اكوردي بيفكون مكينتهـا --دعواتكم لها بالشفاء العاجل

السلام عليـكم :(

وش حالكم وش حال شيبانكم وش حال من يعز علاكم :cool:

طبعا من اول من زمن جدتـي الله يطول في عمرها والسيارة تهرب زيت من الكرتيـر

قلت يارجال مو مشكلـه خل معك علبـة زيـت في المكينـه وعب كل ما حصلته ينقـص

لما اوقف في الكراج اليوم الثاني احصل سيـل من الزيـت تحت السياره :eek:

لدرجـة إني فكرت استمشر هالزيت إلي يخر من تحت :cool:

واحط علب زيت فاضية تحت السياره واعبي علب زيت ويمكن افتح مصنع زيـت بعد :confused:

المهـم مافي إلا قوووة تطنيـش مليييييييييت كل يوم بالصناعيـة ...

حتى بالمنتدى ما ادخل على قسم الإلكترونيات وإلا الإكسسورات

مافي إلا قسم الصيانـه :mad: من يجيني فلوس اقول بصلح السنتر لوك حق باب الراكب ..بركب زنون.....
تطلع عله جديده بذا الأكورد :mad:

المهـم ياليت بس زيت المكينـه إلي يهرب لا ياعيني ياعيني

زيت الدركسوون بعد

ماشاء اللـه

إلا إلا

لا تكفيـن.. تكفيـن خلي بعد زيت الجيربوكس يهرب مره وحده :mad:هذا إلي ناقص

المهـم وديتها عند ورشة السعادة (وبصراحه اسم على غير مسمى :p)

إلي دلوني عليها الشباب طبعا ماشاء الله الطريق من قدامهاا

معبـد وممهد ابد مافيه حفر ولا قبور ولا تكسير

وصلت عندهـم

رفعوا الأكورد ولقووهاا مره من تحت كلها زيوت

قولو ماشاء الله

<<<<يسمعهم بقسم الإكسسورات يقولون هالكلمة قال يكتبها هنا مايدري وش السالفه :d

المهـم ولا انتوا في الطويلـه

إلا تجيني العلوم وانا اطالع من تحت السياره

وش فيها الأكورد ها طمني يادكتور اقصد طمني يااقبال

1- المكينـه لازم تنفـك وتطلع من السياره:eek: عشان الصوفه يبي لها تغيير

وانا اقول تنفك المكينه عشان الصوفـه :eek:

قال ايه

2-اهواز الهيدروليك للدركسون يبي لها تغير لأن فيها تهريب بعد

3- احد الجلد إلي بالبكرات تأثرت من الزيت إلي جاهااا وخربت
وقال يبي لها تغيير

بدخلها اليوم الورشـه ويقولن بتقعد يومين وانا والله على ثقتي بالورشه إلي من كلام الشباب هنااا

إلا اني خايف من فك المكينـه وترجيعهـا ...

دعواتكم لها وإلا عنده حل لا يبخل على اخوكم المسكيـن

يقول شغل يد 700 ريال
مررره رخيص :p

هذا غير قطع الغيـار إلي بشوف كم تكلـف

بسيط ما عليك أهم شي تنفك من قروشتها
لو جمعت فلوس الزيت اللي قاعد تشتريه كل يوم بـ ممكن تجمعها تصير اللي شريتها بـ 300 ريال
زود 400 وريح راسك من الخراب <<<< كيف بس خريج محاسبة؟؟!! خخخ


الله يقوم سيارتك بالسلامة ويخارجها بالعافية

اول شي اهنك على روحك المرحة في ظل هالمصيبة الله يعوضك خير ..

اذا كان بيفك المكينة وكل ذا الشغل بـ 700 فتراة رخيص ..
فعلاً فية صوفة ما تتغير الا برفع المكينة من محلها ..

الاهواز حقت لي الدركسون هذي مشكلة معروفة بوقتها من 2003 الى 2006 ولو تروح الوكالة يغيرونها لك ببلاش بأمر من هوندا اليابان ..

الصوفة سعرها مايعدي 40 ريال
البكرة مدري الاكيد اقل من 200
لي الدركسون من التشليح حول 350 والوكالة فوق 1000

كان الله في عونك ..

الله يعينك من ناحية الدركسون ترا فيه عيب تصنيعي دق على الوكالة قسم الصيانة و احجز موعد ورح لهم وترا الاصلاح مجانا وعلى حساب الوكالةلأنه العيب من الشركة مب من الزبون

ومن ناحية الزيت يمكن انك صاك بالسيارة في حفرة او مطب وسببت لك هالمشكلة وترا الاهمال و التطنيش يسبب للسيارة مشاكل اخرى الواحد في غنى عنها

وسلامتك ،،،

مشكورين يعطيكم العافيـه
لكن العيب المصنعـي انا صلحت عندهـم من اول وركبوا لي ...هوز زي الماصوره من تحت

وخلاص وقف التهريب لكن رجع بعد اقل من اربع شهور تهرب السيارة من ناحية زيت الدركسون

ناهيـك عن زيت المكينـه <<<<<وربي متعوب عليها ناهيك عن :cool:


المشكلـه ضيعت الورقـة إلي كان مكتوب فيها قطع الغيار إلي كتبها لي راعي الورشه :mad:

b useful
you deserve your nickname:cool: