عرض للطباعة
السلام عليكم و رحمة الله و بركاته
أنا عضو جديد في هذا المنتدى الرائع .... وعندي سؤال مهم و ابغى إجابته بأسرع وقت ممكن ؟؟
أنا عندي هوندا أكورد( 2007) 6 سلندر فل كامل لونها أسود ماشية 6500كم
ابغى ابيعها
وسعرها في الوكالة كاش بـ92000 ريال سعودي والسيارة بحالة ممتازة جدااااولا فيها أي دقة ولم ترش ولا خدش
في رأيكم كم راح يكون سعرها في السوق .. لأني ناوي أعرضها للبيع و إذا في زبون ناوي يشتريها يعطيني السعر
والله يعطيكم العااااافية ..
والتفاهم عبر المنتدى
وهذا ايميلي ausst222@hotmail.com
اتوقع تجيب لك 80 - 85
والله يوفقك
أفا يا ذا العلم
عسى ما شر
يا حبايب تراني عرضتها في السوق و جابت لي بالسوم 73000 ريال ويش رايكم ابغى إجابة بأسرع وقت ممكن
وسبب بيعي للسيارة وهذا ردي لاخوي (الظل و جميع المشتركين)أني ابغى اطلع إنشاء الله اوريون تراها داخلها راسي بشكل ما هو طبيعي مع اعتذاري لعشاق الاكورد و أنا منهم لكن ويش نسوي
وعندي طلب صغير وهو تراه أهم طلب عندي بالنسبة للمكينة مكينة الاكورد V6 اقوى و لا مكينة الاوريون V6
يعني الاكورد راح تطرح الاوريون و لا العكس, وهل صحيح ان الاسعار تختلف من مدينة عن اخرى
وابغى إجابة بأسرع وقت ممكن و الله يعطيكم ألف عافية
حبيبي اذا كنت تبي تبيع اتصل فيني على الرقم 0556226226
السلام عليكم اخوي
Ahmad22
السياره تجيب لك اكثر
انا اليوم بعت سيارتي وماشيه 10.000 بــ76 الف ريال
وسيارتي اربعه سلندر فل كامل
يعني انت سته سلندر وتجيب لك بالراحه 80 الف او اكثر
أدا انت من الدمام انزل يوم الجمعه المعرض وشوف وانا متاكد انك راح تبيعها بسعر حلو
وشكرا
الأكورد 6 سلندر ما تمسك سعرها مثل الأربعة سلندر ..
سعرها يطيح و ينزل لي أقل من الأربعة سلندر عند البيع..
و بالنسبة للأوريون فهي كامري جراندي مطورة شوي ..
و من ناحية السرعة فهي سريعة و تطرح الأكورد 6 سلندر بالراحة..
الأكورد 250 حصان صافي
الأوريون 268 حصان صافي
عزم الأكورد الأقصى : 29.3
عزم الأوريون الأقصى : 34.3
فالأكورد 6 سلندر مالها أمل مع الأوريون..
بس الأكورد مشيها حلو ..
آنه عندي أكورد 6 سلندر .. و الوالد عنده أفالون ..
من ناحيتي و رايي الشخصي .. ارتحت للأكورد أكثر من الأفالون .. و تبقى مسألة آراء .. لأن الأفالون أحسها مرطرطة شوي ما أدري كيف .. و لكن الوالد يقول العكس :) (فهي مسألة آراء) .. يمكن آنه أكون منحاز حق سيارتي شوي و هو بعد منحاز حق سيارته ..
فالأحسن إنك تشيك السيارتين بنفسك .. و تويوتا كفاية إنها انتزعت الصدارة في المبيعات من جنرال موتورز و هاي ما أعتقد إنها من الحظ ..
و اللي ترتاح له سوه ..
و الله يوفقك :)
المعذره يا شباب ..
ما ودي يضيع تعبكم لكن بأضطر لاغلاق الموضوع حتى يراسلني صاحبه على الخاص
الموضوع قديم شوي وآخر زياره لصاحبه كانت قبل شهرين !!
الله يعطيكم العافيه على المعلومات
وان شاء الله نشوف جهودكم في مواضيع اخرى