عرض للطباعة
.
.
.
السلام عليكم
كل عام وانتم بخير .. ومن العايدين
اخواني الأعزاء ... انا لدي وظيفه في منطقه بعيدهـ
واحتاج لسيارهـ تخدمني ( خطوط )
الأكورد صراحه عاجبتني ...
بس سمعت انها ماتمشي مثل الكامري ( سرعه )
وش رايكم بالأكورد v6 ?
او هل اقدر افك فصله الطبلون بالشركه ؟
او اشتري كامري واريح راسي ؟
و الله شف سيارات هوندا هي افضل سيارة حاليا ما شاء الله تبارك الله
و اذا كان على سرعة وش تبي بسيارة سريعة لكن تخبط بسرعة مثل سيارات تويوتا خصوصا ً السيدان واضف إلى ذلك انها مب يبانيه عشان تضمنها اكثر ولكن هوندا ما شاء الله تبارك الله باقي على بلدها يبانيه اما تويوتا استراليه ولكن خذ لك اكورد وريح راسك وعلى كلام الاعضاء ان الشكل الجديد من اكورد عزمة مب ذاك الزود مدري ليش يمكن بس فئة 4 سلندر لكن لو تاخذ من الشكل القديم مستخدم نظيف يكون افضل لان عزمها ما شاء لله تبارك الله اقوى من الجديد واذا كنت بتاخذ من القديم تجنب موديل 2006 لان مشاكله كثيرة
واذا كنت تبغا من الشكل الجديد خذ لك الـ 6 سلندر
واتنمى اني افدتك
وكل عام وانت بخير ،،،
شوووووووف خذ لك كورلا ولا تاخذ اكووورد نصيييحتي لك معليك من اللي يمدحها ...
انا معاي 2009 واقولك لا تشتريييييييييييهااااااااااااااااااااا اشتر كامري او اوريون اذ تقدر وقسسسم بالله انه موتر لا قالو موتر صدق وعشان اثبت لك كلامي
ثاني شي قطع غيارها غااااااااااااليه وتطلب فحمات بشكل مو صاحي واسالني انا
امس توي شاري فحمات ولسا ماركبتها
هي حلوه سواقتها في الخط
لكن بصراحه فيها عيوب وشوف المواضيع اللي قلت لك عليها ومعليك من اللي ردو خذ بنصيحتي ولا تاخذ اكورد انا ماني دافع 100 الف على موتر 4 سلندر من دون شاشه ومن دون بلوتوث وقوه مكينته ضعيفه حتى زينون مافيه
اذا كنت ناوي تشتري وجاد ترى ببيع لك موتري اذا كان سومتك زينه توكلنا على الله
لكن نصيحتي لا تشتري اكورد ... والله ياخوك مابي لك الا الزين ولا قلت لك كذا الا من تجربه وانت سو اللي يريحك ((وبعد ماتستخير اهمممممممم شي .. اذا ما استخرت قبل تكتب رد هنا قوم استخر وادع ربك يكتب لك اللي فيه خير))
تبغى نصيحتي خذ لك اكورد انا معاي موديل 2000 وماشيه اخر حلاوه الحمد لله
وان شاء الله معزم على 2010 v6 أو 2011
سياره تكد معك ولك وللزمن
^^^
والله ناس غريبه !!!
واحد يبغى يرجع للاكسنت حقه ,,
واحد يقول خذ كورلا احسن من الاكورد ,,
والثاني مايبغى الاكورد عشانها تفصل ,,
والثاني يقول فيها عيوب ,,
اشتري كامري واقعد ادعي كل يوم ع الي نصحك فيها :d
وانا عمري ليومك دا ماشوفت احد مدح في الكامري الشكل الجديد !!!
وشايف بعض الناس يشتكوا من نقص زيت المكينه ,,
عمرك سمعت بذي المشكله في اي هوندا خخخخخخخخخـ
مستحيل طبعا ,,
مشكلة الي ماعمره ساق سياره ويجي ويقولك الهوندا فيها عيوب !!!
إذا تهمك السرعه والعزم
عندكـ
المازدآآ 6
الالتيمآآ
السوناتآآ
^^^
كلهم اقوى واسرع من الكآآمري
الكامري
رساوتهآآ سيئه جداً جداً جداً << تتعب وانت تقول جداً :d
مافيهآآ مميزآآت
جودتهآآ من سيء لآسواء << من 2003 وكل مالها تزداد سوء
عيوب تهدد حيآآه النآس
مثل تعليق الدعسه
وانفلآآت الدركسون
والصدآآم ينفك مع السرعه العاليه << تحسه مصنوع من نفس المواد المصنوعه منهآآ العآآب الاطفال
امانهآ سيء للغآآيه ومانجحت في اختبارات الامآآن الكامري الامريكيه ذآآت الطبقتين وسمك 2 ملم
فما بالك بالخليجيه ذآآت ال1 ملم وسيئه الصنع
يعني أقل حآآدث ممكن يهدد حياتكـ وهذآآ مهم في اختيار السياره المنــآآسبه
^^^
إذا تبي أدله على كل هالكلام انا حــآآضر
إذا ماتهمك السرعه العاليه يعني 210 واقل
الاكورد
رساوتهآآ قويه
امانهآآ عالي
صلبه ومتمــآآسكه
صدىمهآآ قوي وماينفك من السرعآآت العاليه
مكينتهآآ تتحمل الخطوط الطويله والسرعآآت العاليه بشكل ماتتوقع وكآنهآآ 6 سلندر
تتحمل وماتطلب مثل غيرهآآ ومن تجآآرب
فيهآآ عيوب خفيفه لآآكن ماتعيب لو كآآن مايهمك العزززم والقوه
مو يعني مافيهآآ قوه لاكــن زي ماتقول قوتهآآ متواضعــه :rolleyes:
أهم شيء لاتشتري كآمري وانا اقدر اثبت لكـ كل العيوب اللي قلتهآآ فوق
وبالتوفيق
اقتباس:
المشاركة الأصلية كتبت بواسطة BЯộǾK ❤
انا ماراح امدح الاكورد ولا اذم في سياره ثانيه
بس الى الان كلامك مافيه اي سبب مقنع انه يمنع الرجال من شراء الاكورد
يعني معقوله كل مبيعات الاكورد هذي والطلب الزايد عليها وماعجبتهم كلهم ! مو معقول :confused:
اذا كان لديك اسباب فعلآ مقنعه اذكرها لكي يستفيد الجميع
احترامي لك ,,
:)
^^^^^^^^
نفس كلام أخوي ميشو
وبتوفيق أخوي.
بسم الله الرحمن الرحيم
بقولك شي بسيط
عيوب الأكورد
1. عزمها حلو بس مو قوي للي يبي سيارات سباق :d
2. اصوات الهوا والوكاله عندهم حل على الضمان
3. فحمات ناس تغيرها 20 وناس 30 وناس 40 وناس اعرفهم صاحبي مشت 60 ماشاءالله ولا غيرهم
:confused:
تتوقع العيب من منو
4. ناقصها شاشه
5. اصوات الديكور بربع ساعه تقدر تحل كل المشاكل حقت اصوات الديكور
وش رايكم بالأكورد v6 ?
وحش:d
او هل اقدر افك فصله الطبلون بالشركه ؟
لا ماتقدر واذا فكيتها يروح الضمان215 ماتكفي:d.
انا كنت بفتكها بس قلت دامي مجنون واعرف نفسي
ماشيل رجلي عن البانزين ليما توصل طبلونها
بطلت مابي اموت نفسي لوول
او اشتري كامري واريح راسي ؟
اذا بقولك شغله بعيد عن عيوب الكامري والاكورد
وعلى راحتك
اذا تستغني عن الثبات والتحكم ونضام الامان الي بلسياره
وصناعه اقوى وعمر اطولـ
وعن نسبه عشان تعيش اكثر(العمر كله ولاعمار بيد الله)؟؟
||عشان شاشه وبلوتوث :d||
وتقدر تركبهم بـ 2500
اخذ لكـ كامري
اذا تحس انه كل الي قلته مامنه فايده
:d
بسم الله الرحمن الرحيم
أخوي أنا حابب أنصحك
أنا ما أقلك السيارات إلي ذكروها الأعضاء سيئة
بس والله أنا كان ودي أشتري :
سوبارو ليجازي 2010 l4
والله هادي السياره مواصفاتها مره حلوا
قوه وسرعة لانها دفع رباعي أسرع من الأكورد والكامري وتقريبا الأقوى في فئة 4سلندن
ومن ناحية السلامة فيها معايير سلامة جدا قوية من حيث مانع الأنزلاق وتوزيع الضغط على الكفلرات....
ومن ناحية الرفاهية فية ممتازية
والسعر أرخص بكتير من كل ما ذكر
الفل كامل 4 سلندن بـ 89
الفل الرياضية 4 سلندن عليها قطع رياضية من الشركة بـ 98
بس فيها عيب واحد فقط
الوكيل حقها مره مره تعبان :mad: :mad: :mad: :mad:
لو أنخربة عليك السياره لازم تنتضر القطع تجيك من اليابان وبالنسبة إذا كنت من أهل مكة مالها صيانة في مكة
وفروعها معدودة على الأصابع
وهادي رأيي ولك حرية الأختيار
:cool::cool:اقتباس:
المشاركة الأصلية كتبت بواسطة Pink Dream
اذا مااقتنعت بالاكورد شوف الفورد التوريس انتشرت بشكل خيالي ومبيعاتها مرتفعه في الوكاله
وبسؤالي عنها من اللي جربوها واقتنوها سياره جداا رائعه خاصه من ناحية العزل والثباات وهذا اكثر شي يهمك بحكم سفرياتك
سعرها الفل كامل ب130 الف ريال وعليه عرض برمضان
وفيه فئة رياضيه ب159 الف ريال
والسياحي ب89 الف ريال
ونص فل ب99 الف ريال
طبعا انصحك بالنص فل ميزاته جداا حلوه وانصحك تمر الوكاله ونجربها
*الاسعار غير دقيقة لكن مقاربه
انتبه ياخوي لاتسمع كلام بعض الاعضاء الموجدين بالمنتدي ترى اكثرهم صغار واهم شي عنده المسجل والشاشه والبلوتوث والسياره اللي قومتها قويه
خذها مني نصيحه ابعد عن الكامري
ليش
رح اسال في الورش عن مكينة الكامري وشف وش رح يقولك
اولا
الزيت ينقص
المكينه اذاخبطت ماتتوظب
رساوه صفر بالميه
تبي تتاكد رح المعارض حتشوفها بكثره الناس عرفت عيوبها وتبي الفكه
وتبي تتاكد اكثر واكثر اسال عن اسعار موديل كامري 2002 النظيف بالمعارض حتشوف اسعار خياليه تدري ليش لان الكامري من موديل 2003 ومافوق اذا انت مسرع في خط سريع بسرعه 140 يبدى ينقص الزيت
في الاخير انتبه ثم انتبه ثم انتبه
لاتغرك مواصفات السياره الداخليه بلوتوث وخرابيط وللاسف بعض الشركات اغرت المشتري بهذه المواصفات حتى انستهم
الاشياء الاساسيه
مكينه
جربكس
عكوس
واهم شي اولا واخير الاستخاره
وبالنسبه للاكورد
وش لك وجع الراس خذلك اكورررد وارد اليابان كراحه تتدور شي من ياباني2002 الى 2003استرالي ولا تسرع فل الموت اسرععع
اقتباس:
المشاركة الأصلية كتبت بواسطة meshoo
شوف انا ادري ان هذا مو موضوعنا وبرد وانا خايف ان الموضوع يتقفل ونخرب على الرجال لكن بقولك ...
ليش فحمات الكامري ارخص من فحمات الاكورد على انها تستهلك فحمات اقل
ليش صيانه الكامري ارخص من صيانه الاكورد ؟؟؟
واذا بتقولي المواصفات اللي قلتها اقدر اركبها .. طيب كل شي تقدر تركبه تقدر تركب مكينه طياره في سيارتك ...
لكن انا ابي موتر اشتريه وفيه هذي المواصفات مافي شي زي الوكاله اذا جاتك شاشه وكاله وبلوتوث وشغل زي الناس ومكينه قوويه
وتستاهل قيمتها فعلياً
يعني انا بقولك على شي ... الاكورد 6 سلندر بكمم ؟؟؟
تقريييباً على حد علمي انها 115 الف
الاوريون بكم ؟؟... 110 الف الفلللللللل كااااااااااااامل ....
المواصفات ... اللي في الاكورد كللللللللها موجوده في الاوريون
ومواصفات والاوريون اللي مو موجوده في الاكورد:::
اقوى مكينه + استهلاك فحمات اقل + وشاشه + بلوتوث + انوار عدسات + كاميرا خلفيه + قير توب ترونيك ((اوتوماتيك وتقدر تحوله عادي )) + (مسجل سي دي+ كاسيت) + تشغيل السيارة بواسطه الزر + نظام البصمه +حساسات اماميه << فيه برضو عيوب مصنعيه للأكورد بس مابي ادخل فيها عشان ما اكبر الموضوع زياده كفايه مقارنه في المواصفات (( بحكم تجربه الاكورد 2003 -2005 -2006 )) << كلهم مع قرايبي اواخوياي
وسمعت ان فيها نظام تدفئه مراتب لكن مو متأكد عشان كذا ماراح اضيفها واتوقع اللي قلته يكفي
ونسسسسسسسسيت سعر قطاع غيار الاكورد لا تعليق .. اذا فضيت مر على الصناعيه واسال عن قطع الغيار ..
واسال عن الفحمات لأنك لو تشتري اكورد ترى بتشتري كثييير منها اسالني ترى معاي وحده بالسيارة الحين ناوي اركبهم ...:d
واسال عن فحمات الاوريون وبتشوف الفرق ان شاء الله وترى ماراح تشتري منها كثير بأذن الله واذا تبي تسوي مقارنه روح اسال اخوي سلفر اوريون اللي موجود هنا قوله كم مرة غيرت فحماتك .. واسال اللي تبي من هنا في المنتدى وبتشوف بنفسك
وسعر مابعد البيع .. روح على طريقك للمعارض وشوفة عينك ماني قايل شي انا لكن النتيجه صدقني بتكون للأوريون
وترى اسعار السيارات مو متأكد منها فاللي يمر على الرد وعنده خلفيه عن الاسعار اتمنى يعدله لو فيه غلط لكن هذي الاسعار تقريبيه يعني الفرق مو كثير عن قيمتها لأن خبري قديم فيها
اتمنى محد يتكلم ويقول عقله صغير الا كلام بالعقل ولا يجلس يتكلم بتعصب :)
الرجال<< صاحب الموضوع
جاي يبي نصيحتكم مايبي تعصبكم :d
واللي يبي يتكلم .. يجيني بالحجه مو يقولي بزر ومراهق :d
ويلا تعال انت وياه وردوو قولو الحين عني مراهق بعد هذي المواصفات والسعر ..
والله اذا تبي اصور لك صورة بطاقه احوالي مع الاستماره ترى ماعندي اي مشكله .. :confused:اقتباس:
المشاركة الأصلية كتبت بواسطة Pink Dream
ياخي المنتدى هذا فيه تعصب مو طبيعي للأكورد .. اذا قال واحد تجربته عن الاكورد وما اعجبتهم خليتوه كأنه ساب اهلكم وش انا قايل الحين ... حكيت تجربتي واللي يقول عني مراهق واللي يقول عني ابي اشوه صورة الاكورد
انا وش مصلحتي يوم اشوها والله لو ان عبدالله هاشم متزوج علي وانا مادري ..:confused:
هذي تجربتي وعندكم تجربه كم واحد معاي ... واللي يبي يثبت صورة الاكورد هذا انا حطيت قدامكم ابسط مقارنه بسيارتين كلهم معروفات .. ماشطحت لكم بسيارة غريبه ويلا شدو حيلكم وقولو لي الحين ... وشوفو انا بس ابي اشوه سمعه الاكورد والا جالس اقول الحقيقه وقناعتي في هذا الشي
ملاحظه ::
انا ما احب التعصب ولا المبالغه في الشي .... ياليت اللي يعلق على ردي يجيني بالعقل وشي اشوفه قدامي مو يقولي بزر ومراهق عشان نقدر نفيد صاحب الموضوع
^^^^
محسسني ان فحمات الاكورد بــ 1500 ريال :confused:
انا سيارتي اكورد 6 سلندر 2007 فحماتها بـ 400 ريال واصلي بعد ليه قالو لك الكامري فحماتها بــ 30 ريال وواحد مجانا :confused:
ترى مقارب للسعر يمكن فرق 20 او 30 اترك سيارة كامله والكامل الله ومواصفاتها احلى من الكامري علشان 30 ريال خلك واقعي شوية :rolleyes:
اقتباس:
المشاركة الأصلية كتبت بواسطة مجنون اكورد 07
30 ريال كم مرة بدفعهم ؟؟ كم مرة بروح اغير فحمات لو كان معاي اكورد او كامري .. هذي هي المقارنه مو تقولي الفرق بين السعر .. قولي الفرق في الاستهلاك
ويعني تركت كل المواصفات اللي في الاوريون ورحت للفحمات هههههههههههههههههههههههه
^^^
أتوقع يا غالي شغلت الفحمات تعود على حسب إستخدامك الشخصي
و بالنسبه للأوريون سياره في العلالي بس ما أعرف ليه أقحمتها و صيانتها و قطعها بردك :confused:
و الرجال هنا يتكلم عن الكامري ؟؟!
بالنسبه لي شخصياً أرى فرق شااسع بين الثنتين
الأكورد تتفوق بمرااحل على الكامري ولو إنها غير كامله و الكامل وجهه سبحانه و تعالى
وبينها و بين الأوريون فيه أخذ و عطا ولا تخلو الثنيتن من إنتقاد و لسع كلام الناس
المؤلم بعض الأحيان و الغير صحيح في أغلبه
و إذا على مواصفات أشوف الأكورد فيها الأساسيات الازمه
لكن ( و الكلام لصاحب الموضوع )اقتباس:
مخمل/جلد – مسجل 6 سيديهات – فتحة سقف – جنوط 17 – مكيف الكتروني - ايرباق للسائق والراكب - مقاعد كهرباء للسائق فقط - 6سماعات - مقابض نيكل – كشافات – تخشيب ( فورمايكا ) – تسفيط الي للمرايا – تنجيد الطارة والقير بالجلد ( خياطة ) - ديكور القير ومسكة القير بلون فضي ( رياضي ) – المرايا الداخلية الوسطى تعمل على تخفيف إجهار الانوار – تلبيس تجويفة الشنطة العلوية بلباد
إستخير الله و شاور أهل الخبره و الي لهم باع طويل بالسيارتين
و الله يكتب لك الخير إن شاء الله
* أتمنى يا شباب التكلم في صلب الموضوع و وعدم الخروج عنه
و البعد عن العنصريه و التحيز كلنا ما سجلنا بهذا المنتدى إلا لكي نستفيد و نفيد :)
تحياتي
:)
اقتباس:
المشاركة الأصلية كتبت بواسطة .: Afaq :.
اخوي ... انا تكلمت عن الاوريون وحطيتها مقارنه لأن الاخ ميشو قالي عطني سبب يخلي الرجال مايشتري اكورد وقلت له السبب
----------------------
وبالنسبه للفرق الشاسع زي ماقلت .. الكلام لصاحب الموضوع وهو صاحب القرار
----------------------
ولو سمحت يا الغالي لا تقول حسب الاستخدام الشخصي .. يمكن تقول كذا لأنك ما بعد استعملت غير الاكورد لكن لو بتسأل او بتروح معاي للورش بثبت لك صحه كلامي .. ان الاكورد فيها عيب مصنعي من ناحيه استهلاك الفحمات الغير طبيعي
ويااااالبى قلبك .. احلى شي انك قلت بدون تحيز ... ياليت كل اللي في المنتدى زيك كان صرنا كويسين كلنا ومحد يهاوش الثاني اذا طرح وجه نظره او يسبه:(
اول شي جرب الكامري وفحماتها وبعدين تكلم وقول رايك
الاكورد يوم كانت معي 2008 6 سلندر مشيت فيها 35000 والحمد لله لا اصوات بالفحمات ولا شي لاكن ربك قدر وراحت تشليح
والحين معي 2007 6 سلندر والحمد لله فرامل ولا احلى
شوف لا تقعد تطلع عيوب من راسك تجيبلي واحد كل شويه يمشي 200 ويوقف باقوى ما عنده والله لو بانوراما لاكن اللي يسوق برواقه ويعرف يحافظ بتدووم معاه :)
واذا ما عجبتك الاكورد يا اخي اقرب معرض ولا اقول لك شوف اكثر اعلانات الاكورد بمواقع البيع تحصل راعين كوامري واوريون يبون يبدلون باكورد هذا معناها ايش لانها فاشله استرييييح بس :confused:
وانا قدام عيني بالمعارض واحد يبي يبيع اكورد سبيشل 2009 جاه راعي اوريون قراندي فل كامل يبي يبدل معاه راس براس هذا معناته ايش لان السيارة فاشله :confused:
والله يالكامري ماتنفع بنص ريال
وانا مجرب هالشي والله ياخي الفاضل
اني مجرب الكامري العفنة اول شي زيتها ينقص وهذي اكبر مصيبة
وبوودي مصنوع من من ارق الالمنيووم ورسااوة زيروووو
واصاوات لليل والله ماحسبت اني افتكيت من تويوتا العفنين
وانصحك نصيحة اخوية ابعد عن التويوتا ولاتفكرني اني شغال في شركة هوندا او شي
انا عاطل وتويوتا ماتنفعك برياال نصيحة واذا على السرعة وش تبي ف السرعة الله يهديك
وبرضوا 215 مو بطالة حق الاكورد وارد اليابان
والله يوفقك
اكبر غلط انك تحكم بالفشل عشان يبادل راس براس :)اقتباس:
المشاركة الأصلية كتبت بواسطة مجنون اكورد 07
يمكن هو يبي 4 سلندر .. او ما ارتاح مع الاوريون و يبي اكورد .. او او او
يعني مثلا قريبي باع المرسيدس حقته و اشترا لكزس .. هل معنى ذلك حسب اعتقادك ان المرسيدس فاشله ؟
اقتباس:
المشاركة الأصلية كتبت بواسطة جناب السفير
اخوي شكلك ملخبط بين الكامري والاكورد في ذا الشي انا كنت املك كامري مشيتها 100000 لا اصوات ولا شي
دامك راعي خطوط الاكورد بلا منازع ماعليك من كثر الكلام
مكينة الكامري انواع نقص الزيت بعد الاستخدام وانت راعي خطوط
وش تبي بموتر ينقص كل شوي فاتح كبوته تزوده