عرض للطباعة
السلام عليكم ورحمة الله وبركاته
الأخوة الكرام
صار لي حادث أمس وإتصلت على نجم وإعطاني ( طلب تقدير أضرار + طلب إصدار إذن إصلاح )
أنا ما أعرف الإجرائات أرجو من لديه فكرة عن الإجرائات المتبعة يبلغني حيث أن اللي صدم السيارة سيتحمل 100 %
جزاكم الله خيراً
سؤال أخر
شباب حد عنده فكرة عن سعر الباب الأمامي + الرفرف الأمامي للسيفيك 2008 بالوكالة
وكم تكلف لو رحت ورشة سمكرة
وعليكم السلام ورحمة الله وبركاته
الحمدلله عالسلامة ومعوض خير ان شالله
دامك في الرياض في ورش خاصة لتقديرات الحوادث معتمدة من المرور
موجود بكل صناعية ورشة للتقدير
تروح عندهم عشان يقدروا القطع اللي تحتاج تغيير وتكلفة الاصلاح
بعدها تروح للوكالة عشان تجيب تسعيرة للقطع الي تحتاج تغيير
ومن بعدها تروح للمرور عشان يعطيك ورقة اصلاح ويعطيك مطالبة من المرور موجهه لشركة التأمين
ثمن بعدها تروح لشركة التأمين وتعطيهم الورقة اللي اخذتها من المرور
وتنتظر حتى يتم اصدار الشيك بالغالب اسبوعين
ومن بعدها تقدر تصلح السيارة
وللمعلومية الشيك رح يكون بأسم صاحب السيارة المسجل بالاستمارة
الله يعينك عالحوسة
ياخي والله مشكلة يصدمك وهو الغلطان وانت تجلس تراجع شهر
تعب وقلق عشان تاخذ حقك
صار الواحد يتمنى يكون هو الغلطان عشان يعطيهم صورة من التأمين ويرتاح
تحياتي لك
اقتباس:
المشاركة الأصلية كتبت بواسطة abujawad
+1
اي والله هذا القهر
وتخيل فوق هذا الحادث اعدم السيارة يعني كل مراجعاتك على تاكسي
السلام عليكم
حياك الله أخوي AbuJawad مشكور على معلوماتك والله يجعلة في ميزان حسناتك
أخوي accord790 إيه والله عندك حق واللي قاهرني إن السيارة مصدومة تحت البيت
الحمد لله على السلامه
وأن شاء الله أخر المصايب.
الله يسلمك أخوي عاشق سيييفيك
سؤال أخر
شباب حد عنده فكرة عن سعر الباب الأمامي + الرفرف الأمامي للسيفيك 2008 بالوكالة
وكم تكلف لو رحت ورشة سمكرة