صوت عذبني تكفووووووون الحل...

عندي صوت اقلقني بالمره والله حتى تمنيت اني مااشتريت هالسياره(أكورد2010) بس وش نسوي القدر..
مابي اطول ياشباب بعد روحاتي وجياتي للوكاله بشأن إكتشافه اول مره قالو لي عندك المسامير مصديه وغيروها لي على حسب كلامهم واختفى الصوت الاولاني اللي هو الطقطقه وانا ماشي بسرعه بسيطه حدود20-30كلم.
المشكله الان طلع لي صوت بجهة السائق والله صعب اوصفه بس تقريبا (كحذف الحجر عالحديد) يطلع لي فقط في حالة اذا مشيت بخط (جلد) وفيه مطبات صغيره أوفي حال طلوعي فوق مطب ونزولي منه يصدرهاصوت مره وحده :mad:
وللعلم رحت الوكاله اكثر من مره افهم فيهم بس يقولو لي مافي سيارتك شي ويطلع يجربها بس ما يطلع صوت الطقه وأنا عارف ماراح يطلع الا صدفه وفي شارع أو مطبات كما ذكرت بالاعلى
والله بديت اوسوس اخاف انه دودة الدركسون اونضام التعليق فيه شي كما قرأت بعض مواضيع الشباب.

واللي عنده خبره بهالموضوع او أي معلومه يتفضل بها وله دعوه بضهر الغيب وسامحوووووني طولت عليكم :o

السلام عليكم

يا خوي انا أول ما طلعت سيارتي من الوكالة م2009 وعادني ما قد مشيت فيها 300 كم انتبهت لصوت يطلع زي اللي انت طالعلك وجات الوسوسة ورحت للوكالة اعرف واحد في الصيانة طلع معايه وسمعته الصوت قالي ادخل الصيانة ودخلت ورفع السيارة وشاف المساعدات الأمامية عليها زيت خفيف قالي المساعدات مفقعة وانا استغربت توني مطلع السيارة ومحافظ عليها مررررة ؟؟؟ :confused: قالي يمكن من الشركة روح كلم مدير الصيانة ويغيرها لك ورحت كلمت المدير وجا تهاوش معى خويي وقاله كيف سيارة جديدة وتقله المساعدات مفقعة وراح نادى فلبيني ثاني وجلس يتكلم عليه وقالي الفلبيني سليم مافيه شي وقالي مدير الصيانة روح كمل التمرين حق السيارة وصيانة 1000كم جيبها ونشيك عليها مرة ثانية ورحت وانا كارههه السيارة :(:(ورجعت بعدين سويت صيانة والمدير عارفني كلم الفلبيني يسوي للمساعد تربيط وركبو جلدة عليه وانا منا داري ايش السالفة وطلعت وراح الصوت شهر وبعدين رجع واروح الوكالة واتهاوش معاهم قالولي فيه فني جديد جاي زيارة شهر للوكالة وراجع الرياض خليه يركب معاك وسمعه الصوت وركب وساق السيارة وعلى طول رجع الوكالة ودخل عند مدير الصيانة وقاله تغيير مساعدات امامية على الضمان وعلى طووول غيروها وذحين صار لي سنة لا صوت ولا ازعاج الحمدلله

انته روح عند اي بنشر وخليه يرفع السيارة وشوف المساعدات الأمامية اذا عليها زيت على طووول طير على الوكالة وانشب لهم ولايصرفونك ويقنعونك باي شي

وآسف على الاطالة:p:p

للمعلومية : اذا طلع معاك موظف الصيانة روح لأقرب مطب أو شارع تعبان أو محفر لأن الصوت ماراح يطلع الى في هاذي الأماكن .

لا حول الله وراهم هوندا كذا

والله يا شباب انو ودي اوقف قدام شركه هوندا واجلس اصايح يا عالم لحد يشتريها ... :mad:


بس يالله خيره من ربي ان شاء الله :(

ع العموم عسى ربي يوفقك وييسر امرك ويشرح صدرك للسيارة ...

لكن خذ حقك وانا اخوك اذا فيها شي انشب لهم خلهم يطفشون من وجهك الى يغيرونها لك

ربي يسهل امرك ويكتب لك كل خير ..

يا شباب حرام عليكم والله خوفتوني من الهوندا انا موتري بيطلع السبت من الوكاله او الاربعاء
والكلام الي قاعد اسمعه بديت اكره السياره والي بزود كرهي اني كنت محتار بينها وبين الكابرس ls

لا تخاف من الهنادي 0 بالنسبة لصاحب الموضوع اتوقع من القماشات لان قد صارت معي بس الصوت من جهة الخلف وتم تغيير كامل الجهة الخلفيه من مساعد وياي ولا فيه فايده على حساب الوكالة 0 طبعا حت لفرع غير في الدمام وطلع الصوت من القماشات لان بعضها يجي فيه عيب مصنعي

مشكورررررررررررين شباب عالرد والله يعطيكم العافيه..
وسامحوني خشيت دغري زي مايقولون بموضوعي في هذا المنتدى بالرغم هي مشاركتي الاولى .. والله من زود قهري بالحاصل معاي من يوم اشتريت هالسياره وبروح أنشب لهم حتى اصلحها بأذن الله
...عموماّ الله يعطيكم العافيه وأي خدمه حاضرين للحبابيب.:)

الله يعينك

يا صاحب الموضوع

طيب في بديل للاكورد

لاني ناوي اخذ سياره ان شاء الله

ومحتار ايش اخذ

تكفون تنصحوني بالاكورد ولا لا

وكيف اعرف المشاكل من قبل ما اشتريتها

لاني ناوي اخذها من معرض مو من الوكاله

ف ايش رايكم

اخوي سامي حتى انا سيارتي فيها هذا الصوت من جهت الكفر اليمين قدام وديتها اكثر من مره الوكاله ولا سوو شئ

اول مره في صيانة 1000 كيلو قالو جلدة ناشفة ورش عليها زي البخاخ
صيانة 5000 الاف في فرع الميناء جدة ماادري وش سوو عشان السيارة جلست عندهم يومين
صيانة 10 الاف في المدينة قالو دعسة المساعد وصلحوها
الصوت يختفي يمكن اسبوووع ويرجع اول مااغسل السيارة