السلام عليكم ورحمة الله وبركاته
إخواني أعضاء المنتدى أكوردتي وصلت الـ100 ألف ولله الحمد
أنا شاريها مستعملة ماشية 74000 وآخر صيانة في الوكالة 60000
الحين لها سنة معي
السيارة ماشاء الله ما فيها شيء أبدا ولا وديتها لورشة الا تغيير فحمات وزيت المكينة
(زيت القير ساحب عليه صراحة:11eatdrop:)
من رأيكم أوديها للوكالة أسوي صيانة 100 ألف ؟ (مع العلم إني ساحب على الصيانة)
ولا أوديها لورشة؟
......
وأنا ودي أعرف هل فيه ورشة محترمة متخصصة هوندا شغلها مضمون في الرياض وياليت توصيفها
مشكورين مقدما ,,,,
أخوي سلام عليكم أول شي أنا من سكان جدة ولكن على قولة المثل اللي يسأل مايضيع أكيد بتلاقي ورش نضيفه متخصصه خاصه بهوندا والله يعينك على أعمال الصيانه وسعر القطع شوي غاليه قطعها الهوندا بس الصيانات والتشييك على السيارة ضروري بعدما ماتسوي لها الصيانات راح تحس بالفرق وتعيش معاك السياره عمر اطول بأذن الله وأذا الله وفقك ياخوي ولقيت ورشه شغلها نضيف سوي الحاجات المهمه فقط زيوت وفلاتر وسيور وبواجي وتربيط وموفق ياغالي ...:)
حياك الله وعليكم السلام
وكل عام وانتم بخير
بخصوص الوكاله فقط تنسى هذه الوكاله :)
تروح تشوف لك ورشه محترمه وبعدين تشوف الاستهلاك حق السياره مثل السيور والفلاتر الزيت القير وفلتر البنزين والبواجي تقريبا هذه ماذكره ولكن شوف انت ايش تحتاج وعمله :)
حبيب قلبي الله يعطيك خيرها ويكفيك شرها
بنسبه لصيانه ال100 الف ضروريه لسياره ليش لان في الوكاله يغيرون كل شي وصيانه ال100 الف مكلفه شوي بس ضروريه جدا اول شي يتم تغير سير الماكينه وطرمبه المويه وبلف الحراره والشداد والبواجي ومويه الراديتر وزيت القير وزيت المحرك وفلتر الهواء وفلتر المكيف وتربيط عام لسياره وهذي اشياء ضروريه جدا لسياره اذا غيرتها راح تحس بفرق كبير جدا في السياره الله يوفقك_________________________
يعطيكم العافية أخواني على النصيحة ماقصرتم
بعد اذن راعي الموضوع كم تكلفه صيانه الــ 100.000
و ايش يغيرون فيها يعني يمكن اخذ القطع من الوكاله و اركبهن بـ ورشه