وش الحل؟؟؟؟

مراحب للجميع؛؛؛
ورمضان كريم ع الجميع وتقبل الله منا ومنكم صالح الاعمال

شباب انا موضوعي اني شريت اكورد 2010وكاله والان تحت التمرين امشي سرعه 80<<<ادري بتقولون حظرمي حريص بس مشكلتي ادلع اي سياره استخدمها<<< عمومآ عندي رجه خفيفه بالدركسون تحت 100 مع العلم ان السياره سبشل والكفرات وكاله بيرجستون فما ادري وش رايكم ؟؟؟؟؟ في ناس قالوا لي الكفرات ممكن محبله من الوقفه بالتخزين وناس قالوا لي خلها مع التشيك بعد الف كيلو و هل الوكاله طاااااااال عمرهم لو انشب لهم بيرضون يغيرون لي الكفرات :cool:لان بصراحه البيرجستون قااااااااااااااااسي ع المطاب

اتمنى تفيدوني ويعطيكم الف عاااافيه

السيارة الآن مثل النعال , الله يكرمك ويعزك

اول ماتشتريها يابسه وفيها حذفه :d وتعال تفرج

انت الآن ماتقدر تحكم على السيارة لأن توها جديده حتى ماامداك توصل الـ 1000 !

اعطي نفسك وقت وللسيارة وإن شاء الله امورك تمام. :)

^^^

نفس كلام مشرفنا

عط سداح فرصه خخخخ

شيك على ضغط الهواء

والضغط الصحيح تحصله عند باب السواق اول ماتفتحه مكتوب الضغط المطلوب

يعطيكم الف عااافيه وما قصرتم
وبصراحه كانت اول مشاركه لي بالنك نيم هاذا لانه كان لأخوي ومادري عن مشاركاته وانشاء الله افيد واستفيد ومعرفة الطيبن تاج ع الروس



بس انا خايف بعد الالف انهم يسون فلم هندي علي ويرفضون يغيرون الكفرات بحجت اني استخدمتها وانتم عارفين الوكالات وبربستهم<<والله النشبه هههه

الله يعطيك خيرها ويكفيك شرها

روح للوكاله قبل ماتوصل الألف كيلو عشان تحطهم في موضع حرج ومايقدروا يتهربوا من الموضوع

ولا تسمع كلامهم لو مهما قالو

السياره لاتخرجها من عندهم الا لما يصلحوا المشاكل اللي فيها

وعشان ماتتهور وتظلمهم

روح عند بنشري فاهم وخليه يكشف عالكفرات عشان تتأكد اذا كانت محبله او لأ

:)

اخوي انا نفس سالفتك

اول ماطلعتها كان فيه رجه بالدركسون على سرعة 80 - 100
,
رحت الوكاله واعطوني ورقه قالو تروح لوكيل الكفرات برجستون او ميشلان

عشان يكشف عالكفرآت ..

رحت للوكيل وطلعت فعلاً محبله

وعطاني تقرير انها محبله ,

التقرير وديته الوكاله وقالو خلاص بنغيرها بس حط رقم جوالك عشان اذا وصلت الكفرات نتصل عليك

,
وبعد كم يوم اتصلوا قالو تعال ركب كفراتك . . رحت لهم وركبوها وطلعت من بكرى السياره ..
ووقتها كانت ماشيه بحدود الـ 2000

,
انت اذا وصلت صيانة 1000 قل لهم عن المشكله

روح قبل 1000 عشان مايهرجو

ومعروفة الشركات بتلاعبها وعدم مصداقيتها


والله يعطيك خيرها ويكفيك شرها يااارب

شاااااكر ومقدر لجميع اللي تواصل معي
وانشاء الله راح اوديها لهم هاليومين وقبل ما تكمل الف كيلو والله يعيني عليهم احس وجع راس لانهم مستحيل كل واحد بيغيرون له كفرات الابعد ما يطلعون روحه وش يصير معي راح ابلغكم


اللهم تقبل صيامنا وقيامنا وتجاوز عنا بفضلك ياارحم الراحمين