بقع على الكبوت

السلام عليكم
كيفك حالكم ان شاء الله مرتاحين؟
انا موضوعي باختصار اني شفت اكورد مستعمله ونظيفه مره لونها (اسود) موديلها 2009 ممشاها قليل
يعني باختصار سياره حلوه وسعرها حتى معقول
بس وش اللي صار اكتشفت على كبوتها بقع بيضاء يمكن 8 الى 10 بقع طبعا انا للحين ما اشترييتها
وصراحه ترددت خصوصا بعد ماقالي صاحب المعرض انه يمكن ما تروح بالتلميع لانها ملح كان ملبقها صاحبها تحت المكيف ونقط عليه
ما اطول عليكم بس انا ترددت بعد ماشفت البقع
ارجوا من الاعضاء انهم يعطوني آرآئهم
وهل هذي البقع تروح مع التميع والا لا؟
وآسف على الاطاله

وضح أكثر يالحبيب البقع يعني لونها أبيض زي مثلاً بوية بيضاء أنكبت ... وله قصدك بقعه زي البهت لونها أبيض شفاف شايله لمعت السيارة أذا هذا قصدك ترروح بتلميع ودلك على محل يشيلها لك ... ولو تجيب صورره يكون أفضل عشان نقدر نساعدك :)

ههههههههههههههههههههه

والله اني خشيت على اني بوصفه نفس المحل يا حلووو

شوف يا غالي إتصل على شركة ميتاليك اللي إعلانهم هنا في المنتدى

وبإذن الله بتشوف كل ما يرضيك من عندهم

أخوي الراجحي بعد العيد بكم يوم جا الرجال من مكة المكرمة للرياض

وكان في سيارته بهق اللمعه رايحه وراح عندهم والله تشوفها الحين

تقول مستحيل إن السياره كان فيها شي

ماشاء الله تبارك الله كأنها وكاله بدون أي مجامله أو مبالغه



إحترامي لك يا غالي

هذا عنوان المحل موجود الأعلان بي المنتدى ادخل على قسمهم وراسلهم وبأذن الله راح يفيدوك ... ونا مريت بنفس مشكلتك ورحت كذا محل تلميع ما طلعها الى METALLIC
^^^
والأخ الي فوق هوا الي شاهد :d
http://www.hondaarabia.com/club/imag...08metallic.gif

مشكورين يالغالين
انا الحمد لله اشتريت السياره وقريب ان شاء الله بروح للتلميع اللي تقولو عنه وان شاء الله يفيد
بس فيه نقطه ثانيه وادري طولت عليكم
زجاج السياره الاماميه الثنتين كلهم اذا فتحتهم يكون فيهم رجه اول ما تفتحهم واذا وصلو الربع راحت ونزلوا طبيعي
اذا احد مر بنفس المشكله ياليت يفيدني
ومشكورين

اقتباس:

---

المشاركة الأصلية كتبت بواسطة jedo

مشكورين يالغالين
انا الحمد لله اشتريت السياره وقريب ان شاء الله بروح للتلميع اللي تقولو عنه وان شاء الله يفيد
بس فيه نقطه ثانيه وادري طولت عليكم
زجاج السياره الاماميه الثنتين كلهم اذا فتحتهم يكون فيهم رجه اول ما تفتحهم واذا وصلو الربع راحت ونزلوا طبيعي
اذا احد مر بنفس المشكله ياليت يفيدني
ومشكورين

---

هذي وحده من الثنتين يا ان القزاز يبغاله وزنيه يا ان مكينة القزاز خربانه سعرت المكينه حق قزاز 2006 طلعت بـ 750 قبل ما افكر اشتريها قلت يا ولد طول حياتك عايش بالمكيف ليه تعطيها بال واذا احد وده يكلمني من برا السياره اطلعله من فتحت السقف على اني واصل يعني:d

الحمد لله تم تزييت القزاز وزبط الوضع ان شاء الله يدوم
بس في نقطه ان شاء الله تكون الاخيره
ريموت السياره مايفتح الا اذا عطيته العين الحمرا وكذلك التقفيل
يا ترا وش السبب؟؟:(

مبروك الموتر أخوي وهذي السيارة كنا وقفين عليها أنا وأحد الأقارب كان راح يأخذها في رمضان قبل العيد يمكن بــ أسبوع والموتر ما شاء الله نظيف لكن صاحبنا هون عن الموتر بسبب هذي البقع والسبب الثاني بأن السيارة خليجية من دولة قطر والوكالة هنا ما عندهم ضمان لها لكن أنا يوم شيكت عليها أتضح لي أن السيارة عمل لها تلميع وهذا البياض إلي على البقع من التلميع . وفي الأخير الله يعطيك من خيرها ويكفيك شرها .

اقتباس:

---

المشاركة الأصلية كتبت بواسطة jedo

الحمد لله تم تزييت القزاز وزبط الوضع ان شاء الله يدوم
بس في نقطه ان شاء الله تكون الاخيره
ريموت السياره مايفتح الا اذا عطيته العين الحمرا وكذلك التقفيل
يا ترا وش السبب؟؟:(

---

السبب ممكن من البطارية وهذا أحتمال والأحتمال الثاني أو السبب الثاني أنه فيه شوية أغبار من جوا الريموت فــ يبغاله تنظيف وإن شاء الله يظبط معك .

اقتباس:

---

المشاركة الأصلية كتبت بواسطة ن ع ر السعودية 0005

مبروك الموتر أخوي وهذي السيارة كنا وقفين عليها أنا وأحد الأقارب كان راح يأخذها في رمضان قبل العيد يمكن بــ أسبوع والموتر ما شاء الله نظيف لكن صاحبنا هون عن الموتر بسبب هذي البقع والسبب الثاني بأن السيارة خليجية من دولة قطر والوكالة هنا ما عندهم ضمان لها لكن أنا يوم شيكت عليها أتضح لي أن السيارة عمل لها تلميع وهذا البياض إلي على البقع من التلميع . وفي الأخير الله يعطيك من خيرها ويكفيك شرها .

---

الله يبارك فيك اخوي وان شاء الله قريبك يحصل افضل منها
اما بخصوص البقع على حسب كلام راعي الموتر وهو شريطي طبعا انه ملح من المكيف وعلى فكره تراه ما استخدمها جابها من قطر علطول
وبخصوص الضمان ان شاء الله مايكون الا كل خير وانا اشتريت سياره قبلها والحمد لله ما احتجت للضمان والموتر نظيف ماشاء الله
واشكرك اخوي على اهتمامك
وموفق بأذن الله:)

اقتباس:

---

المشاركة الأصلية كتبت بواسطة ن ع ر السعودية 0005

السبب ممكن من البطارية وهذا أحتمال والأحتمال الثاني أو السبب الثاني أنه فيه شوية أغبار من جوا الريموت فــ يبغاله تنظيف وإن شاء الله يظبط معك .

---

كل الاحتمالين مقدور عليهم وان شاء الله تتسهل
وانا رايح الصباح استلمها دعواتك:rolleyes:
والف شكر لك اخوي

الف الف الف مبروك السياره
ودير بالك ولا اوصيك بالمعوذات واتقاء العين من الخلايق !!
والساهر :p
والله يعطيك خيرها ويكفيك شرها

اقتباس:

---

المشاركة الأصلية كتبت بواسطة FR33D

الف الف الف مبروك السياره
ودير بالك ولا اوصيك بالمعوذات واتقاء العين من الخلايق !!
والساهر :p
والله يعطيك خيرها ويكفيك شرها

---

الله يبارك فيك اخوي
اما ساهر فلا تخاف انا ما احب السرعه حتى بالفحص ماتعديت فيها 160<< خاايف:o
آآمين مشكور اخوي

يالله ألف مبروك الموتر والله يعطيك من خيره ويكفيك شره

وإن شاء الله ما تحتاج الضمان والله يكتب لك إلي فيه الخير