عندي صوت المكينه مرتفع وفيه خشونه ياليت يا حلوين تساعدوني تكفون

السلام عليكم ورحمه الله وبركاته
يا شباب مشكلتي طرحتها هنا عندكم ساعدوني ارجوكم
عندي اكورد م 2003 4 سلندر . المكينه طلع لها صوت عالي ومزعج وخشن رحت اغلب الورش لكن الأجابه معروفه "" انا مافي معلوم سديق "" ياليت تساعدوني والله زهقت
بالتوفيق للكل :o

وين مكانك يالطيب

اذا بالشرقية يمكن اقدر اعطيك ورش تفيدك

والله مدري عن ورشكم هناك بس روح ورش مختصة يعني مو ورش بو هنود شوف لك ورشة متكاملة

هلا بك اخوي
لا والله انا بمكه المكرمه وأحيانا جده
شكرا لك بس ياليت تعطوني وش المشكله "" قلت لكم اغلب الورش مايفهمون شي حدهم كرسيدا 80 :(

الحين الصوت يطلعلك والسياره بارده ولا كل الأوقات
+
اذا منت واثق بشغل الورش روح الوكاله اضمنلك على الاقل خذ التشييك منهم وصلحها برى

كلام سليم يا اف 15

كأني عارف مشكلتك

سوا لها برمجه كمبيوتر وراح تنحل مشكلتك

وادع لي إن الله يزوجني


<<<<<حركات البنات على شريط قناة البداية خخخخ

هلابكم اخواني
يا اف 15 الصوت بشكل دائم . والوكاله مالي الا الله يعين جيبي
اما انت اخونا يا فيصل بجرب وبشوف وتراني بدعي لك يا رجال قبل اصلاح المشكله وش دعوى هههههههه :d

السلام عليكم

أخوي ( مهري )
شيك على مستوى الزيت يمكن انه زايد
لانه عند الزياده من قبل البنشري غير المتمكن يرتفع عندك زيت المكينه
وبعدين ما هو نوع الزيت المستخدم وكم لزوجته


ودمتم سالمين

صوت خشونة اعتقد الصوت عندك من رمان الشداد او رمان طرمبة الدركسون هي اللي تطلع صوت خشونة على الوقت البارد اللي مثلا الايام هذه

فقط شيك على رمان الشداد المفروض انه استبدل على صيانة 100000 وايضا شيك على رمان طرمبة الدركسون لانه الارجح لمشكلتك


طبعا هذا في حال كان ضغط عداد الار بي ام مثل ماهو طبيعي ولا هو مرتفع عن الحد