هونداوي جديد وكم سؤال عندي

السلام عليكم ورحمة الله

مساكم الله بالخير
بدون مقدمات ابغاكم بسالفه وركزوا معي زين

اول باشتان طرمبه الزيت كيف احافظ عليها بما انها عيب شرعي للهوندا تنصحوني اغير زيتها ؟

تاني باشتان عندي ولاعه الدخان ما تشتغل عندي هل المشكله من الفيوز؟ ووين مكانها وبكم يصلحونها ؟؟

تالت باشتان بالنسبه لزيت القير انا شاري السياره مستعمله ماشيه 80 الف وكسور وودي اغير زيت القير
وين تنصحوني غيره فيه وكم اجور اليد علي تغييره ووش اشتري قطع مع الزيت ؟؟

رابع باشتان سمعت ان فيه عيب مصنعي بالقطعه اللي تمسك الهوب الخلفي والوكاله يغيرونها لانه عيب مصنعي وابغى اتأكد من هالكلام ؟

خامس باشتان ضمان السياره خلص ولا لسى باقي فيه يعني وش شروط الضمان عشان اعرف سيارتي مشموله ولا انتهى ضمانها ؟؟


سادس باشتان دفع المكيف عندي ضعيف نوعا ما .. وما ادري هل السياره فيها فلتر للمكيف عشان انظفه وهل يقدر اي واحد يفكه وينظفه لي ولا يبغالها متخصص ؟؟


هذي استفسارات ضروريه بالنسبه لي بما اني هونداوي جديد وان شاء الله القى عندكم الافاده
والف شكر لكم مقدما

وعليكم السلام ورحمة الله وبركاته
بجاوبك على الباشتان السادس :d
الفلتر عادي يمديك انت تفكه تلاقيه خلف الدرج تفك الدرج من مكانه تلاقي الفلتر تسحبه من اطرافه فكه نظفه ورجعه بنفس الطريقه
يفيدوك الاعضاء في الاسأله الاخرى ان شاءالله

لاهنت يا شيخ حسن وننتظر الاخوان

اول باشتان ما ادري وش تقصد بطرمبة الزيت

تاني باشتان الولاعه خرابها من الفيوز لان راعي السياره الاولي قد شغل الام بي ثري عليها وراحت عليه

تالت باشتان زيت القير غيره بالوكاله ياخذوا عليك 189 ريال والفلتر قيمته حدود 130 (ممكن الوكاله يقوولون لك القير ماله فلتر << صارت معي وبالاثباتات والادله ضربتهم في مقتل ووريتهم مكانه وعناد فيهم غيرته بنفسي ...

رابع باشتان اي نعم قصدك الكليبر عيب مصنعي يغيرونه لك مع الفحمات..

خامس باشتان الضمان ينتهي 100 الف كيلو او خمس سنوات ايهما اسبق

سادس باشتان جاوب عليه الاخ اللطيف اللي فوقي

سابع باشتان تراني جالس اكتب باشتان ولا ادري وش معناها :d وشكرآ يعني

^
عفوا اقصد طرمبة الدركسون
ولاهنت يالذيب يعطيك الف عافية

طرمبة الدركسون مافيه طريقه ممكن تحافظ عليها الا انك تغير زيت المكينه بإنتظام وزيت الدركسون يكون حق هوندا الأصلي وتكون مدلع السياره يعني سواقه على رواقة بال

^
معليش داري اني ابلشتك :d

انا ان شاء الله الاسبوع الجاي بدخل السياره الوكاله
وبخليهم يغيرون زيت المكينه والقير وبضيف عليه زيت طرمبة الدركسون بالاضافه لمشكله الكليبر
لكن سؤالي الفحمات الخلفيه بيغيرونها مع الكليبر هديه كتعويض معنوي عن الكليبر المعيوب ولا وشلون :d
وياليت تعطيني اسعار تقريبيه لاسعارهم
يعني زيت المكينه والسيفون وفلتر هواء + زيت وفلتر القير + زيت طرمبة الدركسون

ولاهنت يالذيب ( تخيل ان فيه ورده حمرا هنا )

^^^^
وعليكم السلام ورحمة الله وبركاته

الله يعطيك خيرها ويكفيك شرها

ماقصروا معاك الشباب وجاوبوا على كل شي بإحترافيه

بخصوص المحافظه على طرمبة الدركسون أعتقد انه الحل الوحيد هو انك تحاول انك ماتكسر الطاره عالأخير يعني ماتلف الدركسون على اخر شي الين الطقه والشي الثاني لا توقف السياره والدركسون ملفوف يعني مو مستقيم

اما بخصوص الفحمات الخلفيه اذا كانت تحتاج تغيير وقت تغيير الكليبر معناها بيغيروها مجانا

اما لو كان مازال فيها عمر يعني بتمشيك اكتر من 10 الاف معناها مابيغيروها

وبث

ملاحظه: ممكن اخد ورده حمره :o

:)

زيت المكينه العلبه بـ 15 ريال حق هوندا
السيفون بـ 17 ريال
فلتر الهواء على ما اعتقد عندك 130 ريال
تغيير زيت القير 189 الزيت مع شغل اليد
فلتر القير بحدود 140
زيت الدركسون ما ادري كم سعره بالضبط ..

تبقى الأسعار أعلاه تقريبيه لأن الاسعار تختلف من موديل لأخر وشكرآ