تغيير الزيت بعد العشرة الاف كم

السلام عليكم ورحمة الله وبركاته
كيف حال الشباب اتمنى تكونوا كلكم طيبين
عندي استفسارات ارجو الحصول على اجابة
عندي اكورد 2010 وكملت الحين عشرة الاف كيلو
طبعا انا سويت صيانة بعد الخمسة الاف كيلو وغيرت الزيت
يعني الان ماشية خمسة الاف كيلو بالزيت الحالي
والحين مااقدر اسوي صيانة الا بعد الف كيلو تقريبا بحكم عملي
هل فيه مشكلة اذا أخّرت تغيير الزيت الف كيلو زيادة ؟
ام يحتاج تغيير الزيت الان؟
واذا يحتاج تغيير الزيت وش اسم الزيت اللي ينصح باستخدامه ؟
وكم علبه استخدم وهل اغير السيفون ام لا ؟
سؤال اخر : هل يحتاج تغيير سوائل اخرى غير زيت الماكينة ؟
السؤال الاخير : ماذا يتم عمله في صيانة العشرة الاف كيلو ؟
اتمنى التكرم بالاجابة ولكم تحياتي وتقديري

غير زيت بس خذلك كاسترول ممتاز جدآ والسيفون من نفس الوكاله او الموزع وصيانة 10 الآف مافيها شيء مهما لأن السياره باقي ما عطت اللي عندها طبعآ اذا ما عندك ملاحظات عليها غير الزيت والسيفون وانتهينا

وعليكم السلام ورحمة الله وبركاته

انا تضاربت عندي المعلومات لكن اللي فهمته انك بتمشي على الزيت 6 الآف كيلو متر : ماعندك مشكلة اهم شي انتبه لايكون ناقص - شيك عليه وزيد النقص

2- عادي تقدر تمر اي بنشري وتبدل الزيت والأنسب هو زيت هوندا العلبة الرمادية في كل البناشر موجود

3- يفضل اذا قدرت تمر قطع غيار عبدالله هاشم وتاخذ لك مجموعة فلاتر وتودي واحد وياك كل تبديله والسبب

- عبدالله هاشم يبيعك الفلتر ياباني اصلي بعد الخصم 15 ريال
- البنشري يبيعك تقليد بـ 25 ريال

لا تنسون تشيييك 10.000 فيه تنظيف البريكاااات

اقرب بنشري ينظف لك البريكات بنفخ الهواء ولا الوكالة تاخذ عليك مبلغ علشان نفختين بس :)

واذا سواقتك مضبوطه صدقني انسى الفحمات على الأقل 40 الف وماعندك مشكلة

انا الى الحين ماشي عليهم 65 الف وفي رجه لكن معاند ماوديتها حتى صيانه الـ 100 الف للحين