يااخوان ساعدوني شريت موتر وللاسف ؟؟

بسم الله الرحمن الرحيم


~~~~~~~

والله مدري وش اقووول انا اكيد انكم تعرفوني مشكلتي مشكله مدري عين والا ويش

شريت موتر اكورد 2006 سبيشل مستعمل زي الحلاوه المهم وديته للفحص قال ماعندك الا الجنزير غيره < هل فيه جنزير للاكورد :(

الحمدلله السياره دخلتها الورشه وطلعت وكلها تمام ركبت لها جنوط 2009 المهم انا برا الرياض ووصيت واحد يجيبها لي بالديره الي انا فيها اول مااخذها الرجال قال فيها حنه المهم مسك الخط وبعدين طفت عليه واستغرب

وبعدها شغل ومشى طلع صووت طقطقه هو ترووع وقاله اخوي كمل عليها يمكن الكنداسه << ياشين الي يخرصون :d

المهم طفت مرره ثانيه عليه ووقف وبعدها شغلها واشتغلت ويوم حطها بـ d طفت ووقفها وجابها لي بسطحه والحين هي عند البيت هل احصل عندكم حل او احد حصلت له

~~~~~~~~~~~~~

انا طبعا ابجيب لي فني عند البيت ويشوووف وش فيه لكن يااخوان ماتدرون وش المشكله كم واحد قالي هي عين وانا والله ضايقن صدري


:(

ماتقدر تحكم هي عين ولا لأ

لكن فيه خطوات ممكن تسويها مع الوقت هذا

تشييك على زيت القير , ضروري جدا ً
تشييك على زيت المحرك والسيفون , بواجي وفلاتر
تشييك إذا كان صاحب السيارة الأول قد غير دودة الدركسون لأن تغييرها على الضمان بالوكالة. (عيب مصنعي)
يفضل انك ترجع جنوطها حقت الوكالة بالوقت الحالي إلى ان تتصلح المشاكل الموجوده , لأن محتمل تكون المشكلة من الجنوط وانا مااعتقد لكن !! اخذ الحيطه والحذر خصوصا ً لما واحد يركب جنوط كبيرة , اكيد راح يلاحظ بزيادة صرف البنزين وقل العزم وعدم الثبات وأشياء كثيرة.

بخصوص تغيير زيت القير والمحرك يفضل تغييرها بالوكالة , لاسمح الله صار شيء تقدر تطالب بحقك.
(اما لو ورشة ماتقدر تسوي شيء وتطالب عامل ورشة!!!)

الأسعار كالتالي:
زيت المحرك مع السيفون: 110 ريال
زيت القير: 182 ريال
-كلها بالخدمة السريعة وانت واقف ماتاخذ منك وقت. :)

^^^

أضيف على ذالك تفحص البطارية كثير من الأعضاء حصلت له وصارت المشكلة من البطارية وسببها أرتخاء أسلاك البطارية وحلها تنظيف أصابع البطارية وشدها . وإذا كانت منتهي غيرها ومقاسها لموترك 60 أمبير هذا للـ v4 .

وإذا كانت المشكلة مو من البطارية أنصحك توديها للوكالة أضمن لك من أنه تجيب واحد ويفتي من راسه .

اقتباس:

---

المشاركة الأصلية كتبت بواسطة king

ماتقدر تحكم هي عين ولا لأ

لكن فيه خطوات ممكن تسويها مع الوقت هذا

تشييك على زيت القير , ضروري جدا ً
تشييك على زيت المحرك والسيفون , بواجي وفلاتر
تشييك إذا كان صاحب السيارة الأول قد غير دودة الدركسون لأن تغييرها على الضمان بالوكالة. (عيب مصنعي)
يفضل انك ترجع جنوطها حقت الوكالة بالوقت الحالي إلى ان تتصلح المشاكل الموجوده , لأن محتمل تكون المشكلة من الجنوط وانا مااعتقد لكن !! اخذ الحيطه والحذر خصوصا ً لما واحد يركب جنوط كبيرة , اكيد راح يلاحظ بزيادة صرف البنزين وقل العزم وعدم الثبات وأشياء كثيرة.

بخصوص تغيير زيت القير والمحرك يفضل تغييرها بالوكالة , لاسمح الله صار شيء تقدر تطالب بحقك.
(اما لو ورشة ماتقدر تسوي شيء وتطالب عامل ورشة!!!)

الأسعار كالتالي:
زيت المحرك مع السيفون: 110 ريال
زيت القير: 182 ريال
-كلها بالخدمة السريعة وانت واقف ماتاخذ منك وقت. :)

---

كل شي مغير فيها من زيوووت وكل شي والسياره المشكله ماهيب بالرياض الحين لكن نصحوني بعض االاقارب

اوديها لورشه مضمونه بالديره عندنا وابشوووف وش يقولون لي لكن الغريب اني اشغلها يجي صوووت طقطقه

لكن نقووول قدر الله وما شاء الله والله يكتب الي فيه الخير

ومشكور يااخوي

اقتباس:

---

المشاركة الأصلية كتبت بواسطة ن ع ر السعودية 0005

^^^


أضيف على ذالك تفحص البطارية كثير من الأعضاء حصلت له وصارت المشكلة من البطارية وسببها أرتخاء أسلاك البطارية وحلها تنظيف أصابع البطارية وشدها . وإذا كانت منتهي غيرها ومقاسها لموترك 60 أمبير هذا للـ v4 .


وإذا كانت المشكلة مو من البطارية أنصحك توديها للوكالة أضمن لك من أنه تجيب واحد ويفتي من راسه .

---

عاد تصدق ان البطاريه هي اول وحده قبل مااجيبها وانا مشيك عليها

وما فيها شي

لكن عندي سؤال غبي انا يوم اشتري السياره ماسئلت راعيها عن بنزينها وعبيت اخضر هل هذا يسبب مشكله للسياره ؟!

والشي الثاني لو اوديها الوكاله وهي ماشيه 160 هل يشملها الضمان ؟!

اقتباس:

---

المشاركة الأصلية كتبت بواسطة ابولمى

عاد تصدق ان البطاريه هي اول وحده قبل مااجيبها وانا مشيك عليها

وما فيها شي

لكن عندي سؤال غبي انا يوم اشتري السياره ماسئلت راعيها عن بنزينها وعبيت اخضر هل هذا يسبب مشكله للسياره ؟!

والشي الثاني لو اوديها الوكاله وهي ماشيه 160 هل يشملها الضمان ؟! [/center]

---

ممكن يكون البنزين هو السبب والله أعلم

والضمان ما يشمل موترك لأن ضمانه إلى 60 ألف ومن رائيي تخسر فيها مرة عند الوكالة ولا تخسر كذا مرة عند كم ورشة ما يدري وش سبب المشكلة .

اقتباس:

---

المشاركة الأصلية كتبت بواسطة ن ع ر السعودية 0005

ممكن يكون البنزين هو السبب والله أعلم


والضمان ما يشمل موترك لأن ضمانه إلى 60 ألف ومن رائيي تخسر فيها مرة عند الوكالة ولا تخسر كذا مرة عند كم ورشة ما يدري وش سبب المشكلة .

---

صدقت والله

وانا مواعد لي فني وابشووف وش يقولي يمكن يطلع شي بسيط ومايحتاج للوكاله وهذا الي اتمناه

وان طلع شي كايد ويبي له شغله ابوديها للوكاله اضمن والله الورشات ماهي مضمونه

والله يكتب الي فيه الخير

وويوفقك يااخوي ع المتابعه :o

اللي غير الجنزير ما شده و وزنه مزبوط...... هذا و العلم عند الله

اقتباس:

---

المشاركة الأصلية كتبت بواسطة doabil

اللي غير الجنزير ما شده و وزنه مزبوط...... هذا و العلم عند الله

---

لا الجنزير يقول ماله دخل

يقووول ثلاجة المكينه يقول اطلبها من الوكاله واركبها لك

عاد مدري كم سعرهااا ؟ّ!

اسمعني وانا اخوك اذا انت لسا شاريها ...

وطلع العيب من المستخدم اللي قبلك بأي طريقه كانت ....

لو طلع القير موضب او المكينه او طلع مركب زيت ثقيل ع القير او اي اي اي شي .. وماقالك هالشي .. روح لشيخ المعارض وقولهم الرجال غشني وهم راح ياخذون حقك

اقتباس:

---

المشاركة الأصلية كتبت بواسطة bЯộǾk ❤

اسمعني وانا اخوك اذا انت لسا شاريها ...

---

اقتباس:

---

المشاركة الأصلية كتبت بواسطة bЯộǾk ❤

وطلع العيب من المستخدم اللي قبلك بأي طريقه كانت ....

لو طلع القير موضب او المكينه او طلع مركب زيت ثقيل ع القير او اي اي اي شي .. وماقالك هالشي .. روح لشيخ المعارض وقولهم الرجال غشني وهم راح ياخذون حقك

---

والله انا شاريها ليا اسبوعين تقريباً والسياره فحصتها وكل شي وهي تمام مافيها شي حتى ناصحني راعي الفحص فيها وانا الي علطول شريتها بس مجرد قالي الجنزير اذا ودك تغيره وغيرته انا

والله مدري وانا اخوك ماودي اظلم الرجال اخاف يوم شريتها طلع والله مدري ابشووف كم سعر هذي ان كانها رخيصه شريته وتحمدت ربي

لكن عندي سؤال الحين ثلاجة المكينه هي ثلاجة المكيف ؟! وكم سعرها؟

الله يعينك...

أعتقد انه من زيت القير - احتمال كبير
اللي أعرفه ان بعض السيارات و منهم الهوندا ... يفصل فيها القير اذا كان ثقيل أو ناقص بشكل كبير.
طبعا السيارة بتمشي معك شوي بعد ما تطفيها و ترجع تشغلها بس بتفصل مرة ثانية.

انصحك ما تسوق السيارة ابد و توديها عند أقرب ورشة علشان ما يضرب عليك القير كامل.

اقتباس:

---

المشاركة الأصلية كتبت بواسطة the_shark

الله يعينك...

أعتقد انه من زيت القير - احتمال كبير
اللي أعرفه ان بعض السيارات و منهم الهوندا ... يفصل فيها القير اذا كان ثقيل أو ناقص بشكل كبير.
طبعا السيارة بتمشي معك شوي بعد ما تطفيها و ترجع تشغلها بس بتفصل مرة ثانية.

انصحك ما تسوق السيارة ابد و توديها عند أقرب ورشة علشان ما يضرب عليك القير كامل.

---

السياره حالياً عند الورشه وقالي عندك ثلاجة المكينه ويوم السبت ابشووف وش القطعه علشاان اطلب نفسها

وان شاء الله تنحل المشكله وشكلي اببيع اول ماتضبط والله النفس طابت منها :(

ثلاجة المكينة قطعة حديد ماتتغير الا اذا كانت مكسوره وماتنكسر بسهولة الا اذا تعرضت السياره لحادث مثلا...

عموما قول للفني يضمن شغله وممكن تشتري الثلاجه من التشليح اوفر لك

اذا مغير الجنزير ارجع للرجال الي مغيره ممكن غير وزنية البلوف وصارت الطقطقه..واذا اختلفت وزنية البلوف مابتمشي معك السياره بشكل طبيعي

اقتباس:

---

المشاركة الأصلية كتبت بواسطة متصفح

ثلاجة المكينة قطعة حديد ماتتغير الا اذا كانت مكسوره وماتنكسر بسهولة الا اذا تعرضت السياره لحادث مثلا...

---

اقتباس:

---

المشاركة الأصلية كتبت بواسطة متصفح

عموما قول للفني يضمن شغله وممكن تشتري الثلاجه من التشليح اوفر لك

---

اقتباس:

---

المشاركة الأصلية كتبت بواسطة متصفح

اذا مغير الجنزير ارجع للرجال الي مغيره ممكن غير وزنية البلوف وصارت الطقطقه..واذا اختلفت وزنية البلوف مابتمشي معك السياره بشكل طبيعي

---

مشكووور يااخوي

والله يكتب الي فيه الخير

ياحبيبي سيارتك مكينتها ودعت يبغالها توظيب وصوت الطقطقه بسبة الجنزير والتكايات داخل المكينه لو انك سمعت كلام الرجال وغيرت الجنزير ماكان عمت التكايات وراحت المكينه والله يعينك على اسعار هوندا
وتراها صارت معي وغيرت مكينه