يا عيال أنا بأنفجر ببيع السياره وتوني شاريها
السلام عليكم ورحمة الله وبركاته
كيف الشباب إن شاء طيبين :d
والله إني ما أدري من وين أبدأ هدي أول مشاركة لي مع العلم بأني من العاشقين لهذا المنتدى ولكن كنت كزائر ما كان معي سيارة عشان أتكلم فيها ومشاكلها لكن اليوم أصبحت منكم وفيكم من وأشكي مثل ما تشكون وأقرأ مواضيعكم بعكس ما كنت أقراه من أول بدون إهتمام
المهم ما أبي أطول عليكم بالكلام كنت محتار أبي أشتري سيارة من كم سيارة في بالي لكن في الأخير وبعد ما شفت المنتدى والكلام اللي فيه قررت أشتري أكورد
والله وبعد كثير من التفكير والمشاورات وش آخذ وش آخذ قررت أني أشتري السبيشل بعد ما رحت الوكاله ونصحني واحد هناك لأني كنت حاط في بالي الفل كامل أربعة سلندر قالي الفل فيها عيوب اللي هيه المكيف ماهو عملي يعني يطفأ مع المطبات والجنوط ما هي مريحه وكلام كثير لا يسعني الحديث عنه.
المهم توكلت على الله وشريت سبيشل 2010 من الوكاله جديده والله وكانت السياره معي مثل الحلاوى يمكن الين مشت تقريبا 1200 المهم بعدها قامت تطلع أصوات ترفع الظغط كرهتني في السيارة :mad: طبعا الأصوات هذي ما طلعت تقريبا الا لما وديت السيارة للصيانه على 1000 كيلو والأصوات اللي اقلكم عليها
1: صوت لما ألف الطاره وأنا واقف
2: وهو المهم صوت طقطقه لما أمسك فرامل ونفس هاذا الصوت يطلع لما أمشي على طريق متعرج أو ترابي
طبعا أنا من النوع اللي يحافظ جدا على السياره حتى السياره ألحين ماشيه أربعة آلاف وشوي وما قد غسلتها إلا مرتين
تكفوووون يا عيال السيارة قمت أكرهها بعد هالأصوات لأني كنت أفكر أنها تتحمل وكنت مرتاح لما أقرى MADE IN JAPAN لكن والله العظيم طاحت من عيني الأكور وتحسفت على كامري كانت معي مثل اللوز 2006 ما عمري قد غيرت فيها مسمار أو سمعت صوت:(
أبي أضيف صور لكن ما عرفت كيف الطريقه لأنها أول مشاركة لي بالمنتدى :o
