عرض للطباعة
السلام عليكم ورحمته الله
ياخوان انا عندي تهريب بالدوده وان شاء الله ناوي اصلحه لكن الدركسون فيه ثقل ماهب طببعي
فيه كم واحد قالي الطرمبه خربااانه بس الغريب الدركسون اول ماشغل الموتر يصير هواااا معي بس لا احتمى شوي صار ثقيل مادري احس المشكله بالزيت بس والله الطرمبه غاليه مره والتشليح درته مالحصلت وش الحل
نشوف نصايحكم
ايش نوع الزيت اللي تحطه؟؟؟؟
هل هو زيت دركسون هوندا الاصلي اللي لون الزيت فيه اصفر؟؟؟؟؟؟
ام هو زيت عادي لونه احمر؟؟؟
والله ياغالي ماادري بصراحه الموتر توي شاريه لكن لونه احمر هو انا ماغيرته
انا صارلي مثل كذا
سويت اصلاح الدودة و انتهت المشكلة
( بس مو اي ورشة يضبطونها لك ) انا سويتها عند ورشة الجنوب بـ 800 ريال و انا وياه الين صلحها بـ 500 ريال
يعني انت كان عندك الدركسون ثقيل ؟
طيب وش الي صلحته طيب بالضبط ؟
اخوي الكـريم
انا كنت رايح قـطـر واكــلت مطب جآمــد
ولاهمتمني بعد وصولي للسعودية
واليوم التالي الامور طيبه
الا اني شعرت ان الدركسون ثقيل , المهم رحت للبنشري احسبه سير مكينه او حاجه ,
فتحت علبة الدركسون ولقيتها فآضيه مافيها زيت
اذا كان تهريب الان عندك انصحك انك تذهب لمركز الهيدروليك لان شغلهم كويس ويعطونك ضمان
انتبه لاتخرب علبة الدركسون لان سعرها بالوكاله 1200
وحسب علمي الان يبي لك اصلاح دودهـ ماتكلفك الا 550 ريال عند مركز الهيدروليك متخصص في اصلاح الدودهـ
والقطع موجودهـ عندهم من الوكالة
اصلاع الدوده بسيط هين انا ناوي اصلحه اخر الأسبوع طقم اصلاح من الوكاله بحوالي 300 وراعي ورشه يقول شبه اصلحه لك ب150 لكن الي مضيق صدري الثقل انا مدري هو سبته الطرمبه لان واحد قالي انها منتهيه خلاص ولا من تهريب الدوده نفسها
الغريب بالموضوع ياشباب ان الموتر لاصار بارد اول مااشغله يصير الدركسون مرييييييييييح بس اذا احتماء خلاص فشكيت ان المساله مسألت زيت
تسلمون لبى قلوبكم
غير نوع الزيت الى زيت هوندا الاصلي لونه اصفر وما يصير ثقيل ان شاء الله
وفيه حساس السرعة الخاص بنظام الدركسون تاكد من تنظيف الفيش وكل شي يضبط معك ان شاء الله
حساس السرعه ؟
الحساس اللي بموجبه يثقل الدركسون بعد ما تتعدى سرعة 130 تلقاه ثقيل بزيادة
اخوي الطرمبة انا مغيرها من التشليح بـ 300 ريال
و بالنسبة للإصلاح كان ثقيل و فيه تهريب من الدودة ( وقالي يبغالك اصلاح دودة بس ) وانا مدري وش هالاصلاح خخخ
بس صلحها و انتهت المشكلة الحمدلله
انا كان عندي تهريب دودة .
ولازم مع الزمن تجيك الخراب هذا .
هو تهريب وإصلاحه , هو تشتري ربلات وصواميل مشتراها بـ 430 ريال تقريبآ
انا صلحتها وألحين من أحسن ما يكون
يا اخوان هذا شكله عيب مصنعي في جميع سيارات هوندا اكورد 03-05
حتى انا الدركسون ثقيل عندي
بس احط زيت الدركسون يخف
اقتباس:
المشاركة الأصلية كتبت بواسطة أغـار يا هـوندا
اوكي هو فيه اصلاح بالوكاله بحوالي 300 انا ناوي ناوي عليه لكن ثقل الدركسون جنني
اقتباس:
المشاركة الأصلية كتبت بواسطة راحت الأرواح
ممكن توضح اكثر
هلا و الله فيك يالغالي
هذا عيب مصنعي صاير بالاكورد من 2003 إلى 2007 و الوكالة تستقبل المهم اتصلفيهم واحجز موعد بقسم الصيانة ورح لهم ويغيرون اللازم في السيارة ويسلمونها لك
و يالغالي دام انك بتحجز وبتروح عندك كم عيب مصنعي خلهم مره وحده يغيرونها لك وهي :
البور - اعتقد الدنمو حق فتح البيبان - كراسي المكينة - علبة الدركسون يلي هي موضوعنا الان واذا نسيت شيء يفيدونك الشباب بالباقي
المهم شف لك اقرب وكالة ورح لها و لا تتردد
واتمنى اني افدتك
وسلامتك ،،،