عرض للطباعة
السلام عليكم
انا اخذت هوندا اكورد كوبيه سته سلندر 2008 والسياره ماشيه 45000 وبعد فترة لاحظت فيه مشكلة لما تبدل من الاول للثاني المهم وديتها الوكاله وقالو توووضيب وانا صراحه خايف من التوضيب
هل توضيب الوكاله مامنو خوووف ولا ممكن يضرب الجربوكس مرة ثانية ياريت تفيدوني باي حل؟
وعليكم السلام ورحمة الله وبركاته
45 الف وتوضيب
ايش خلو للقير بعد ال200 الف؟؟ او ال400 الف!!
وبعدين موديل 2008 وماشيه 45 الف!!!
عجيبه
اللي قبلك مشتريها عشان يوقفها في البيت مثلا!!
شكلها وقفت كثيييير في الصيانه او الورش
اتأكد أنه السياره مافيها مشاكل وما اتعرضت لحوادث قبل كدا
عموما لو انا مكانك ما ارضى بالتوضيب ابدا
السياره مازالت عالضمان وخصوصا ضمان المكينه والقير أعتقد انه اكثر من 100 الف
يعني من سابع المستحيلات اقبل بالتوضيب والسياره عالضمان
ضمان معناها تغيير بجديد في حال وجود خلل
واسف عالمداخله الطويله
:)
+1اقتباس:
المشاركة الأصلية كتبت بواسطة memories
طيب وش المشكله بالضبط عشان تعطي للاعضاء خلفيه اكبر عن الموضوع ويفيدونك...
اخي الكريم بما ان السياره ماشيه 45 الف ويوجد خلل في القير فتصلحها على الضمان قبل ما يخلص
ولكن اخوي لكي يطمئن قلبك وتتاكد خذها على اي مركز فحص جربكسات يكون سمعته قويه وتاكد من التقرير احتمال يكون احد الحساسات عطلان
الشيء الاخر هل اخذت السياره مستعمله او حصل اي حادث لاقدر الله اوكان عندك تهريب وانت ما تدري عنه
اهم شي انك توضح للشباب المشكله بالتفصيل علشان نحاول نعرف الحل ونساعدك يالغالي
وعليكم السلام
انا ماانصحك أبدآ أبدآ تقبل بالتوضيب
لازم يبدلون لك قير جديد على الضمان
وغريبه والله مع ان مدير فرع هوندا الي عندنا يقول أفضل مافي الهوندا هو قيرها
أكيد انه خلل مصنعي او ان القير ناقص في الزيت !!
موفق ان شاء الله ..
غريبه قير هوندا يتوضب والسياره ماشيه 45 الف أكيد فيها مشكلها قبل
يا ليت تفيد الأعضاء اكثر بمشكلتك.
كلام ميمورايز سلييم 100%
ضمان السيارة 100 الف كيلو
و لا ترضى الا بتغير القير كامل على الضمان
التوضيب ما وراه الا المشاكل مستقبلا يعني لو لا سمح الله و خرب مرة ثانية بعد 100 الف الوكاله يقولون لك مالنا دخل ضمانك خلص
عشان كذا لا ترضى الا بقير جديد
يعطيهكم العافية
انا قبل ماخد السيارة فاحصها مزبوط الحمدلله مافيها اي مشكلة بس اظن والعلم عند الله انها عين والعين حق لانو ماكملت اسبوع معايا وجاتها حكتين غير الجربوكس .
بالنسبة لمشكلة الجربوكس لما تكون السيارة بين الثاني والثالث فيها تفتفه بسيطة وماتكون ملحوظة بس لما اكبس على دواسة البانزين تختفي التفتفه.
اما بخصوص تغيير القير فانا ودي اغيرو وحاولت معاهم بس مافي امل الا توضيب اذا فيه طريقه تخليني اغير القير قولولي.
خلك شدييييييييد شديييييييييد الوكالات ما تنفع معهم الا العين الحمرااا
ولا جيب معك واحد شديد يعطيهم كلمتين يخليهم غصب يغيرونها لك
و على فكرة اصلا اي قطعه تتغير ع الضمان تكون على حساب الشركة الام وليس على حساب الوكيل :)
في اي وكالة فحصت؟؟؟اقتباس:
المشاركة الأصلية كتبت بواسطة fawazsh
وايش وصف مشكلتك بالضبط ؟؟؟؟؟
من الاول للثاني هل تنتع معك بقوة او تنتظر وتحن السيارة وثم يدخل الغيار الثاني متأخر؟؟؟؟
هل هي تفتفة يعني تحس ان السيارة تقطع باستمرار اثناء الغيارات؟؟؟؟؟؟
اخاف ان مشكلتك ماهي في القير اتمنى الاجابة عن الاسئلة
^^^^
كلامك سليم احيانا تكون امور تافهه مثل حساس او غيره
يعني مو شرط القير توضيب
حتى اذكر سالفة واحد معاه كابريس وداه الوكاله و قالوله القير راح عندك و يبيله تغير و سعره اذكر 17 الف
كنسل الوكاله و خرج للورش و بالصدفة وقف عند سعودي باين عليه خبرة قديمة بالقيور
تدري وش قاله السعودي .. قاله نص ساعه و تعال
و بعد نص ساعه رجع صاحب السيارة و حصل قير سيارته صار 100% ومن اروع ما يكون
و السبب ان حساس القير كان مفصول ولا كلفت الشغله حتى 100 ريال :)
الزبدة .. مو شرط الوكاله دايما يكونون الصح بكل شي :)
وعليكم السلام ورحمة الله وبركاته
غرررررريبة جدا جدا
ومو معقولة 45 الف وتوضيب قير
وين حنا عايشين
ماصارت حتى في السيارات الاسترالية وهي اقل جودة بكثير من اليابانية
حبيبي الله يعينك وانشب لهم وورهم العين الحمرا
والله يغيرو لك القير غصب عن ابوهم
قال توضيب قال
مدرى ممكن يكون بالسياره مشكله فنيه معينه ولاكن , 45 الف ليس بالممشى واكون معاك صريح انا اعرف احد الاخوان شخصيا كان معه اكورد 2008 v4 فل اوبشن , ماعلينا راح للوكاله وكان يشتكى من مشكله بالقير وش قالوه بدون اى مقدمات توظيب بتشديد الياء وسكون الباء , ماعلينا ويبف ويلف ويحوس بالورش طاح بورشه مدرى وش اسمها ناسيها بالخضريه حقت هوندا المهم ويقولون له خلها يوم وبنكلمك قال طيب ويدقون عليه ويطلع النصب والاحتيال قالوله حساس مع شغل اليد والقطع والقروشه 450 ريال
انا سؤال واحد ابي اوجهه للغرفه التجاريه وكمان لكل مسؤل عن اللعب بالعالم وبهذلتنا جننونا , والشي الثانى الدوله ليش ماتتدخل وبقوه لحل هاذه المهازل الى حاصله ياجماعه شوفو الفرق الرجال يحلف ومورينى الفاتوره من 7000 وكسور الى 450 ريال ياعالم احنا في ناس تحاربنا ومن زمان ياناس وصلت للخشم ماعاد نتحمل ياهوه لازم نتكاتف ونشوف لنا حل للمهازل للى بالبلد وقيسو عليها حاجات كثيره , حسبي الله ونعم الوكيل فيمن كذب وظلم وسرق وحسد الله واكبر على كل من طغا وتجبر .
المشكلة يا ساده ان في السعودية مافي شي اسمو جمعية حماية المستهلك
لو فيه يمكن ما تلاقي محلات و وكالات لساعها فاتحا