استفسار عن الصيانه

سلام عليكم ورحمة الله


جمعه مباركه على الجميع


المهم ياشباب سيارتي اكورد 2007 ماشيه 111000


وانا شاريها مستخدمه ولا غيرت فيها شي من القطع الاستهلاكيه ابد مغير زين وبنزين وفحمات بس


لكن عندي المساعد الامامي ضرب وحسيت الموتر جات فيه اصوات قربعه تتوقعون من المساعد


وانا افكر ادخلها الوكاله بس ماعندي دفتر الصيانه ولا اعرف الاجراءات


وابغى اعرف ويش اغير بالسياره من الاشياء الاستهلاكيه


والي عزمت اغيرها هي طقم مساعدات وبواجي بس


وتتوقعون كم سعر التشييك الكامل للسياره عند الوكاله


ابغاهم ينفظونها نفض من الى :d



ابغاها ترجع وكاله:)

وعلى فكره ابغى ارش الصدمات كم اسعار الرش؟؟

اتمنى ان اشاهد ردودكم


ولا تبخلون علينا بخبرتكم

وعليكم السلام أخوي

أنا سيارتي 2009 واتصلت على الصيانة قبل
كم يوم واستفسرت عن التشييك الكامل " من . . إلى "
وقالوا لي بحدود 750 ريال . معليش ممكن ماأكون
أفدتك لإختلاف الموديل لكن هذا اللي عندي وسلامتك

تحياتي

تسلم حبيبي يعطيك الف عافيه ماقصرت



وبانتظار بقية الاعضاء

شوف اخوي سيارتي نفس سيارتك
وجا دور التشييك تبع 100.000 وطلبت اهم الاشياء اللى لازم اسويها من الوكالة ( طبعا زايد بعض التصليحات )
وهي كالتالي:
تغيير فلتر هوا -- 90 ريال
تغيير فلتر بنزين -- 150 ريال
تنظيف بخاخات -- ( منظف --10 ريال )
شداد + سير خارجي -- 410 ريال
بواجي -- 60 ريال
زيت جربكس ( زيت 1 ) + الفلتر الخارجي -- 235 ريال
صوفة كرنك امامي -- 25 ريال

ورحت ورشة عند واحد من الشباب تبع هوندا
وشغل يده 600 ريال

كل قطعة قدامها سعرها
ومن النهاية التكلفة تقريبا 1600 ريال وتخدمك السيارة لحد 200.000 بحول الله

انشاء الله تفيدك المعلومة

واذا احد من الشباب عنده معلومة زيادة مرحبابو ...

* باقي سؤال يهمني انا لاصحاب الخبرة :
اذا وديتها الوكالة كم راح تكون التكلفة الاجمالية وايش اللى على الضمان وايش اللى برة
وشوكككرن

اخوي راح اقولك وش تغير الحال من بعضه انا مشيتها قبل فترة 10000 قبل اسبوع
ومالي يومين مطلعها من الورشه
1- سير تايم وهذا سعره 397 وهذا خصم خاص لي (معرفه) ملاحضه (اذا كانت سيارتك v6)فقط اربعه مافيه سير تايم
2- طرنبة ماء وهذي سعرها 416 وهذا سعر خاص نفس اللي فوق بس تتغير عندك اذا صار فيها تهريب فقط اما v6 عند10000
3- بكرات وهذي قيمته 600 تقريباً ريال نفس الكلام اللي فوق
ونصيحتي لك غير ابواجي
اما المساعدات راح تنصدم من سعرها بس دور من غير الوكاله بس يكون اصلي

نصيحه (دور ورشه كويسه اذا كنت في الرياض ماانصحك في الوكاله )
ملاحضه اذا كان في السيارة صوة طقطقه عند المكينه يعني صوة في الصبحه سو لها وزن بلوف في الوكاله بس في الوكاله

يعطيكم العافيه شباب افدتوني


تحياتي للجميع

المساعد الواحد بــ 600 ريال وكاله:(<طبعآآا لاماميه



اما المساعد الياباني بـــ 180 ريال


والله يعينك عليها :)