عرض للطباعة
السلام عليكم ورحمة الله وبركانه
كل عام والجميع بخير
انا موتري عدا 5000 والصيانة زي ما انتوا عارفين في اجازة
وو ان شاء الله ناوي اروح لهم السبت بس عندي كم سؤال ..
*هل صيانة 5000 تتطلب حجز ؟؟وو اذا نعم كم الرقم ؟؟
*متى تفتح الصيانة ومتى تغلق ؟؟
*هل في دوام ايام الخميس والجمعة ؟؟
اقتباس:
*هل صيانة 5000 تتطلب حجز ؟؟وو اذا نعم كم الرقم ؟؟
نعم .. الرقم كل فرع له رقم خاص فيه
*متى تفتح الصيانة ومتى تغلق ؟؟
تفتح 7 ونص .. تقفل 4 العصر
*هل في دوام ايام الخميس والجمعة ؟؟
الخميس فقط فيه نص دوام اعتقد الى الظهر
اتمنى اني افدتك
حتى ان شاء الله بوديها الخمسة الاف يوم السبت
ولازم حجز
وهاذي الارقام
وفيه كل شىء هذا الموقع ارقام الصيانة وأوقات الدوام
Honda | Saudi Arabia | Contact Us
بالنسبه للخمس الاف ما يحتاج حجز نزلها عندهم وساعتين وتاخذها اذا ما كانت زحمه قويه
اوقات الدوام من 7صباحا الى 7 مساء وبريك الساعه 1 ظهرا
ما عدا يوم الجمعه
اوكيه
اعتذر يا جماعه لرفع الموضوع ... لكن انا سيارتي وصلت 6000 كلم الحين يعني 5000 كلم بعد صيانة الالف كيلو ... وماقدرت اوديها للصيانه لتغيير الزيت والسيفون بسبب الدوام .. للاسف انا طبيب ودوامي ملزم وصعب جدا وطويل ... ما علينا
المهم
وصلب الموضوع
هل يمديني اغيرها يوم السبت بعد بكره ؟ يعني هل هم مداومين ليلة العيد او اليوم الي قبل العيد ؟
طيب اذا مقفلين بسبب العيد .. متى يفتحون اجل ؟
لاني ولا مره رحت للصيانه بالدمام .. انا لسه شاري السيارة من مكه المكرمه
تكفون افيدوني يا غالين
عشان لو ما يمديني عالوكاله بروح اغير زيتها بورشة مختصه احسن لا اضر المكينه كثير عليها اصلا 5000 المفروض من 3000 الى 4000 الزيت يتغير مدري ليش الوكاله تمشي على 5000 كلم ؟
والف شكر مقدما
عادي امشي لهم بعد العيد لانهم قفلوا يعني تجي بعد العيد باذن الله وتسوي الصيانة عندهم مافيها مشكلة
حتى لو مشيت أكثر من خمسة آلاف ... ما فيه أي ضرر على المحرك
و ترا إجازة العيد بالنسبة للشركات مو مثل موظفي الدولة يعني تقريباً 3 أو 4 أيام بالكثير ويداومون
والله يوفقنا وإيـــــــــــــــــــــــــــــــــــــــــــــاك
اقتباس:
المشاركة الأصلية كتبت بواسطة nasser1430
ايه عادي ما يصير شي باذن الله خصوصا ان الجو الايام هذه بارد نسبيا فلا تخاف بعد العيد روح وغير الزيت او سوي الصيانة اللي تبيها
ماشاء الله يادكتور
من سنه لسنه الف كيلو :cool:
اقتباس:
المشاركة الأصلية كتبت بواسطة فـــيـــصـــل..607..
لا يا فيصل ... صاحب الموضوع غير الدكتور ميدو ... صاحب الموضوع كتبه قبل سنه والدكتور رفعه على اساس لقى الموضوع جاهز .
أما الواحد يمشي بالسنة 1000 كيلو بس ... كان يقول مشيت جو الحوش حق بيتنا :d
موفقين إن شاء الله
هههههههههههههههه ضحكني اخوي الي يقول من سنه لسنه
لا لا لا
لعلمكم انا دوبي جاي عليها من مكه ... ومشيت خمسه الاف في اسبوعين ونص
والله يا جماعه اخاف كثير عليها لاني قطعتها في خطوط طويله مو داخل البلد
طيب انا افكر اني اروح لبنشر كويس واغير زيت احط زيت كاسترول بدون سيفون ... وبعد العيد اوديها الصيانه يغيروا زيت وسيفون وما اقولهم اني غيرت زيت وحتى لو سالو بقول وش دخلكم
شرايكم ؟
ولا امشيها عادي لمن بعد العيد ؟ مع العلم اني شيكت الزيت امس بنفسي لقيته ناقص شوي !!! مو كثير
طيب يا دكتور ... موترك على حسب كلامك جديد الله يعطيك من خيره ويكفيك شره (( ماشاء الله تبارك الله ))اقتباس:
المشاركة الأصلية كتبت بواسطة د. ميدو
وأنت سافرت على السيارة لمسافة أكثر من 6000 كيلو ... من غرب المملكة حتى شرقها طيب كم السرعة اللي دايم تمشي عليها بالعادة ، يعني هل أنت من الناس اللي مايتعدى 120 إلى 140 ك /س ... إذا كان كذا معنى إن النقص من نوع الزيت يكون خفيف مررره أو غير مناسب .
أما إذا كان الزيت لزوجته مناسبه وجودته معروفة ... فمعنى ذلك إن سرعتك على السيارة تتعدى الـ 160 ك / س ... لأن مع السرعات العالية وخاصةً لمحركات ( الأربعة سلندر ) معروف إنها تنقص الزيت شوي مع المسافات الطويلة .
على كل حال الله يكون في عونك وإن شاء الله تعالى يهدي الله سرك ... وتنقل للديرة اللي تفكك من كثرة السفرات ... ( آمين يارب ) ... لأن السفر ومن واقع تجربتي يهد الحيل ويأكل عمر السيارة .
والله يوفقنا وإيـــــــــــــــــــاك .
اقتباس:
المشاركة الأصلية كتبت بواسطة nasser1430
اللهم امين الله يجزاك خير اخوي ناصر
ربي يسعدك ياشيخ
انا سرعتي وانا جاي غالبا 140 .. وصلت 160 احيانا
واحيانا اثبت على 120 اذا تعبت او شكيت ان فيه ساهر بالمنطقه او رادار
وبالنسبه للزيت ما غيرته الا مره وحده بالوكاله في صيانة الالف كيلو
يعني تنصحوني اغير زيتها الحين وبعد العيد اذا وصلت مثلا 7000 كيلو اوديها الصيانه بعد العيد ؟
ارجوكم تفيدوني من خبرتكم
وشكري للجميع