رشة الوكالة!! وما أدراك مالوكالة؟؟

أخواني الأعزاء في هذا المنتدىالرائع شكراً لكم مقدماً على جهودكم التي تبذلونها لإنجاح وإبراز هذا المنتدى والذي اصبح يمثل مرجع مهم للغاية لكل من يملك سيارة هوندا فجزاكم الله خير وسدد خطاكم.......
قدر الله وصار فيه (دقشة) :)بسيطة في اسفل باب السائق في الزاوية من اسفل بالضبط رجعت ريوس والباب مفتوح ( وانعفط):d وديته ورشة في الصناعية القديمة تقريبأشغلهم اغلى من الوكالة ولمن طلعت لاحظت فيه تغير واضح باللون (رشو الباب كامل اللون لؤلؤي)صار ادكن شوي وفرق عن الخلفي تهاوشت انا وياهم:mad: واخذت فلوسي ووديتها الوكالة ورشوا الباب من جديد صار معهم نفس الحكاية اللي من اول في الورشة بس اخف شوي تهاوشت معهم ايضا:mad:وقالوا ان السبب الورشة الاولى واللون اللي حاطين اول صار خلفية ( للكر الشفاف) لازم نرش البابين عشان يتوحد اللون عاد انا ماقتنعت وقلت اشوف أراءكم ونصائحكم ممكن احصل حل او احد لديه تجربه مماثلة يختصر الموضوع.:confused:
شاكراً لكم ومقدراً لجهودكم.
أخوكم : هــــــــــــــــــــــــــــــــــــااااوي

هلا والله اخوي هاوي:)
بالنسبه للون اللؤلؤي صعب مره تطبيق اللون عليه اذا كان في جزء بسيط من الباب اما اذا كان في كامل الباب على حسب تجربتي انه يطابق لاكن يبغاله دق في العمل.
وتقبل تحياتي

انا جربت رشة الوكالة في الرياض فرع الخالدية لون لؤلؤي ,,, ماشاء الله ضبطوها 100%

انا رشيت الباب كامل في الأحساء وطلعت مضبوطة بعد >> ورشة مو وكالة

على كل جرب تسوي تلميع كامل للسيارة يمكن اللون صاير باهت عندك جربت مع التلميع شوف تضبط ولا لا

حسب ما فهمت من كلامك .. ان الوكاله عارضو ان اللون مختلف بسبب الرشه حقت الورشه .. طيب يعني قصدهم لو رشو الباب الخلفي تختلف بوية البابين عن الباقي الجنب كله .. :mad:

المهم ، انت قول لهم انهم ينصفرو الباب و يحرقو بويته ، و يصير الباب بدون لون .. ويرجعو يرشو الباب من جديد عشان لا يقولو الخلل من الورشه .. :)

و بكذا ما أعتقد بيكون لهم حجة ان الورشه اللي ما تعرف ترش

بالتوفيق اخوي :)

الشباب ما قصروا معاك ...
وراي من راي هيبة ملك...

الله يكون في عونك انا مثلك لكن محتار شسوي فيها ولون موتري زيتي !!:(

لو بعت بابك بالتشليح وقيمة الرشه والتصليح حطيتها مع قيمة الباب المباع المصدوم طبعاً
بيطلع لك قيمة باب مافيه إي سمكره من التشليح ، وبتلقى واجد .. بالتوفيق ..!

ابو سليمان جاب الحل الصحيح

وكل شركة لها متخصصين وفنيين

والله يعينك

خلنا وحده وحده اذا بيرشون الباب بيوخرون الصبغ الاولي شلون يقلون لك ذه من رشه الاوليه:)

انا من راي ابو سلمان :cool:

اقتباس:

---

المشاركة الأصلية كتبت بواسطة هوندا قوه الاحلام

خلنا وحده وحده اذا بيرشون الباب بيوخرون الصبغ الاولي شلون يقلون لك ذه من رشه الاوليه:)

---

:rolleyes:

انا رأيي من رأي أبو سليمان

اقتباس:

---

المشاركة الأصلية كتبت بواسطة كوكو كورد

انا جربت رشة الوكالة في الرياض فرع الخالدية لون لؤلؤي ,,, ماشاء الله ضبطوها 100%

---

أما انت واحد خبرة بالشغلات هاذي

اشر لك باب جديد :confused:

شوف اذا تبي لون مظبوط و رشه ماتفرقها عن باب ثاني

عند ورشة وفاء في صناعية القديمة قله يحرق لك باب ويرشه

ويعطيك ضمان على البوية 4 سنوات لو اختلف او تقشر رجعه

يرشه مره ثانيه بس يبي له مكاسر وتدقيق

وهو مسمكر لي باب و شوي من رفرف وركب مرايه ورش باب مع الرفرف بـ 2000 ريال

لو تبي تشوفه او صوره ابشر عطني رساله خاصه

وترا رش وكالة مهب شرط يكون الافضل

زي ماقالو يحرقلك بويه الباب ويرجعهاء اساس ويرشها مررره ثانيه وكيذا مايصير لهم حجه والوكاله اعتقد هم افهم في الامور هاذا وما راح يسوون شي غلط انت ودها وقلهم اشوف اختلاف في البويه او اي مشكله لو بعد فتره ما اعرف إلا انتم:mad: وانصحك لاترش الباب الى مافيه شي. وطبعن راح يعطونك ضمان على الرش ونشاء الله ترجع سيارتك عروس مثل اول واحسن :d

مثل كلام ابو سليمان

الوكاله بكم رشو لك الباب

والورشه بكم

ما قصروا الشباب آرائهم حلوه وممتازه ,