حكايتي , ممكن تساعدوني,,,وش أسوي؟؟

السلام عليكم ورحمة الله وبركاته..
صباح/مساء النور..
وكل عام وانتم بخير <<ولو انها متأخرة مررره بس مشو حالكم ..

انا بصراحة عضو جديد وهذي أول مشاركه لي ع العموم ندخل في الموضوع <<داخل متحمس...

بصراحة قدر الله علي وشريت اكورد 2008 عاد انا من جدة وادرس في ينبع يعني ادق مشوار 375كم تقريباً بشكل اسبوعي المهم انو الشركة يبغونا كل 5000كم نسوي صيانه وعلى حسابنا بعد يعني ما يكفي ان في الدفعه الاولى من 2009 صيانتها بلاش ((انا ما احسد)) المهم اني بعد صيانة الـ 10000 تحطمت يعني علاوة على اني وصلتها بسرعه لا وفوق كذا الصيانة كانت عبارة عن اشياء تنرفز يعني فحص ((لمبات-مسجل-قزاز-اصطبات-جلود...الخ)) المهم انها اشياء تقهر يعني السيارة جديده ما تحتاج كل ذا وبـ 317ريال << عاد المكافأة يادوووب تجمل<<<يبغى سلف لا وفوق كذا قالو لي القماشات ما تحتاج والله كلها يمكن 500كم وانا في الخط الا ويطلع صوتها وغيرتها..
المهم عاد انا ما قصرت صرت بس اغير زيت وسيفون بس في الخدمة السريعه واجي ما شي ع اساس انو متى ما سمعت بشي غريب رديتها وصلحوها ع الضمان..
عاد بيوم سمعت صوت تكتكه خفيفه جهة المكينه وكمان تكتكه عند السيور ورحت لميكانيكي برى يقولي هذا الشداد وسمعني الصوت والثانية صوت التكايات حق المكينه او ما يسنى بـ((البلوف)) وتحتاج وزن عاد انت سويها في الشركه اضمن واحسن..
ويوم رحت الشركه قالو انو ما نقبلها لانك مو ماشي ع الضمان ((مع انو السيارة ماشيه 65000/سنتين))وقالي انو لازم تدفع مبلغ 2226ريال عشان ترجع السيارة ع الضمان وراح يكون كل شي على حسابك يعني من ضمن المبلغ وانو لو اكتشفو شي ثاني راح يكون ع حسابك لانو زي المساعدات والمقصات والاذرعه ما تعتبر تحت الضمان حتى لو كنت ماشي ع الجدول (بالعربي الضمان على الاشياء الفاضيه واللي ما تخرب سواء انتضمت ولا ما انتضمت ع الجدول) وانا موظف الاستقبال قالي في حل سوي صيانة الـ60000كم بـ620ريال بس وبعدها ترجع السيارة ع الضمان وتسوي الشداد ع الضمان بس لان الباقي مو ع الضمان زي التكايات مثلا.
وانا بصراحه محتار لانو في فرق كبير بين الاثنين بس ترى الفرق انو في الأولى ((غسيل مكينه - تنظيف بخاخات - قماشات - خرط هوبات <<طبعا ان لزم هي والقماشات)) بس حق الاستقبال يقولي دام ما في تفتفه ولا صرف بنزين ما يحتاج لانك انت كمان تمشي خط طويل يعين تمام للسيارة.
فأيش تشوروني؟؟؟
وآسف جداً ع الأطاله عارف اني زودتها مره بس اعذروني توي اول مشاركه <<يعني مو والف ..

وعليكم السلام ورحمة الله وبركاته

الله يعطيك خيرها ويكفيك شرها

لك رساله عالخاص

وان شاء الله تتيسر امورك

:)

حسبي الله عليهم الله يخسف فيهم ان شاء الله جعلهم مايتهنون ولا بسياره

اسمع دامك عرفت الخراب روح عند ورشة متخصصة هوندا في جدة . يخبروك أهل جدة بها
يسووها لك أرخص من الوكالة .

نفس كلام اخوي (اغار يا هوندا)
روح لأي ورشة تخصص هوندا اريحلك وارخصلك

اجل 2226 ريال عشان ترجع للضمان ههههههههههه
خبآآآآآآآآآآآل

الله يعينك والله حتى انا اجازتي باخذها بعد اسبوعين والسياره توها ماشيه الخمس الاف و اخاف اذا نزلت الديره توصل العشره الاف وتروح على صيانتها مع ان اقرب فرع لنا في جازان يعني حول 500 كيلو الا اذا فيه فرع بأبها

بس صبر جميل والله المستعاااان :(

في مهندس في هوندا العمودي عنده ورشة بره خبره في شركة هوندا 30 سنه وشغلو نظييييييييييييييييييييييييييييييف وسعرو كويس

يعطيكم العافية يا أخواني على هالتفاعل والوقفه وبالنسبة لأخوي memories ع الرساله واتمنى انو وصلك ردي..

(FiReFiGhTeR) الله يعطيك خيرها ويكفيك شرها وتوصل بالسلامه ان شاء الله ترى هم ما عندهم مشكله لو مشيت عليها شوي كمان بس انت حاول تشوف لك فرع انا والله ما عندي خبره في ابها حدي ينبع.
(ابو عليان) طول بالك هم حراميه حراميه مايحتاج لها كلام بس الله يعيننا عليهم وبس.
وترى يا اخواني انا وديتها عن العمودي وقالي مابها شي وارسلني للمهندس وقالي برضو ما فيها شي قلت له طيب جيب السماعه ما رضي قال خلاص انت ادفع وحنا نشوف لوووو تحتاج بنغيرها <<يعني حتى ما افادني تمام..

لكن ابشرك الحمد لله انحلت المشكله واخيرا بعد تسطيحات من واحد لواحد, والسيارة اليوم استلمها الوالد<<والله وحشتني بنت اللذين...
وكان عن طريق انو دفعنا 1230 ريال, بالمضاربه والواسطات واخيرا ختمو على الدفتر وقالو لازم تنتضم معنا في جدول الصيانات الدورية والله يعوض علينا بس مع العلم انه الحمد لله راحت كل الاصوات (سبحان الله عكس كلام المهندس) اهم شي تدفع ولا والله تاكل هواء بيقولون لك كل شي تمام وما يحتاج بس لو تدفع زياده يصلحونها..