للي يهمه الموضوع يتفضل

السلام عليكم ورحمه الله وبركاته

اول شي ابي اشكرك على دخولك للموضوع .. وانك عطيتني من وقتك ..

الشي الثاني.. انا موتري ماشي 52 الف .. 4 سلندر 2009 فل كامل بس مراتب مخمل

وخاطري في اوريون ... بس الاوريون اللي في بالي .. نص فل .. فيها بصمه وتشغيل بـ زر ..

لقيتها بـ 103 الف ... سعرها غالي شوي عشانها 2010 .. وجالس ادور على شي اقل منها سعر .. ابي شوركم

وفيه اوريون ستاندر قيمتها بـ 88 الف
موتري كم تتوقعون يجيب ..؟؟
وهل فيه مكان بلاقي فيه اوريون نظيفه ..؟؟

لأن والله اني جلست ادور المعارض بالموت الاقي اوريون جديده شلون بلاقي مستعمله يقولون عليها طلب :(

ولا تبخلون علي ...رايكم يهمني :(

ربي يرضى عليكم :004:

اذا كان موترك نظيف ولونه لؤلؤي بيجيب لك 75-80 واكثر بعد
وبخصوص الاوريون تراها في السوق قلييييلة جدا وعندك الفل بدون شاشة فيه كل المواصفات اللي قلتها ب101 جديدة تلقاها في المعارض وفي الوكالة ب103
وعندك النوع الرياضي ب93الف فتحة سقف وجنوط لكن بدون بصمة وبدون تشغيل ذكي
وعندك الاستاندر بدون فتحة لكن بجنوط لكن بايخة شوي وسعرها في الثمانينات
طبعا اتكلم الانواع السابقة جديدة

وفيه واحد في منتدى تويوتا نسيت وش اسمه بايع موتره الاوريون نظيف ب78الف موديله 09 يعني السعر مستعمل بيكون حول هالسعر

انت دور الاوريون جديد 2010 في المعارض ممكن تلاقيها في ال90 الف لنزول موديل ال11
او حاول تدور مستعمل

وعندك طريقة اخيرة وهي انك تحط فلوس الاكورد اللي بتبيعها كدفعة اولى يعني ممكن تجيب 80 تحط منها 70مثلا دفعة اولى ثم تقسط الباقي

بالتوفيق لك

اذا تقدر تشتري الفئه الرياضيه ممتازة قيمتها بالمعارض 92 الف

ولا خذ لك كم اسبوع بالمعارض بتلقى نظيف ان شاء الله بحدود 80 الى 85 جراندي

بالتوفيق

يعطيكم الف عافيه وربي يرضى عليكم ويسعدكم وين ماكنتو والله ماقصرتو الله يكثر من امثالكم

وبسأل عن السبورت وبشوف وش سالفتها في الوكاله والمعارض

وعلى فكره سعر الـ 2010 مانزل كثير .. لأن الشكل نفسه :(

ومالقيت 2009 ابداااااا لا مستعمل ولا جديد :eek:

بس انا يوم اروح كنت دايخ توي طالع من الجامعه بس بروح مرة ثانيه وانا مصحصح واشوف وش سالفتهم


دعواتكمـ..،،

وعليكم السلام ورحمة الله وبركاته

اخوي بروك سيارتك تجيب فوق 75 وانت تضحك على حسب نظافة السياره من الصدمات وغيرها ...

... بالنسبة للاوريون والله لو تلف المعارض يوميا تحصلها بس يبغى لها صبر . حتى مو شرط تكون واقفه بالمعارض اذا شفت اورويون تدور بالمعارض وقفها وشوف للبيع ولا لا .. لان اصلا حقين المعارض يشترونها من الناس ذول .. مثلا بـ47 الف ويبيعونها بـ 50 الف.. والله يكتب لك اللي فيه الخير

اقتباس:

---

لأن والله اني جلست ادور المعارض بالموت الاقي اوريون جديده شلون بلاقي مستعمله يقولون عليها طلب

---

بالنسبة للملاحظه هذي مادري وين ساكن انت .. بس والله بجده مليانه 2010 اصفار الصراحه مدري عن المستعمله بس اكيد تلقى .. اما 2009 وتحت مستعمله معارض جدة متروسه منها

السلام عليكم
ما عندي خلفيه كم بتكون سعرها
لكن خذها ونت مغمض الاريون (بس ما بنشوفك بالمنتدى :( )
وافتك من الاكورد
وترى مالك الا على طريق الشرقيه مكان خاص للبيع وشراء
سيارات جاتني بالايميل رسالة مع صور
شي بالاحلام وانت قاعد تحدد سعر ووووووووو
واشتر من هناك الاوريون
وتنظيم وشي حلو
رح وبيجيك سعر تمام
نسيت اسمه مكان
لو تبي رساله بدورها لك يا الغلا
وسلامتك

هلا أخووي اذا أنت في الرياض عندك معارض النسيم قد شفت فيه كم وحده وفيه نظيف لكن غالي شووي
يعني يبغاك أذا بعت تزودها شوي عشان تاخذ لك قراندي
بتوفيق أخووي.

اقتباس:

---

المشاركة الأصلية كتبت بواسطة غاب القمر

وعليكم السلام ورحمة الله وبركاته

اخوي بروك سيارتك تجيب فوق 75 وانت تضحك على حسب نظافة السياره من الصدمات وغيرها ...

... بالنسبة للاوريون والله لو تلف المعارض يوميا تحصلها بس يبغى لها صبر . حتى مو شرط تكون واقفه بالمعارض اذا شفت اورويون تدور بالمعارض وقفها وشوف للبيع ولا لا .. لان اصلا حقين المعارض يشترونها من الناس ذول .. مثلا بـ47 الف ويبيعونها بـ 50 الف.. والله يكتب لك اللي فيه الخير

---

الله يبشرك بالخير .. انا المشكله موتري جاته كم صدمه عين هذا اللي منزل من سعره :(

ويعطيك العافيه ماتقصر :o

اقتباس:

---

المشاركة الأصلية كتبت بواسطة غاب القمر

بالنسبة للملاحظه هذي مادري وين ساكن انت .. بس والله بجده مليانه 2010 اصفار الصراحه مدري عن المستعمله بس اكيد تلقى .. اما 2009 وتحت مستعمله معارض جدة متروسه منها

---

سبحان الله ... :eek:

بالرياض عندنا ويييييييين ... :confused:

مستعمل مالقييييت ابددددا .. بروح لبنك المعلومات قريب وآخذ برنت منهم

بس تكفى اذا تعرف لي اوريون للبيع ونظيفه ياليت لو تساعديني

ويعطيك الف عافيه ووالله ماقصرت

اقتباس:

---

المشاركة الأصلية كتبت بواسطة اكورد وبس 2010

السلام عليكم

ما عندي خلفيه كم بتكون سعرها
لكن خذها ونت مغمض الاريون (بس ما بنشوفك بالمنتدى :( )
وافتك من الاكورد
وترى مالك الا على طريق الشرقيه مكان خاص للبيع وشراء
سيارات جاتني بالايميل رسالة مع صور
شي بالاحلام وانت قاعد تحدد سعر ووووووووو
واشتر من هناك الاوريون
وتنظيم وشي حلو
رح وبيجيك سعر تمام
نسيت اسمه مكان
لو تبي رساله بدورها لك يا الغلا
وسلامتك

---

هههههههههههههههههههههههههههه

يالبى قلبك .. ياخي انت والله انك حبيب وقلبك ابيض .. بس الله يهديك مادري شفيك شكلك تعصب بسرعه هههههههه

وماشاء الله عليك اي موضوع ضد الاكورد الاقيك فيه هههههههههههههههههههههههه


والله ماتقصر ويعطيك الف عافيه وعقبال ماتشتري الموتر اللي يريحك

وياليت وانا اخوك .. والله اني ابي موتر نظيف وسعره بأقل شي اقدر عليه عشان يوافق الوالد

ودامك في المنتدى صدقني ماراح اطلع بإذن الله :004: :o

اقتباس:

---

المشاركة الأصلية كتبت بواسطة عاشق سيييييفيك

هلا أخووي اذا أنت في الرياض عندك معارض النسيم قد شفت فيه كم وحده وفيه نظيف لكن غالي شووي
يعني يبغاك أذا بعت تزودها شوي عشان تاخذ لك قراندي
بتوفيق أخووي.

---

آمين يارب وياك
بروح لهم انا مرة ثانيه واشوف وش سالفتهم
ومشكور وانا اخوك على المساعده ربي يجزاك كل خير ويحفظك وين ماكنت

عليكم السلام ورحمة الله ..

اذا تبي نصيحتي ..

خلك على مجنونك لا يجيك اجن منك !

خاصة ان سيارتك على يدك من الوكالة ..

ودام قلت ان فيها صدمات ، وبعد نزول شكل 2011

سعرك وقت البيع حول 70 الف ..

ما عليك من اسعار الشباب ، عليك من السعر اللي راح يندفع لك وقت البيعه !

وغالباً اذا بتاخذ اوريون ، نادر ما تحصلها نظيفه ، واكيد راعيها السابق حق دعس !

حاول تستخير ربك ، وتشيل الفكرة عن بالك ، لان داخلية الاوريون غير جيدة ..

صادق اخوي كاكاشي بالنسبة للاوريون اكيد بتلاقيها مفجوورررررة لأن ثلاث ارباع اللي اعرفهم حقين دعس ومقاومات وتعديل
يعني افضل لك تخلي موترك اللي شاريه وكالة على انك تشتري اوريون مستعمل لأني والله اخاف انك تندم

اما بخصوص بعض الاعضاء اللي مافيه ولا مشاركة لهم الا سب في الاكورد هذولي معروفين ومعروف وش معهم سيارات

بالتوفيق لك اخوي

اقتباس:

---

المشاركة الأصلية كتبت بواسطة kakashi-san

عليكم السلام ورحمة الله ..

اذا تبي نصيحتي ..

خلك على مجنونك لا يجيك اجن منك !

خاصة ان سيارتك على يدك من الوكالة ..

ودام قلت ان فيها صدمات ، وبعد نزول شكل 2011

سعرك وقت البيع حول 70 الف ..

ما عليك من اسعار الشباب ، عليك من السعر اللي راح يندفع لك وقت البيعه !

وغالباً اذا بتاخذ اوريون ، نادر ما تحصلها نظيفه ، واكيد راعيها السابق حق دعس !

حاول تستخير ربك ، وتشيل الفكرة عن بالك ، لان داخلية الاوريون غير جيدة ..

---

والله انك صادق ... جالس اناظر داخليه الاكورد واقولها حتوحشيني ئوي .. :047:

اما من ناحيه حقين دعس .. فهذي صدقت فيها

مشكووووور ويعطيك الف عافيه على نصايحك وعلى اهتمامك ووقتك ...

ربي يسعدك ويرضى عليك يا الغلا والله ماقصرت :004:

اقتباس:

---

المشاركة الأصلية كتبت بواسطة احبك يالاكورد

صادق اخوي كاكاشي بالنسبة للاوريون اكيد بتلاقيها مفجوورررررة لأن ثلاث ارباع اللي اعرفهم حقين دعس ومقاومات وتعديل
يعني افضل لك تخلي موترك اللي شاريه وكالة على انك تشتري اوريون مستعمل لأني والله اخاف انك تندم

اما بخصوص بعض الاعضاء اللي مافيه ولا مشاركة لهم الا سب في الاكورد هذولي معروفين ومعروف وش معهم سيارات

بالتوفيق لك اخوي

---

اي والله .. خلاااص بطلت آخذ مستعمل .. الا بعد شايب عمره 100 سنه .. :(

والله ماقصرت يا الغلا ويعطيك الف عافيه ...

ومشكور على اهتمامك وحرصك اني ما اندم :004:

ربي يوفقك ويجزاك كل خير ويسهل دربك وين مارحت ويعينك على طاعته :004:

السلام عليكم ،، صبحك الله بالخير اخوي ،،

بالنسبه للاريون يالغالي اسعاره عندنا بالمعارض وخصوصا النسيم مولعه نااار

بس اذا تبي نصيحتي اعرض موترك في موقع حراج او مستعمل وانتظر الى ان تجيب السعر الطيب

وبعدها انطلق للامارات وجبلك احلى اوريون من هناك

لاني توي جاي من الامارات واسعار الاريون عندهم بلاش

لانها 6سلندر والبنزين زي منت عارف عندهم غالي فقيمتها رخيصه مقارنه باللي عندنا

وللمعلوميه انا شايفلي وحده موديل 2008 لون ابيض ماشيه 13000كيلو

فل كامل بدون شاشة

مو نظيفه الا اخت الجديده في معارض العوير بدبي

تدري كمطلوب فيها 70000درهم

انا ماصدقة فيوم سئلة قال السبب البنزين غالي وغير مرغوبه

بس ابو مشرط لا عبينها صح وشغالين شغل على كيفك

يجيبها من هناك ويكسب فيها هنا ماشاء الله اكثر من 15000ريال

واي استفسار انا حاضر واذا ممكن على الخاااص

تقبل مروري ،،

اقتباس:

---

المشاركة الأصلية كتبت بواسطة yousef-2006

السلام عليكم ،، صبحك الله بالخير اخوي ،،

بالنسبه للاريون يالغالي اسعاره عندنا بالمعارض وخصوصا النسيم مولعه نااار

بس اذا تبي نصيحتي اعرض موترك في موقع حراج او مستعمل وانتظر الى ان تجيب السعر الطيب

وبعدها انطلق للامارات وجبلك احلى اوريون من هناك

لاني توي جاي من الامارات واسعار الاريون عندهم بلاش

لانها 6سلندر والبنزين زي منت عارف عندهم غالي فقيمتها رخيصه مقارنه باللي عندنا

وللمعلوميه انا شايفلي وحده موديل 2008 لون ابيض ماشيه 13000كيلو

فل كامل بدون شاشة

مو نظيفه الا اخت الجديده في معارض العوير بدبي

تدري كمطلوب فيها 70000درهم

انا ماصدقة فيوم سئلة قال السبب البنزين غالي وغير مرغوبه

بس ابو مشرط لا عبينها صح وشغالين شغل على كيفك

يجيبها من هناك ويكسب فيها هنا ماشاء الله اكثر من 15000ريال

واي استفسار انا حاضر واذا ممكن على الخاااص

تقبل مروري ،،

---

يالبييييييييييييه ...

ياخي ببلاش سعرها ..:eek:
انا رحت اليوم برضو وكل شوي واحد ينتف في السعر شوي :mad:
ان شاء الله اني بروح للأمارات بس ابي سعر كويس للبيع هنا :(


يالبى قلبك والله ماتقصر ويعطيك الف عافيه .. مو مشكله ان شاء الله اني راح اراسلك :004:

ربي يجزاك كل خير ويوفقك :004: