بعض الأسئلة عن السيفيك !!
السلام عليكم ورحمة الله وبركاته
اخواني الكرام
عندي بعض الاستفسارات عن السيفيك
في البداية أنا عضو جديد معاكم
وإن شاء الله أحاول أفيدكم بما أستطيع ( بعد الخبره طبعا :d )
انا إن شاء الله خلال اليومين القادمة او الثلاثة ايام
راح أشتري سيفيك 2007 مستخدم
سويت الفحص اليوم
والحمد لله ماطلع الا اشياء استهلاكية هي اللي تحتاج تغيير
طلع لي بعد الفحص :
1- تصفية المكينة
2- غيار فحمات امامي وخلفي وخرط هوبات
3- ترصيص كفرات
4- تربيط كامل سفلي
5- غيار فلتر مكيف
هذا اللي طلع
سألته عن تصفية المكينه
قال بواجي وصفاية بنزين واشياء نسيتها صراحه
السؤال الموجه لكم الحين
وش القطع اللي احتاجها عند تصفية المكينة ( مع الاسعار اذا أمكن الله يرضى عليكم )
الفحمات الأمامية والخلفية
كم اسعارها في الوكالة وخارج الوكاله ( انا قريت فيه الكنعاني قطعه اصليه واسعاره اقل بكثير عن الوكاله - بغيت اعرف مكانه بالرياض اذا كان موجود )
التربيط كم يكلف تقريبا ؟؟؟
وفلتر المكيف كم سعره ؟؟؟
الأشياء الأخرى اللي احتاج اسأل عنها
1 - مثبت سرعه ،، انا اسافر كثير ومثبت السرعه يريحني
لو بغيت اركبه ،، هل استطيع تركيبه وكم سعره في الوكاله القطع وأين استطيع تركيبه ،،
2 - أخيرا الأنوار الأمامية
انا خايف مع كثرة السفر تشهّب
لو بغيت اركب انوار تجارية سواء رياضية او عاديه
كم يكلف سعر النور الواحد ( اهم شئ تكون اضائته حلوه في الطريق خاصة الواطي )
ادري طولت عليكم
اعتذر عن الاطاله
بس عاد تعرفون السياره اول مره تكون معي
فلازم الاستفسارات تكون كثير
وبعدها ان شاء الله تلاقون اجابات مني << احلى ياواثق :d
مشكورين مقدما
