محتآر / أحتاج مساعدتكم فلآ تبخلوا علي بالمساعدة

السلآم عليكم ورحمة الله و بركاته
أحبتي أخواني أعضاء المنتدى / أمنياتي أن تكونوا بصحة و عافية دائمة مستدامة
أخوكم فعلآ محتار و السبب الأقاويل و ما يتم كتابته في النت عن الفرق بين 6 و 4 سلندر
صراحة المنظر و الهيبة للـ 6 سلندر و لفتت نظري بشكل كبير لكن ما يقال عن الصيانة و قطع
الغيار و هبوط سعرها بشكل كبير في حال الرغبة بـ البيع أخافني ممـا دعاني للتسجيل :d
و الإستفادة من خبراتكم الله لآ يهينكم .

ملاحظة / لست بـ شخص يحب السباق :d و السرعات الكبيرة / لكنني ابحث عن التميز
و الفخامة , أتمنى أن تفيدوني في ردودكم !

# / بعد ذهابي لوكالتي هوندا و تويوتا و السؤال عن سعر الأفالون و الأكورد بنظام التأجير
وجدت الفرق كبير جدآ الاكورد سـ تدفع فوق مبلغ السيارة الكاش مبلغ 34 الف / اما الأفالون
سـ تدفع فوق مبلغ السيارة كاش مبلغ 65 الف !

^

السبب هذا دعاني للتحول للأكورد !

أنصحك بالاربعة سلندر اذا ماتحب السرعة وذاا تبي تتمير ومعك أربعة عدل في السيارة
واذا ما أخذت لون أبيض هذي أكبر ميزة .. :d

اقتباس:

---

المشاركة الأصلية كتبت بواسطة d7oomy

أنصحك بالاربعة سلندر اذا ماتحب السرعة وذاا تبي تتمير ومعك أربعة عدل في السيارة
واذا ما أخذت لون أبيض هذي أكبر ميزة .. :d

---

يا مرحبا دحومي

والله أنا شخص احب السيارة تكون شد بلآدها / بس السؤال هل الـ 6 سلندر صيانتها و قطع غيارها
غالية , و سعرها يطيح لو كنت ناوي البيع ؟

هنا المقصد و المغزى

شكرآ لك

لا اخوي ما اتوقع انها تطيح سعرها كلها واااحد بس فرق المكينه للافظل ...

طيب عندك معلومات ادق

هل اسعار قطع غيارها مختلفة عن الـ 4 سلندر

وعليكم السلام

اسعار الصيانات للـ 4 سلندر و 6 سلندر واحده ماعدا صيانة 100.000 الـ 6 سلندر اغلى بـ 400 ريال تقريبا

والقطع تقريبا نفس الشي , وفي الموديل السابق من الاكورد 2007 وانت نازل كانت مشاكل الـ 6 سلندر كثيره وماعندي علم عن مشاكل الموديل الحالي , وبالنسبه للبيع سعر الـ 6 سلندر يطيح والسبب عدم رغبة الزبائن بكثره

ولكن كا رغبه عند الزبائن الـ 4 سلندر افضل , ومادام مالك بالسرعه وتبي سياره ترتاح معها توكل على الله وخذ الـ 4 سلندر

وهذا جدول بأسعار الصيانه الدوريه

http://www.hondaarabia.com/club/atta...6&d=1231498960

على فكره اسعار الصيانه تقريبيه وبنسبه لسوق >المعارض<ال4 سلندر مرغوب اكثر ولا يطيح سعره اما ال 6 سلندر ينزل من سعره واجد
الناس ترغب 4 سلندر الاغلبيه طبعآ

مشكلة ال6سلندر وحده وهي ان سعر مابعد البيع يطيح بقوووة عكس الاربعة سلندر اللي تمسك سعرها للطلبية القوية عليها

اخوي كانك مهب راعي سرعة ولا شي وتحب الفخامة خذلك اربعة سلندر لأنها نفس السته لكن التميز اكيد للسته

السلام عليكم ورحمة الله وبركاته

اخوي اذا انت راعي استخدام و ما فيه نيه لبيع السياره بعد سنه او سنتين فتوكل و خذ الv6 خاصة اذا انت راعي خطوط
واذا انت راعي تغيير فانصحك بال4 سلندر وترى كلها ممتازه

اما انا كانت معي اكورد 2007 4 سلندر و بصراحه انا شريها مستعمله ب 52000 وبيعها مرشوشه كامل وجايها صدوم ب 45000 وطبعا فترة الاستخدام سنه و4 اشهر تقريبا والحين اشتريت 2010 v6 وبصراحه روعه بمعنى الكلمه واعجبتني من ناحية صرفية البنزين يعني على ال2007 v4 كنت افللها من الظهران واروح الرياض ويبقى تقريبا اقل من الربع اما ال2010 v6( يمكن ما تصدقني ) فللتها من من الظهران ومثبت السرعه على 110 والى الرياض و مشاوير وارجع الى الظهرانومثبت السرعه 110كم و باقي من التانكي فوق الربع بشوي ما شاء الله تبارك الله
فانت شوف ميزانيتك واستخر ونصيحه غير اللؤلؤي لاتدور
اسف على الاطاله وشكرا..

أخوي توكل على الله وخذ أكورد 6 سلندر... السيارة جدا متميزة وقوية ومواصفاتها أعلى بكثير من الـ 4 سلندر خصوصا في الـ 2010 وبخصوص الصرفية الـ 6 سلندر فيها نظام Eco وهو نظام ما يشغل كامل السلندرات عند إستخدام السيارة على سرعات منخفضة..

أما بخصوص الصيانة فمثل ما قال ميشو ما تفرق كثير وألف مبروك مقدما..