المشي مو عاجبني ..

السلام عليكم ورحمة الله وبركاته ..

كيفكم يا احلى اعضاء .. :d

انا عندي اكورد 6سلندر 2010 >> اكيد معروفه بس خلصنا ..

المهم عندي الكفر الي باليمين قدام جهت الراكب يطلع صوت لما الف وانا امشي خفيف ..

اخاف انه محبل او شيء بس انا سافرت عليه مرتين وهو بذي الحال .. واتوقع سبب الحذفه منه ..

ايش رايكم وش اسووي .. بس السيارة حلوة رغم انه ذا الكفر مطفشني بس احبها .. وابشركم ماشيه الحين 8000كم في ثلاث شهور .. وش رايكم ممشاي حلو ولا لا >> ههه خلصت المشاكل ..!

واسف يمكن طولت عليكم ..

روح عند بنشري واكشف على الكفر ومو شرط انه من الكفر الصوت يمكن من راس العكس من الجلد اكشف عليها عند ميكانيكي فاهم

8000 في ثلاثه شهور طيبه ترى انا في ثلاثه شهور مشيت 30 الف

هههههه مشكور اخووي بس انا طالب ثانوي اخر سنه وما اداوم مكان بعيد ..

ولا اطلع ايام الدراسه ..:)

^^

الله يعطيك خيرها ويكفيك شرها ~

ودام سيارتك ماشية 8000 آلاف يعني السيارة ع الضمان وتتصلح ع الضمان لو كان فيها أي عطل بهالفترة ~

ان شاء الله بوديها ع صيانة 10000

ومشكووورين

ماقدر افيدك بالكفرات اخوي ان شاءالله يفيدوك الشباب
بالنسبة للممشى انا ثلاثة شهور وصلت 11 الف كيلو بس انا اسبوعيا اقطع 700 كيلو خطوط

انا عندي نفس الطريقه اخوي السياره فيها شتله بسيطه لاكن متنشها تقريبا من الكفرات والله اعلم
ممشاك زين انا سيارتي لها 8 اشهر وماشيه 22000 والله يباركلك اخوي

الله يبارك لك .. بس ياليت تقولي وش سويت مع الكفر تبعك يا توب اكورد ..

بالنسبه للكفر انا شريت 2010وكاله وصارت عندي مشكله بالكفر واطلع للوكاله واول مره صرفوني والثانيه حلفت اني ماطلع الا وانا منهي الموضوع المهم عطوني ورقه لبريجستون وكشفوا ع الكفرات وطلعت 3 كفرات محبله وغيروها لي ع الضمان