أستفسارات عامه عن 2011

السلام عليكم ورحمه الله وبركاته

أنا أن شاء الله نويت أشتري أكورد بس عندي عده أستفسارات أرجو أن أحد يكون عنده علم عنها.

علشان أحطكم في الصوره معاي, على حسب فهمي في أربع فئات للأربع سلندر :
1 - فل كامل
2 - فل بدون خرايط
3 - فل بدون جلد وخرايط
4 - سياحي

سألت في الوكاله عن 2011 وأسعارها كالتالي (أربعه سلندر فقط) :
1 - فل كامل : 118 ألف
2 - فل مع جلد بدون خرايط : 108 ألف
3 - فل بدون جلد ولاخرايط : 103 ألف
4 - سياحي : أضن 95 ألف




عندي عده أستفسارات (بعضها مكرر وشفتها في المنتدى) أرجو من الله ثم منكم أنكم تتحملوني لأن خبرتي في الأكورد جداً ضعيفه (كل اللي اعرفه عنها قطع غيارها نااار الله يعين ويوفق بس )

بس حبيت أني أجمع كل أسألتي سوا علشان تكون شبه مرجع للراغبين في 2011

طبعا أهتمامي وأسألتي عن الأربعه سلندر فقط.

بسم الله :

1 - أهم سؤال : سألت عن شاشه الخرايط قالي ماتجي الا في الاربعه والسته ولازم معها جلد, هل فيه أخبار او علم عند أحد أن بتنزل اربعه سلندر مع خرايط وبدون جلد ؟

2- هل شاشه الخرايط تجي شد بلد ولا النصب بدا عند عبدالله هاشم مثل ماجميل قاعد يحنشل الناس ؟ لأن الكتلوج مافيه أي صور أو معلومات عن شاشه الخرايط.

3 - وش الفرق بين السياحي واللي فوقه ؟ (فل بدون جلد ولا خرايط)

4 - وش الفرق بين الفل بدون جلد ولا خرايط والفل كامل ؟ هل هو بس الجلد وشاشه الخرايط ولا فيه شي ثاني؟

5 - هل تركيب الزينون والخرايط يلغي ضمان الكهربا ؟ لأن موضف الوكاله قالي كذا

6 - تاخذ بنزين واحد وتسعين ولا خمسه وتسعين ؟

7 - سؤال لأهل الشرقيه - كيف أستقبال الراديو ؟ (أدري سؤال غريب بس ما اطيق التشويش في الراديو أبد)

8 - وش رايكم 2010 ولا 2011 ؟ ووش الفروقات العامه بينهم

للرفع