شباب ضروري احد يجاوبني على سؤالي ؟؟

السلام عليكم

صباح الخير

وعسى ايامكم كلها سعااده وعلى طاعه الله

اخواني ابي استفسر عن اشياء كثيرة
واسف على الاطاله

الشي الاول اللحين الوكاله متى دوامهم برمضان
طبعا اتكلم عن الصيانه الكامله
مو الصيانه السريعه

الشي الثاني انا عندي مشكله ان سيارتي ماشيه للحين 63الف
وما دخلتها صيانه الستين الف
السوال هل بيوافقون يدخلونهااا لي الصيانه للستين ولا بيرفضون بحجة اني عديت بثلاثه االاف كيلو

**مع العلم انهم هم السبب لاني كل يوم اتصل ابي اخذ موعد ولا احد يعبر التلفووون

الشي الثالث ودي اعرف وش الاشياء اللي تتغير في صيانه 60 الف كيلو ووشهي الاشياء اللي يشملها الضمان ووشهي الاشياء اللي ما يشمله

الشي الاهم بالنسبه للهوبات
هل انهم بالوكاله يخرطون الهوب ولا يرفضون ويخلونك تغيره ؟؟؟؟
لان احد الشبااب يقول ان الوكاله تغير الهوبات على طول ويرفضون انهم يخرطونه لك ؟؟؟!!

وبنفس الوقت ابي اعرف اللحين الهوبات على الضمان *يعني يشملها الضمان ولا ما يغطيها

تكفون يالغالين ابي ردود تفيدني في استفساراتي

لاني بجد عندي مشاكل كثيرة
فرامل
واصوات في
الشنطه---الديكور الداخلي
الابواب
الانوار الداخليه محروقه حقت السقف
مكينه الزجاج حقت السائق بطيئه وتقطع
وفيه بالقير حاجة غريبه
والمكيف يطلع صوت صفير
يعني بجد ودي اصلحها بالمرة وودي اعرف وش لي ووش علي عشان ما يضلموني
كما هو متعارف عن الوكالات انهم بس يستغفون العميل
اذا ما كان عارف شي

اخيرا
ااااااسف على الاطاله وكثر الاسأله
وشكرا

اول شي اخوي الشهر مبارك بعد الزحمة :oواذا تبي نصيحتي فك نفسك من الوكالة وربي راح ياخذون عليك دبل الدبل وخلك مثلي اروح واخليهم يطلعون كل المشاكل ويكتبونها وبعدها اخذها ودور لك ورشة ممتازة وعلى الراحة اجلس اطق طق وحدة وحدة لانك لو تبي تصلحها مرة وحدة راح تجلس بدون سيارة اولا ثانيا راح تدفع اكثر يعني من الافضل انك تبدا هالمشاكل من الاهم فالاهم وماتشوف شر الهنادي محبكم نوااااااااااااااااااااف

أخوي بخصوص دوام رمضان ما أدري عنه..

ولكن بخصوص صيانة الـ 60 ألف فراح يدخلون السيارة حتى لو ماشية 63 ألف ويفضل تروح للصيانة وتسوي لك موعد والأشياء اللي يغيرونها من ضمنها وأهمها زيت القير والفلاتر ويشيكون عالفرامل اذا تحتاج تغيير.. وبخصوص الهوبات اذا تنخرط يخرطونها واذا مو ممكن خرطها لازم تتغير واذا سيارتك عالضمان راح يغيرون الهوبات عالضمان بس الأقمشة على حسابك وأنصحك اذا قالوا لك نخرط الهوبات قول لا وأبيكم تغيرونها عالضمان وأنا صار معاي هالشيء وغيروها عالضمان..

وبخصوص المشاكل الباقية سجلها في ورقة وخل المهندس يسجلها ويصلحونها لك إن شاء الله..