استفسار ؟؟؟ ارجو المساعده

السلام عليكم
شلونكم؟



عندي استفسار وماعرفت وين احط الموضوع فحطيته بها القسم وارجو ان كان محله خطأ تنقلونه للقسم المناسب

انا ماعندي اي خلفيه عن السيارات ولا ادري اذا كان مسموح اسئل عن سيارات مقارنتا بالهوندا ؟

على العموم اريد السوال واذا كان سوالي خاطئ او ممنوع بسبب انه المنتدى لملاك الهوندا اتمنى اشعاري


وسبب وضعي الموضوع بهاي المنتدى لاحظت ماشالله وجود خبره لدى ملاك الهوندا :cool:


سوالي :

حبيت اشتري لي سياره بس محتار بين الفورد توريس 2010 او هوندا اكورد ( 2010 او 2011 ماعندي اي مشكله )
بغيت احد يخبرني بكل صراحه وبدون تحيز اي السيارتين افضل وليش ؟ من ناحيه السلامه وجميع الاشياء
والاهم اني ابي سياره اتم لي في حدود 4 سنوات من غير مشاكل ومابي اوديها الورشه كل شوي ( يعني بغيت سياره قويه وتتحمل وماتخترب بسرعه )


وبغيت سياره لين بغيت ابيعها بعد جم سنه ماينزل سعرها


اذا ماعليكم امر بغيت الجواب بكل صدق وللامانه نصحوني بالهوندا لانها افضل وتتحمل ازيد ويقولون الفورد مجرد شكل

انا الفورد الي عاجبني فيها شكلها فقط اما المميزات فاحس انه الهوندا افضل
ارجو الافاده
والسموحه اذا كان الموضوع خاطئ





شكرا

والله اخوي من ناحية التوريس ما اقدر افيدك فيها شي لاكن هوندا سيارة ب معنى الكلمة

هلا أخووي بنسبه لتوريس سياره جديده ولا تقدر تحكم على تحملها لكن شكلها حلووو ومواصفاتها حلوووه
وبنسبه للأكورد سياره غنيه عن التعريف وتتحمل أنشاء الله فوق 5 سنوات استخر ربك وشوف ايش يصلح لك
أرشح هوندا اكوورد بدون تحيز او تعصب بتوفيق أخووي.

هوندا قطع غيارها غالي
اغلب الناس اتجهت للتورس موتر بطل شكل ومواصفات السياحي الظاهر يبدا من 89 الف

ياهلا

مشكورين وماقصرتوا
والله اني محتاار بين الشكل والقوه


في انتظار المزيد من الاراء

الاكورد ولا اروع بالشكل والقوة والاداء


يعني خذ اكورد ياباني وعلى ايدك وما راح تشيل هم شي


"_"

مشكور

الأكورد سيارت تحمل يعني تكد وتصبر , وأشياء واجد حلوه فيها

بس أقولك ليش ما تفكر ب fj جيب حلو وشبابي ولا دودج تشارج , انا لو معي فلوس أخذت احد

هاسيارتين , ولا تنسى تراء الأمريكي أذا فتحت كبوته ما تسكره وسعره يطيح على طوال لو توك

مطلعها من الوكاله ...

ماتقصر الشقاوي
بس مابي جيب
ابي سياره عاديه للشغل وهلون

على العموم ماتقصر والله اني لحين محتار

المحرك دوراتيك v6 بـ 24 صمام سعة 3.5 لتر
خزّان الوقود 19.0 غالوناً
القوة الصافية للمحرك 263 حصاناً عند 6250 د.د
العزم الصافي للمحرك 249 رطل – قدم عند 4500 د.د
نظام نقل الحركة أوتوماتيكي ب 6 سرعات
العجلات من الألومنيوم المطلي بالفضيّ قياس 18 بوصة
الوقود المناسب عادي خالي من الرصاص
^^^^


هذي مواصفات التوريس


كسيارة ومكينة اشوفها افضل من الاكورد


لكن كأستخدام ما احد يقدر يفيدك السياره جديده لكن بصفه عامه الفورد ما تنخاف منها


تصميم أمان لمقعد الأطفال
نظام مراقبة ضغط العجلات
قفل أمان للأطفال
كيس هواء
نظام تلقائي ضد السرقة
نظام متطور ضد السرقة


هذي مواصفات الامان في توريس

وبرضه اقول المواصفات افضل من الاكورد



باقي شغل وحيده انت تقول انك لو نزلتها السوق ما تبغى تخسر واجد هنا انا اقولك خذ الاكورد :cool:



بالتوفيق لك في الاختيار

اقتباس:

---

المشاركة الأصلية كتبت بواسطة عطاء بلا حدود

الاكورد ولا اروع بالشكل والقوة والاداء


يعني خذ اكورد ياباني وعلى ايدك وما راح تشيل هم شي


"_"

---

وانا اشهد راح تدعيلنا من نحيت الخدمه

حلات التوروس بالفل اظن لمتيد اسمها اللي سعرها حدود 120 الى 130 الف لأن هي اللي فيها مواصفات و امان و رفاهية اكثر بس ما نقدر نفيدك فيها لأنها توها جديدة :)

مشكورين وماقصرتوا وبيض الله ويهكم

:cool:

خذ الأكورد ولاتشاور
والله يكتب اللي فيه الخير لك ياااارب