عرض للطباعة
السلام عليكم اليوم الفجر وأنا طالع من المسجد مصلي ومتكل على الله
وإلا أشوف واحد من أخوياي وقفت في خط كان فاضي مره بحكم الفجر وانا بالسيارة أقل من دقيقة
إذا بذاك الشهم الشرطي يبلشنا وبواري وصفط سوا زحمه
وفتش السيارة والشنطة حتى انا فتشني
وخوي راعي السيارة الثانية نفس الحكاية
وعطانا مخالفة وقالوا يالله توكلوا
فمن اللي يبمسحها للي
وأكون له من الشاكرين
من الذيب؟؟؟
روح سوي تظلم واشتك على العسكري .... لعل وعسى:rolleyes:
ونام لك 3 شهور أبي واحد يمسحها وخلاص
مشكوووووووور على المرور
وشو سبب المخالفة ؟؟؟؟؟
شوف إذا العسكري خلص الشفت حقة ... يروح يسلم الدفتر للجهاز ... وإذا دخلت الجهاز ..
مدير الأمن العام مايقدر يمسحها ...
يعني مايمديك تمسح المخالفة ... اشتكي .. ممكن ..
مالك الا الشكوى...
انت امرك هين لكن احنا المخالفات اللي على خط القصيم...
وش تقول علينا....
حسب علمي ما فيه شيء اسمه مسح المخالفة ..
لكن اللي اسمع عنه تحويل المخالفة..
يعني مخالفة عليك إذا تعرف واحد في المرور يدخل الجهاز ويقوم بتغيير رقم بطاقة الأحوال...
وبكذا تروح المخالفة على ظهر واحد ثاني ماله أي ذنب في الموضوع..
طبعا هذا الشيء ما ترضاه لا أنت ولا أي واحد عنده شيمه...
ونصيحتي..
اطلب العوض من الله..
والله يوفقنا واياك
الله لايوفقهم
ولا بالرياض قبل 4 ايام رحت أسجل بجامعه الملك سعود إلا وانا داخل حي الرائد وينطلي ذاك العسكري
وعطاني مخالفة تظليلة وانا طالع من الرياض وذا العسكري يقول فكها قلتله يبن الحلال عطوني مخالفة قال فكها قلت طالع الشرقية ماني جايكم خلاص قال فكها ولايكثر الله لايوفقه
حتى انا هذا الي اعرفه ..اقتباس:
المشاركة الأصلية كتبت بواسطة جدةغير
لكن من خلال ما فهمته أنكم كنتوا واقفين في خط فاضي ؟؟
قصدك واقف في الشارع يعني ولا كيف ؟؟ :confused:
وشهي نوع المخالفه >>> شكلها وقوف ممنوع :confused:
المشكله عندنا يعتمد على مزاج العسكري اذا كان فايق خلاكم تتفرقون وبس وان كانت اخلاقه مقفله صككم مخالفات
ولا تستبعد يجي اليوم اللي يعطيك مخالفه عشانك مسوي سكسوكه :pترى ان تورط العسكري ولا لقى شيء عطوك مخالفه عدم تجديد الفحص الدوري
طبعا مو كل العساكر كذا >>>> يبي يطلع منها :rolleyes:
خلاص خلها على الله وادفع المخالفه ياراعي الهوندا وانسى الموضوع
ادع على من ظلمك انكانه ظالمك بيلقها عند الله سددها صدقني اذا رحت تتظلم وتشتكي بتخسر اكثر من قيمة المخالفها شوفني انا 2400 ريال وماشي عادي ولا عندي مشكله حتى رخصها ما عندي صارلي اكثر من 8 سنوات اسوق لا تهتم :d
انت وزين سلمك بيد والا الي موقف موتره قدام البيت على شارع ثلاثين باسكان الخبر ونزال عند رجال ومركب ستائر وما جيت الا والمخالفه جاهزه على المساحه موقعه ومكتوبه
بس متى تصير معاملات الرخص والمرور كذا على طول تجهز :p
الخط كان فاضي مره وللا مو فاضي مره .... لاعاد توقف بنص الشارع ثاني مره
والعسكري ما ظلمك بشي .... بالعكس الله يكثر من امثله
لاتزعل من كلامي بس هذي الحقيقة .
أقولكم الخط فااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااضي
وتوني طالع من صلاة الفجر وأنا كنت فاتح الدريشة وهذا فاتحة دريشته وينقز العسكري يدق هرنات بعد ماشغل الونان هرنات أزعاج وقفنا وجلس يتفلسف المشكله جندي منتف
وشايف نفسة
اقتباس:
المشاركة الأصلية كتبت بواسطة اتــشـــــ
صحيح كلام اتشـــــ .. بغض النظر عن الشارع أن كان فاضي او لا ..
لو جا واحد مسرع وانت واقفين في الممنوع بشيل سيارتك معا خويك .. ولا تدري خويك يطلع من الحادث سليم أو لا ..
لا تقول كنت أصلي الفجر او المغرب ... ترى ما تمشي .. وتذكر أن فيه روح في السيارة ولو راحت بسبب وقوفك الممنوع أحتمال تتهم أنت بتهمة قتل شبه عمد ..
لا تزعل من كلامي ولكن هذي الصراحة .. ولا توقف في الممنوع مرة ثانية .. أنا اتوقع فيه مواقف مخصصة في المكان ألي انت فيه .. ولو ما كان فيه تقدر تدخل في الرملة شوي وتوقف . :)
الله يعوضك و يعوضني ...انا سددت 2200 ريال قسايم و معظمها سرعه ....
انا اخذت قسيمه بنفس الحركه ...
اذا وقفت جنب واحد و جالس تسولف جاك العسكري و اعطاك مخالفه ..المشكله اللي رسله عليه مقدم ساكن جنبنا البيت في البيت :(
اقوالك : مخالف ؟
نعم مخالف
عيل ادفع
مافيها فجر و لا عصر