سؤال بخصوص الـ 1000 كيلو ، والمقاعد

السلام عليكم ورحمه الله وبركاته
طبعا هالاسبوع طلعت الاكورد حقتي ولله الحمد والحين مشت 944 كيلو ومابقي شيء على الـ 1000
الي ابغى اسأله

* لازم احجز قبل ادخلها الصيانه حقت الـ 1000 كيلو ؟
* واذا لازم احجز قبل >> كيف احجز بالضبط ؟


عندي مشكلة ما ادري هي مشكلة ولالا

رحت مسكت خط الدمام قلت بجرب السياره مع الخط كيف

طبعا مشيت 120 واحس المقعد الي بجنبي يتهزهز !! هل هو طبيعي ؟
اخاف يبغالها ترصيص >> واذا كان هذيي المشكلة السيانه يسوونها لي مجانا مع صيانة الـ 1000 كيلو ؟

لاني حاولت اوصل 140 والهزه برضو فيه وتزيد نوعا ما ، << بالعلم اني ما وصلت الـ 160 علشان اجرب اكثر!
حتى مقبض الحزام الي بجنبي يتهزهز ،

وبارك الله فيكم مع انه السيارة جديده وتوني مطلعها يوم الثلاثاء الي فات

بالنسبة لصيانة الـ 1000 مجانية طبعاً و بدون حجز مسبق تجي و تدخل وتسويها بنص ساعه اذا كان ما في زحمه

اما لو في زحمه بيقول لك بعد ساعه او ساعتين تخلص , عاد انت تبي تقعد ولا تروح كيفك ..

واي ملاحظات بلغهم اذا وديت السيارة الصيانه ويسونها ع الضمان اكيد ان شاء الله ,,

وتأكد من ضغط هوا الكفرات ..

السلام عليكوم ورحمة الله وبركاته..
اخوي رح للوكالة بدري قبل تتعدا 1000 كيلو ولا ماراح يقبلونك ..

اخوك ابو نايف...

الله يعطيكم العافيه ماقصرتوا
طيب الصيانه متى يداومون برمضان فرع (خريص) ؟
وانا ماهو مهبل فيني إلآ الهزهزه اذا مشيت 120 وفوق >>> لازم اقولها لهم
حتى انه لمن اثبت الطاره >> السياره تميل لليمين شوي :(
الله يعين بس

اخوي هاذي المشكله دايم تصير بس ما دام ان السياره وكاله ما شاء الله تأكد من ضغط الكفرات زي ما قال الاخ ac09 مادام في حذفيه لليمين ولا يمكن ترصيص وفي ابعد الحالات اذا مررررررررره يعني لا قدر الله الوكاله يصلحونها لك من فوق خشومهم ولا تقول الا خير ان شاء الله

أخوي شيك على ضغط الكفرات ولما توديها لصيانة الـ 1000 كيلو خلهم يشيكون عالسيارة وعلى مسامير المراتب ممكن تكون مرتخيه شوي..
أما بخصوص الحذفة فكثير من الأعضاء إشتكوا من هالمشكلة لما إستلموا سياراتهم من الوكالة وحلوها لهم الصيانة في صيانة الـ 1000 أو الـ 5000 كيلو..

مشيت 160 قبل الالف:eek: شكلك جبت العيد:d

لالا وييين السيارة جديدة والمقعد حق الراكب يهتز؟؟؟؟
رح للوكالة وقلهم اكيد بيزينونها

اولا اخوي الف مبروك

ثانيا كان من الافضل انك ما تتعدى المية وعشرين قبل ماتقطع السيارة الاف كيلو ولكن ان شاء الله ماراح ياثر لان هذا بس من باب الاحتياط

صيانة الالف كيلو مجانية و لا يحتاج موعد وتاخذ وقت من ربع ساعة الى نص ساعة اذا مافيه زحمة ويتم فيها تغيير الزيت والفلتر واي ملاحظة تعلمهم ويطلع معك موظف وتشوفون المشكلة

بالتوفيق لك

الافضل تاخذ ورقه منهم ان الكفرات ترج وتطلع تقرير من برجستون عن حاله الكفرات

واذا فيه مشكله بالكفرات تتبدل عالضمان زي سياره اخوي

معقوله هالمشاكل تصير والسيارة جديدة ...

الاخوان اللي يقولون ليش يمشيها 120 ... اخوي مشيها 180 مو 120 بس .. خذ راحتك على الاخر ..

يعطيكم الف عافيه ع المرور ^_^

الحمد الله امس خلصت من صيانة 1000 كيلو وراح اجرب السيارة يمكن ضبطوا الهوا حق الكفرات وتروح الهزات ^_^ << يارب ياكريم

اخوي dr.frrosi انا ما وصلت الـ 160 >> وشكلك ماقريت كلامي زين ^_^ انا اخر شيء وصلت له و 140 علشان كنت بشوف هالهزه تزيد ولالا ،

مع العلم اني يوم سويت صيانة 1000 كيلو >> اخذت موعد في 19-9-2010م عند الشركه علشان اجي واوريهم المشاكل هذي

<< بس ان شاء الله انها راحت لاني ماجربت بعد الصيانه المجانية

اخوي fang

ممكن تقولي ايش غيروا في السيارة ؟؟ وو كم استغرقت الصيانة ؟؟<<<كيف الفصحى؟؟

اذا السياره تحذف سويلها وزن اذرعه ومقصات بالكمبيوتر مع التدقيق بالشاص