فداغة 1000

فداغة 1000 هي مقولة راشد الشمراني في بيني وبينك 1

بعد الاعضاء بمجرد مقارنة اي موتر بالاكورد يطب بالموضوع ويحط كل حرته وللأسف صاحب الموضوع كاشت من زمان( صدق فداغة 1000)

بعض الاعضاء بسب الاكورد وانا كرهت الاكورد وزفتت اخلاقي من الاكورد ويلعن ام الاكورد ياخوي بعها ورايحنا ولا تكون دلوعة (دلع 1000)

بعض الاعضاء انا عندي صوت بالباب وصوت بالماكينة وصوت بالهوا عفوا صوت بالسيارة اللي بجنبي
وكرهه العالم بالاكورد لانه جدا" حساس (نعومة 1000)

بعض الاعضاء بمجرد مقارنة اي سيارة بالملكة يفضل السيارة الثانية -الرأي والرأي الاخر- اقول الرجل له رأي واحد

ويقول لا لا للتعصب
اقول ليش انت شاري الاكورد بعها وارتاح

بعض الاعضاء وخاصة اصحاب الاكوردات القديمة يتعصب ضد الاكورد الجديدة (حقد 1000):mad:

عموما" اطلب من المشرف عدم حذف الموضوع او قفله اذا كان فيه حرية للرأي

هذا الكلام ألي كنت أقوله من زماان
يعني الواحد شاري سياره يبانيه مو ألمانيه
يعني طبيعي راح تسمع فيها أصوات والأصوات موجوده في جميع السيارات اليبانيه
ما عدا الكزس والأنفنتي والأكيورا:d
مشكور اخوي على الموضوع.

اكره الي يجيك زي كذا

مشكوور على الموضوع

موضووعك رااائع ومعك حق بالي تقووله
داامك تسب الاكورد ريح راسك وبعها :d

صاااادق والله
بس في سالفة اصحاب الاكورد القديمة يتعصبون ضد الجديدة لا والله صحيح بعضهم كذا لكن الاكثثثر لا لأنهم يعشقون شي اسمه h
بالتوفيق لك

اخوي رجل هنادي اشكرك من اعماق قلبي وصارلي كم يوم وانا ناوي اكتب موضوع مثل هاذا
*لما يجيك واحد تو صاحي من النوم يسال وش احسن زيت او احسن كفر واحنا لنا قبل ايام ناقشنا هاذا الموضوع وبكثررره خله يسال نفسه ليه المنتدى ما يمسح موضوع سابق؟؟عشان الواحد لما يحتاج شئ ولو بعد فتره من الوقت يدخل الموضوع اللي يناسب مشكلته ويحصل الردود
*لما تطفش من مشكله بسيارتك وتسب فيها ياااااااااويلك من :بعض: الاعضاء تحس انك شاتم واحد من اهله ياخي طز بالحديد والوكالات وش محرق رزك نعم انا اقولها كل الجديد خياس جيب اللكزس الجديد فيه مشكله بالمثبت السرعه الكامري2005 صوت هواء بربلات الابواب ومكيف2007 لك عليه اللكزس جلد مقصات ولا تجي الا مقص كامل ومن هاذا القبيل...الخ الخ
*ولا يجيك واحد حفله وش الفرق بين الفل والسبشل احس انه فاااضي انت ناوي تدفع وجاد اطلع لاقرب فرع تحصل موظف يشرح لك من الصدام الى الصدام هاذي شغلته
*من اقدم عضوى الى اجدد واحد نبي نطور المنتدي من كل النواحي واهم شئ نبداء بالاسلوب والفكر وما نمشي مطفين النور او حفله بدون تذاكر000
وللحديث بقيه,,,,

كلام جميل ورائع وأتمنى الجميع يأخذه في عين الإعتبار احنا جينا نستفيد ونفيد

مو نشتكي وننزل مواضيع في غير محلها أصلا

شكر ا" للجم يع على التف اعل
مح بكم

مثل ما قال أخي الرومنسي المنسي احنا هنا عشان نفيد ونستفيد واضيف على كلامه مشكور احنا هنا عشان نرتقي بــ h ما نشوّه سمعتها

شكرا" خيوط الشمس وللجميع
ولكن المخرج يبغى كذا

وبصراحة فيه ناس هونت من الاكورد بسبب دلع بعض الاعضاء

يعطيك 10000000000 عافية
على الموضوع
كلامك صحيح وسليم 100%
واللي مو عاجبته سيارته يروح اقرب معرض ويبيعها
وتقبل مروري

يستحسن تبدأ موضوعك بالسلام

وترا فيه أعضاء صدق عندهم مشاكل بسياراتهم وفيها عيوب

ومثل ماقلتوآ ماهي المانية عشان كذا كثيرة مشاكلها وعيوبها

وبعدين ترا الواحد حاط في سيارته حول الـ 100 ألف وهو كان يتوقع أفضل من الي شافه

عشان كذا يطلع الي بقلبه من القهر وو ممكن فيه اشخاص ماعنده اكورد اصلآ ويسب فيها ويشوه السمعه

وأنا ياخي عندي مشكلة بالسيارة حذفة لليمين مسويه لي اكتئاب حاولت أصلحها 6 مرات وبدلت اماكن الكفرات كذا مره
يعني ماتبيني اتكلم عن المشاكل الي بسيارتي وأحاول أوجد لها حلول ..؟ ولا ايش :confused:

تشكر عالمداخلة
بس ياخوي جميع السيارات فيها مشاكل وعلى رأسها اللكزس 460
وانا ماكتبت الموضوع الا لان بعض الاعضاء يرفعون الضغظ وكأنهم شارين مايباخ
عموما شكرا عالنصيحة بخصوص السلام ولكن الموضوع لا يوجد به سلام

عادي انت قلتها بنفسك حريه رأي ..

لكن اكبر غلط وانا ماكنت اتوقع اني القاه بأي منتدى ان الواحد يفتح موضوع كذا عباطه ...

اجي القى واحد فاتح موضوع يسب الاكورد والثاني فاتح موضوع يمدحها ياخي الواحد اذا بيفتح موضوع يكون قد هاالموضوع اللي هو فاتحه ويجيب لنا شي جديد ومتعوب عليه مو سوالف ...

وبصراحه موضوعك كان محتاجين له كثير خاصه ان المنتدى مادري وش صاير فيه ...

اتمنى يفتحون قسم للمقارنات وقسم للاسئله ويفكونا من ذا القلق

اقتباس:

---

المشاركة الأصلية كتبت بواسطة abdelslam

يستحسن تبدأ موضوعك بالسلام

وترا فيه أعضاء صدق عندهم مشاكل بسياراتهم وفيها عيوب

ومثل ماقلتوآ ماهي المانية عشان كذا كثيرة مشاكلها وعيوبها

وبعدين ترا الواحد حاط في سيارته حول الـ 100 ألف وهو كان يتوقع أفضل من الي شافه

عشان كذا يطلع الي بقلبه من القهر وو ممكن فيه اشخاص ماعنده اكورد اصلآ ويسب فيها ويشوه السمعه

وأنا ياخي عندي مشكلة بالسيارة حذفة لليمين مسويه لي اكتئاب حاولت أصلحها 6 مرات وبدلت اماكن الكفرات كذا مره
يعني ماتبيني اتكلم عن المشاكل الي بسيارتي وأحاول أوجد لها حلول ..؟ ولا ايش :confused:

---

السلام عليكم ..

حقيقة ما أزيد حرف على كلام أخوي عبد السلام .. حقيقة كفى ووفى :)

لا وإلي يخليك تعصـب لا جاء احد يقارن بين الأكورد والكامري :d

اقتباس:

---

المشاركة الأصلية كتبت بواسطة فـــيـــصـــل..607..

لا وإلي يخليك تعصـب لا جاء احد يقارن بين الأكورد والكامري :d

---

تصدق نعمة اذا جت المقارنة مع الكامري :d

الحين الشباب صاروا يقارنوها بالاكسنت :d

اخوي صاحب الموضوع
انا معك كل سياره وفيها مشاكل
لكن لما تصير السياره جديده وتحاول تصلح اكثر من مره ولا تضبط معك ولا تعرف اصلاً وش المشكله لازم اني اجي احط موضوع عشان استفيد من اللي واجهوا نفس المشكله

والاكورد فيها اكثر من مشكله اساسيه فلازم ان اي واحد يبي اكورد نقوله ترى فيها كذا وكذا وكذا عشان لا ينقهر بعدين ويجي يكتب في المنتدى

وبخصوص ( حقد 1000 )
انا معي اكورد قديمه لكن ماني متعصب ضد الاكورد الجديده انا متعصب ضد سعرها وبس
الاكورد سياره حلوه وعلى عيني وراسي ( كسياره ) لكن كمقارنه مع مثيلاتها اليابانيات في الجوده والسعر والمواصفات اسمحلي محد يقدر يرفع الاكورد لهم وهذي حقيقه مو حقد
لو الاكورد سعرها على قد موافاتها ذاك الوقت بلقاني اول واحد يشتريها
لما اجي ادفع في سياره مبلغ لي فيه خيارات عديده افضل من جميع النواحي هنا لازم نتكلم
انا ابي شاشه وابي كاميرا وبلوتوث وبصمه وتشغيل بزر وتوبترونيك وتعشيق من خلف المقود وجوده يابانيه وذاكره وووو
لما احصل كل هذي المواصفات في سياره ثانيه وبسعر اقل .. تبيني امدح الاكورد واقول انها افضل السيارات بي منافسيها .. لأ
واي واحد بيجي يستشير لازم اني افيده بكل شي
نعتذر عن الاطاله واتمنى الفكره وصلت

اقتباس:

---

المشاركة الأصلية كتبت بواسطة fares__ksa

اخوي صاحب الموضوع

انا معك كل سياره وفيها مشاكل
لكن لما تصير السياره جديده وتحاول تصلح اكثر من مره ولا تضبط معك ولا تعرف اصلاً وش المشكله لازم اني اجي احط موضوع عشان استفيد من اللي واجهوا نفس المشكله

والاكورد فيها اكثر من مشكله اساسيه فلازم ان اي واحد يبي اكورد نقوله ترى فيها كذا وكذا وكذا عشان لا ينقهر بعدين ويجي يكتب في المنتدى

وبخصوص ( حقد 1000 )
انا معي اكورد قديمه لكن ماني متعصب ضد الاكورد الجديده انا متعصب ضد سعرها وبس
الاكورد سياره حلوه وعلى عيني وراسي ( كسياره ) لكن كمقارنه مع مثيلاتها اليابانيات في الجوده والسعر والمواصفات اسمحلي محد يقدر يرفع الاكورد لهم وهذي حقيقه مو حقد
لو الاكورد سعرها على قد موافاتها ذاك الوقت بلقاني اول واحد يشتريها
لما اجي ادفع في سياره مبلغ لي فيه خيارات عديده افضل من جميع النواحي هنا لازم نتكلم
انا ابي شاشه وابي كاميرا وبلوتوث وبصمه وتشغيل بزر وتوبترونيك وتعشيق من خلف المقود وجوده يابانيه وذاكره وووو
لما احصل كل هذي المواصفات في سياره ثانيه وبسعر اقل .. تبيني امدح الاكورد واقول انها افضل السيارات بي منافسيها .. لأ
واي واحد بيجي يستشير لازم اني افيده بكل شي

نعتذر عن الاطاله واتمنى الفكره وصلت

---

كلامك على راسي واحترم وجهة نظرك ولك مني ألف تحية

اقتباس:

---

المشاركة الأصلية كتبت بواسطة دندنه

*لما يجيك واحد تو صاحي من النوم يسال وش احسن زيت او احسن كفر واحنا لنا قبل ايام ناقشنا هاذا الموضوع

---

طيب انا عندي حل اكيد .. مانرد على هل مواضيع و نكتفي بوضع رابط الموضوع الي تكلم عن المشكلة و بس .. وخلة يدور فيه ، مو معقولة كل شوي نكتب نفس الردود :mad:

اقتباس:

---

المشاركة الأصلية كتبت بواسطة دندنه

* لما تطفش من مشكله بسيارتك وتسب فيها ياااااااااويلك من :بعض: الاعضاء تحس انك شاتم واحد من اهله ياخي طز بالحديد والوكالات

---

هذا مع احترامي له اهبل ، مافي شي يستاهل اسب او اشتم الناس فيه و بالاخر علشان حديد و شوية بلاستيك .. و بعدين ماتقدر ترد و تحكم على احد من خلف كيبود وشاشة .. بعضهم يتكلم بجدية و تفكرة يستحقرك او شايف نفسة ، و بعضهم يرد و يعمل مواضيع سخيفة و يجلس يقص قصة حياتة و نفكرة فلة و مافي زية

اقتباس:

---

المشاركة الأصلية كتبت بواسطة دندنه

ولا يجيك واحد حفله وش الفرق بين الفل والسبشل احس انه فاااضي انت ناوي تدفع وجاد اطلع لاقرب فرع تحصل موظف يشرح لك من الصدام الى الصدام هاذي شغلته

---

اتركك من هذا الموضوع ، الا الي يجيك و يقول لك كم سعر الشمعة الامامية لاسطب الاكورد موديل 80 ؟ يعني تكاسل يتصل على الشركة ؟ ، الحل الوحيد هو انه نحط لهم الرابط الي فيه اسعار قطع الغيار تبع المباشر اضن + رقم هاتف الوكالة علشان يروقونا من هل مواضيع .

اقتباس:

---

المشاركة الأصلية كتبت بواسطة دندنه

*من اقدم عضوى الى اجدد واحد نبي نطور المنتدي من كل النواحي واهم شئ نبداء بالاسلوب والفكر وما نمشي مطفين النور او حفله بدون تذاكر000

---

اقتباس:

---

المشاركة الأصلية كتبت بواسطة دندنه

وللحديث بقيه,,,,

---

الوسائل الحديثة كلها متاحة قدام ، مثلا تقدر تصور مقطع بجوالك و تتكلم فيه عن المشكلة و بعدين ترفعة على اليوتيوب و تكتب موضوع جديد و تحط فيه المشكلة و حلها و الفيديو .. علشان الناس تستفيد ( مثل المنتديات الامريكية)

انبد و احنا وراك :cool:

كل مافي الموضوع اننا لابد ان نرتقي في طرح المواضيع وهذا الشي الي نفتقده من الاعضاء !

تسلم اخوي وتقبل مروري