كرسي المكينة الجانبي وكرسي القير

السلام عليكم
بخش بالموضوع على طوووووول

رحت لعدة ورش اشوف الرجة الي عندي بالموتر لما أحطه على الدي والآر

قالو لو كرسي المكينة الجانبي نازل تحت شوي
والي يقول منكسر
المهم البلا في كرسي المكينة الجانبي وكرسي القير الصغير أو يجي تحت <<< مدري وين مكانه بالضبط

بعضهم يقول لازم تغير طقم كراسي مكينة وقير عشان تروح الرجة
وبعضهم يقول غير الكرسي الجانبي وااااان شاء الله تروح الرجة

متردد بشكل كبير أخاف أضيع قروشي على الفاضي

يعني أغير كرسي المكينة الجانبي وكرسي القير وتروح الرجة ولا كيف ؟؟؟؟؟؟
أتمنى الافادة

تحيااااتي

شوف حبيبي المكينه لها ثلاث كراسي واحد بتلقاه تحت الراديتر كبير شوي والثاني جانبي على يمين والثالث خلف المكينه وعشان تعرف هن خربانات ولا كل كرسي عليه زي الربله ارفع الربله وبتحصل النتيجه اذا مفتوح فهو خربان
وقد صارتلي نفس المشكله وقالولي الكرسي الجانبي ورحت وشريت يوم وديتها للمكانيكي قال الكراسي كلها تعبانه انت شفها قبل لاتشري وبالتوفيق وتقبل مروري :rolleyes::rolleyes::rolleyes:

اذا الكرسي له فترة خربان فتأكد انه عدم الباقي او راح ينعدمون قريب لأن الثقل صار عليهم وماهو متساوي والنتيجة بعد فتره راح ترجع الرجه معك والسبب كرسي ثاني جاب العيد

الأفضل تبدلهم كلهم بنفس الوقت

لكن اذا الكرسي ماله الا اسبوع او اسبوعين خربان وماتطلع كثير على الموتر بدل الخربان بس

شوف يا حبيبي مو شرط ان كرسي المكينه الامامي يكون مكسور عشان تطلعلك الرجه
انا في مره من المرات رحت لميكانيكي عشان يركبلي ربله للذراع قلتله شيك على السياره
من اسفل والله وهو يشيك لقى كرسي المكينه الامامي مكسور والكرسي الجانبي يترنح
ما صدقته رحت لغيره قلي نفس المشكله مع العلم اني قلتله شيك بس فلازم تنتبه على السياره
اول بأول والرجه هذي من كرسي القير وكراسي المكينه الصالح خله والمكسورغيره قبل لا
يخرب الباقي معه

اقتباس:

---

المشاركة الأصلية كتبت بواسطة 5558

شوف حبيبي المكينه لها ثلاث كراسي واحد بتلقاه تحت الراديتر كبير شوي والثاني جانبي على يمين والثالث خلف المكينه وعشان تعرف هن خربانات ولا كل كرسي عليه زي الربله ارفع الربله وبتحصل النتيجه اذا مفتوح فهو خربان
وقد صارتلي نفس المشكله وقالولي الكرسي الجانبي ورحت وشريت يوم وديتها للمكانيكي قال الكراسي كلها تعبانه انت شفها قبل لاتشري وبالتوفيق وتقبل مروري :rolleyes::rolleyes::rolleyes:

---

والله أكدولي الامامي والخلفي مافيهم شي وتمام التمام لكن الجانبي خربان أو مكسووووور
وكرسي القير الصغير

اقتباس:

---

المشاركة الأصلية كتبت بواسطة المباشر

اذا الكرسي له فترة خربان فتأكد انه عدم الباقي او راح ينعدمون قريب لأن الثقل صار عليهم وماهو متساوي والنتيجة بعد فتره راح ترجع الرجه معك والسبب كرسي ثاني جاب العيد

الأفضل تبدلهم كلهم بنفس الوقت

لكن اذا الكرسي ماله الا اسبوع او اسبوعين خربان وماتطلع كثير على الموتر بدل الخربان بس

---

الكرسي من 3 شهور خربان يعني كانت في رجة من زمان :d:d:d:d:d

مشكلة الرجة تنرفز الواحد يعني لازم أطقم طقم كامل
طيب وكراسي قير أبدلهم بعد ؟؟؟
الي خربان واحد الصغيير ؟؟؟

اقتباس:

---

المشاركة الأصلية كتبت بواسطة Accord F15

شوف يا حبيبي مو شرط ان كرسي المكينه الامامي يكون مكسور عشان تطلعلك الرجه
انا في مره من المرات رحت لميكانيكي عشان يركبلي ربله للذراع قلتله شيك على السياره
من اسفل والله وهو يشيك لقى كرسي المكينه الامامي مكسور والكرسي الجانبي يترنح
ما صدقته رحت لغيره قلي نفس المشكله مع العلم اني قلتله شيك بس فلازم تنتبه على السياره
اول بأول والرجه هذي من كرسي القير وكراسي المكينه الصالح خله والمكسورغيره قبل لا
يخرب الباقي معه

---

والله يا رجال الواحد لازم يتعلم خرابات السيارات لان ما عندك أحد
الورشة الفلانية تبي تلعب عليك
والثانية تقولك مافي معلوم أيش مشكلة بس جرب <<<< نظرية جرب عند الورش ممتازة اذا ما عرفوا أو تأكدو من خراب

محتااااار أغير جانبي وكرسي قير صغييير ولا أترك الموتر الييين ما يرج صح :d:d

وعليكم السلام ورحمة الله وبركاته

اذا سيارتك مازالت عالضمان الله لا يهينك عالوكاله على طووووووووووووول

ضمان الكراسي لحد الـ120 الف لجميع موديلات الأكورد من 03-10

:)

انا بدلت الثلاثة بجديدة على الضمان في صيانه الـ 90 الف :)

نشبت عندهم كم مرة يقولون الضمان من 03-07 ..... 08 وطالع ما يشملها
وموتري 2008 ماشي 116 الف

غير المكسور والباقي اذا سليم مايحتاج تغيره