عرض للطباعة
السلام علسكم ورحمة الله وبركاته
كيفكم يا شباب
انا قبل 3 ايام كنت مسرع على طريق النهضه في الرياض متجه للدائري و بطلع على خريص<<و بعدين اخلص:mad:
المهم و انا كنت ماشي 120 مدري 125 بسيارة الوالد الا ذا الفلاش في وجهيي بغيت انقلب انا و اهلي
المهم ترا الكاميرا على طريق النهضه و شكلها معلقه في مكان لان باص ساهر مو موجود
و قبل شوي جا الوالد قال هات 300 لساهر
و الله يكفينىا و يكفيكم شر السرعه
هههههههههههههههه
اما بغيت تنقلب
الله يعينك أخووي
ويعين جميع المسلمين على نضام ساهر.
خليها درس انك ما تسرع ثاني مره :d
ههههههههههههههههههاقتباس:
المشاركة الأصلية كتبت بواسطة عاشق سيييييفيك
جمبي الرصيف لو لفيت شوي بطيب العيد
اقتباس:
المشاركة الأصلية كتبت بواسطة hema14
المشكله هذي المره الثانيه
ساهر مشكلة والله بس في طريق عسفان مافي ساهر ودايم حوادث صراحة مع ساهر ماشفت حادث
اقتباس:
المشاركة الأصلية كتبت بواسطة ارسنال
ههههههههههههههههههههههههههههههههههه الله يرجك طرييق عسفان هههههههههه
من وين جايب هالطريق:d
انا شايف باص ساهر على طريق السفر وانا رايح للدمام .. << من الرياض الى الدمام ...
بس شفته من بعيد وهديت شوي .. الى تعديته :d
وفيه ساهر على طريق التخصصي وانت جاي مع الدائري الشماالي وكأنك بتروح للعروبه بعد تقاطع الملك عبدالله ....
وقسم يا هي تكبيس طول اليوم :eek:
الله يستر منها بس :(
عسفااااااان
هذي قريبه من جده
هههههههههههههههههههههههههههههههه
وياعمي انت تعرف الرياض مليانه من كاميرات ساهر
والحمدالله على سلامتك ياغالي
(اكورد 2010 قبل شـهر)
شـبآآب أنآ أول مره اخذ مخالفه بـ حياتي:o
على طريـق القصيم الريآض لآ موجه من المدينه إلى الشرقيـه ويبغوني امشي 120:d
آحس أنها صعبه شوي----الزبده الروحه 500والرجعه500:(
لآكـن الحمدلله سددتهآ علـى طول أخـآف تتدبل:p
مع أني فاكـر السرعه مخالفتهآ300 كيف صآرت 500:eek:..؟
^^
مع نظام سساهر 500 , علشان يطلعون قيمه الكاميرات
من ظهرك و ظهر غيرك لبى قلبك ..
غريبه صكوك 500
انا جتني 300
الله يعيييييييين
المخالفات
اذا تعديت السرعه القانونيه بـ 25 كيلو وتحت يعني مثلا السرعه 120 وانت مشيت 140 تجيك 300 ريال
وان كانت 120 وانت مشيت 150 تجيك 500 وكل ماتزيد 25 زيد معها الفلوس والله يعين
ساهر الي فالطرق السريعه نقول موب مشكله
طيب في شارع داخل الحي
السرعه 70 وموقف لي عند مدرسه الله لايوفقه :(
س/ متى سهم ساهر يطرح للاكتتاب ؟
:d
طيب انا عندي راي ياشباب اذا انتم توافقوني ولا لا
انه يكون فيه دراسه للتحايل على كاميرات ساهر .... يعني يجي واحد ويتبرع انه يكون الطعم بحيث نتعلم على سيارته والحيله اللي تنجح نطبقها كلنا .... بحيث كل مخالفه يخالفها نقط ونسددها له
وش رايكم ... بعد اذن الاداره طبعاً
اخاف اللي يتبرع هذا ماراح يشوف ريال واحد ويروح فيها:d
ههههههههههههههه
اقتباس:
المشاركة الأصلية كتبت بواسطة JREIH
اسمحلي اخوي كلامك مو صحيح ..
انا باليوم الوطني مسرع بلحق ع المسيره
والسرعه بذاك الشارع 70وانا جايك امشي 160
الا الي يكبس لي وقف وقف احسن لك ..:d
:( و وقفت وعطاني مخالفه وكاتب سرعه 70/160
وجتني 300 ريال بس
لا وصادني ساهر الي بعد الرياض وانت راجع للشرقيه ..وكنت مثبت ع210 << قبل الفصله ..<< رايح احظر مباراه الهلال والغرافه ..
و للحين ما جاني شي ..
ان شاء الله تكون اخر مره تسرع اخوي
او اذا انت مستعجل وعندك حالة طوارئ مافي الا انك تفك اللوحه الاماميه
كلام الاخ jreih صحيح حول اسعار المخالفات 300 اذا كنت مسرع اكثر من السرعة المحددة بـ 25 كيلو فقط ..
و 500 اذا مسرع اكثر من 25 عن السرعة المحددة ..
والدليل على كذا ،، خشو موقع الراجحي وشيكو على المخالفات وتشوفون ذا التفصيل ..
او .. شوفوها في ردي هذا :)