كل عام وانتو بخير ( خدمه بسيطه من اهالي الشرقيه ) تكفون ..

وعليكم السلام ورحمة الله وبركاته

وانت بصحه وعافيه يالغالي..

أنا أشوف ان مشاكل سيارتك باستثناء تهريب زيت الباور مشاكل بسيطه ماتحتاج لتعقيد ان شاء الله وأي ورشه ممكن تصلحها لك .. بالنسبه لي تعاملت مع ورشتين للهوندا وهي ورشة السعاده الي فيها اقبال الي يمكن تعرف اسمه ودارج كثير بالمنتدى والورشه الثانيه الي هي ورشة الترس .. كنت اتعامل مع اقبال لفتره ثم حسيت انه اسم وسمعه فقط بدون واقع بعد ماشفت أكثر من سياره رجعت لها مشاكل القيور بعد ماوضبوا عنده .. وتأكدت لما كنت أجيه كل شوي أنظف الثروتل بدي بدون فايده .. فغيرت وجهتي الي ورشة الترس وكانت الاسعار بصراحه اغلى بشي بسيط لكن شغله أعجبني لأنه بالنسبه لي فك عقدة الثروتل بدي وضبطه صح والحين الحمد لله مارجعت المشكله من سنه تقريبا بعكس أيام ورشة السعاده الي كنت ارجع له شهريا ..

عموما هذي وجهة نظري في هالورشتين وفيه وحده ثالثه الي هي ورشة السبيعي لكن ماتعاملت معها بصراحه ولا أقدر افيدك عنها ..

بالنسبه للكفرات اذا تبي شي هادي وحلو لكن حده سنه ويبدأ يطلب التغيير ( تويو ) وان كنت تبي تدفع ماعندك مشكله فعندك الادرينالين من بريجستون ..
بالنسبه للتنجيد مع اني ما احب انجد السياره لكن أشوف ان اكثر شي ماشي سوقه الي هو السماعيل في شارع الملك سعود وهو معروف بالرياض لأنه مركزه الرئيسي هناك ..

بالنسبه لهوز الباور راجع الوكاله ان ماكنت غيرته من قبل عندهم لأنه عيب مصنعي وان شاء الله يغيرونها لك مجانا

أتمنى اكون افدتك بشي ولو بسيط :)