى

ألف مبروك السيارة والله يعطيك خيرها ويكفيك شرها وبخصوص التضليل أشوف إن 01 أفضل وأكشخ للسيارة وفي الأخير القرار يعود لك يا غالي..

مبروك ع السيارة ويعطيك خيرها ويكفيك شرها يارب

ع العموم لا تنسى الكشافات تركبها :cool:

وان شاء الله بس الوكالة اعطوك الاغراض كامله :mad:

مـــا شــاء الــلــــه
و
الله يعطيك خيرها ويكفيك شرها

ألف مبروك يباشا ,, وعقبالي قريبا ان شاء الله

اخوي اول شيء حياك الله
ومبروك السيارة والله يكفيك خيرها وشرها يارب

بسألك دامك اخذت سبيشل مثلي

انا اخذتها ومنتظرها تطلع بس

بسألك فيها مثبت سرعه ؟ وهل جربته ؟؟

الف مبروك ويعطيك خيرها ويكفيك شرها

الله يبارك فيكم جميعا :)
وبالنسبة للتظليل خلاص ظللتها 00 والحمدلله .. وبالنسبة لاخوي اللي يسالني عن مثبت السرعه فيها مثبت سرعه وجربته وممتاز جدا .. وتحكم بالراديو والسي دي من الدركسيون .. واي استفسار انا حاضر .

الف مبرووك يعطيك خيرها ويكفيك شرها

ما شاء الله .!!

الله يطعمك من خيرها ويكفيك شرها .. :cool:

واحسن شي سويته انك ما استلمت السياره يوم يحط 01 :d

..

ونصيحتي لك وانا اخوكـ .

سيارتك عدل عليها الحين تعديلات بسيطه ..

ركب كشافات .. ويفضل من الوكاله .. حتى لو غالي بس يبقى انه يعطي اضاءه احسن من اللي بالغرابي ..

اعرف اثنين من اخوياي معهم سبيشل واحد ركب بالوكاله والثاني الغرابي. . اللي بالغرابي .. صارت لمبات المسجل وكذا طافيه :confused: ..

..

ركب لك ازياق نيكل على الابواب .. مع مساكات نيكل .. تلقاها عند مشرفنا ميشو .. :cool:

..

ركب اسطبات ليد مكحله ..

..

ركب لك زينون 4300 .. عن مشرفنا kakashi-san .. :cool:

..

بالتعديلات البسيطه هذي .. بتطلع سيارتك ملكه .. :cool:

...

بالاول والاخير ... الله يطعمك من خيرها ويكفيك من شرها ويبعد عيون الحساد عنها :d

يبارك فيك اخوي ١٦١٦ :)

واخوي بسكاتك اذلك .. جزاك الله خير .. وشورك وهداية الله :)

وعليكم السلام
مبرووك عليك الملكه
والله يعطيك خيرها ويكفيك شرها
بس أهم شيء لا تنسى تقراء عليها وتشغل فيها القرآن <<أنت خابر الحسد إلى في الناس
وبالنسبه لي التضليل إلى إنت تشوفه تمام ركبه
والتعديل لاحق عليه يا قلبوا

تسلم اخوي احمد والله يبارك بعمرك حبيبي

الف مبروك والله يعطيك خيرها ويكفيك شرها انا توني مطلع حقتي زيك سبيشل لي اسبوعين

مبروووك يابطل .. عوافي ع قلبك والله الله بالركآدهـ

الله يبارك فيكم شباب .. والف مبروك اخوي عادل ويعطيك خيرها ويكفيك شرها