ابي اشتري سياره وابي اسمع رايكم ياشباب

السلام عليكم

انا راح اشتري سياره كورد 2010 سبشل باذن الله ..

لكن ودي اعرف شنو افضل طريقة اقساط للكورد واقل نسبه ربح ..

وايضاء شنو افضل لون اختار ..والي عنده اضافات يقول ..


وشكــــــرا ....

السلام عليكم
ترى ما انصحك فيها ابد لا اسبشل ولا فل كامل 6 سلندر
لانك اكيد بترد تشتكي منها ليه السيارة بطيئة
راح يقلون لك خذ 6 وببتتتعب
غير مشاكل الاصوات اللي ما تنتهي
الخ الخ الخ ...
خذلك سوناتا او كامري ابرك لك
وشكرا

أمآآآ كآمري :eek:

أنآ معاي كامري 2010 والله سيآرة سيئة
بكل ما تحملة الكلمة من معنى ،

خذ أكورد فل كامل 4 سلندر أحلى شيء :d ،
على فكرة الوكالة مسوين عليها عرض رووعه ;)

ابصراحه الي الحين مالقيت اجابه مفيده ..

واتمنى من الاعضاء التجاوب معي ..

والرد في اسرع وقت ..

اللي يعجبك ياسيدي خذه

بس قبل كل شئ استخير الله سبحانه ثم سو قيادة تجريبية للسيارة

هلا اخووي
شوف انا اخوي توه شاري أكورد 2010 أقساط عن طريق بنك الأهلي
لكن بضبط القسط ما دري حول 1700 ريالا
وأفضل لون عندي الفيراني+الأسود تطلع ملك مع الغسيل
وسياره ما عليها كلام وما عليك من كلام الحاقدين في الموضوع
لو الأكورد سياره سيئه ما شفتها في الشوارع وعليها طلب كثير جدا
وبتوفيق اخووي والله يعطيك خيرها ويكفيك شرها مقدما.

هذي اول مشاركه ليه في المنتدى واتمنى ان اكون فيها ناصح لك اخوي

والله الاكورد لها معاي سنه و4اشهر والله ما قد اشتكيت منها لا في خط ولا في اصوات لاني شخص الحمد لله محافظ عليها واوديها الصيانه كل 5000 كيلو
والحمد لله ولا غيرت اقمشه الا قبل ثلاث ايام وفحمات لحد الان ماشيه معايه ولا خربت الحمد لله
اما اصوات الديكور لا تذكر اصوات خفيفه جداً

اما بنسبه الى الاقساط والله ما ادري عنها لاني مطلعها كاش
اما الالوان انا معايه ابيض لؤلؤي والحمد لله كشخه ولا يبان فيه الغبار

بسم الله
أول شي لاتستعجل ثاني شي الله يعينك فر المعارض وأسأل اصحابك ولاتنسى الاستخارة
أنا معي أكورد 2009 ماشاء الله لكن ماعجبني عزمها فإشرايك في الاريون 2010 والله يوفقك

جوف الاكورد الاداء يعتبر ضعيف نسبيا وليس سىئ
يعني السيارات الي في فئتها تتفوق عليها في القومة
بس في الخط لا الاكورد تعتبر الافضل من بين فئتها
في الثبات والتحكم بالسيارة
المواصفات انسى مواصفات زيرو
بالنسبة الاصوات جننتني كل يوم صوت في مكان
جديد يوم من الديكور واصوت من الشنطة
واتوقع تقريبا اكثر السيارات نفس الحال
وصوت الشارع كله عندك يعني العزل يعتبر جيد
وليس بالمستوى المطلوب
وترى هل الاشياء تعتبر موجودة في الستة
والاربعة سلندر ما عدى الاداء الستة افضل
بحكم انها ستة سلندر

فانت واختيارك جرب واختار السيارة الي تعجبك
وترى انا عطيت راي بحيادية وقلت ليك بالعيوب
الي بالاكورد
لان مو معناه امتلك سيارة اخليها افضل سيارة
وحتي لو عندي سيارة غير الاكورد وجاني احد
طلب راي اعطية راي بحيادية
:):rolleyes:

انا مستغرب من الاشخاص اللي يسبون الاكورد عشان اصوات جدا تافهه :d

ياعزيزي اهم شي انه موتر ينشد فيه الظهر :d

انا مابي اسوي مقارنات بين كم سيارة انا ماجربتها ..

لكل سيارة عيب