في البداية
السلام عليكم ورحمة الله وبركاته
اليوم في الصباح الباكر ذهبت إلى وكالة عبدالله هاشم فرع الميناء - جدة
المهم انا اساسا رايح عندي كم هرجه بالسيارة قلت خليني ألحق على الضمان قبل لا يخلص باقي 5000ك
طبعا عندي
1- صوت في الدركسون لما الف يسار او يمين صوت تصفير مع انه يروح الصوت لاكن قلت ما دام على الضمان الله لا يهنهم يصلحونه
2- صوت في القزاز حق الراكب + صوت قزاز السواق
بعد الكشف وكل شي قلي يبغالك تشحيم ما ادري حاجة داخلية للدركسون + تغير مكينة القزاز طبعا على الضمان
وصلنا للمهم وهو جالس يطقطق على الجهاز قلي اوووووه انت عندك تغير كليبر حق الفارامل الخلفية جلست اضحك
قلي اشبك قلتله انا لا اعرف كليبر ولا يحزنون قلي هذا لازم يتغير طبعا على الضمان مع العلم اني لا قلتله لا فرامل ولا يحزنون
سؤالي يا احبائي ايش هذا الكليبر وهل هو فعلا يحتاج تغيير
اخيرا بصراحة كل الاحترام والتقدير للمهندس موسى + المهندس ماجد جمال مع اني ما اعرفهم ولا شي لكن بصراحة تعاملهم راقي ومع العلم اني غير منتظم على الصيانة الدورة + مظلل القزاز ولا احد قلي ان مشكلة القزاز من التظليل مثل بعض الاعضاء
