صار لي حادث بسيط .. وابي شوركم يالربع

السلام عليكم ورحمة الله وبركاته ...

كل عام وانتم بخير وعساكم من عواده يارب ...

الحمدلله على كل حال ,,,

الله قدر علي وصار لي حادث بسيط ماهو قوي الحمدلله ...

وناوي اصلح السياره ...

بس يالربع ابي شوركم اولا بورشة ممتازة بالشرقية والبويا والسمكره صح ...

وثانيا ابي اسال اصحاب الخبره هل الوكاله تغير الرفرف ولا تسمكره انا خايف اذا حطيت سيارتي بورشة يكون واضح مره السمكره للرفرف ...

وايضا انا مأمن لكن التأمين راح ياخذ علي بدل تحمل لثالث حادث وانا خطيت وديتها من قبل على شمخات اصلا وعشان كذا مابي يزيد علي بدل التحمل ,,,

هذي صورة سيارتي وياليت الكل يقولي اصلحها برا ولا اوديها لهشومي ...

http://store2.up-00.com/Nov10/pXU74498.jpg

الحمد لله على سلامتك

بسيييييطة يارجل

انا اشوف

الوكالة افضل لأن اللون اللؤلؤي صعب اي ورشة تسويه

خليها على الوكالة

انا قبل كذا برضو سويت حادث

الوكالة ماسمكروا الصدام الامامي لازم تغيير ورش

اما الصدام اللي عندك مانصحك تغيره لأنو مافيه تلف كثير

اما الرفرف لازم سمكرة

الله يعيينك

كل عام وانت بخييير

يعطيك العافية حبيبي

بس والله بيطولون علي الوكاله

وخوفي من برا مايضبطونها

تكفون ابي ورشه 100%

وعليكم السلام

وانت بخير وصحه وسلامه

الحمد لله على السلامه

روح باسمير في الصناعيه وادعي لي وخاصتآ في اللؤلؤي شغلهم مضبوط واسعارهم ممتازه

الحمد لله عالسلامه
اخوى ورشه الملحم بالخبر علافت الدوار الى عند قهوه جار القمر سابقا هناك وانت جاى من الواجهه متجه الى الدوار خذ يمن منه وقط حجاجك الايسر جهت اليسار بتحصل ورشه الملحم شغلهم واكى يخوى وممتاز
تقبلو مرورى

شف دامك في الدمام غير ورش باسمير لا تدور :cool:

روح عند فرع لهم اسمه اللمسة الفنية

يقول لك هذي فروع باسمير للأصباغ من قوة شهرتها

وصلت سمعتها عند البنات لدرجة إن البنات الحين يصبغون شعورهم عند باسمير:cool:


<<<<:confused:

ههههههههههههههههه

يعطيكم العافيه

بس باسمير سعره كويس ولا غالي

وبعدين هال الرفرف يتغير ولا دايم يتسمكر بس