عرض للطباعة
السلام عليكم يا اخوان
عندي كم سؤال بخصوص الصيانه للاكورد لـــ40000كم كم سعرها وايش يغيرون
وزيت القير متى اغير وكم سعر تغيره بالوكاله وسعر الاقمشه الاماميه مع التركيب وخرط الهوبات لانه في 30000 قالي الموظف لازم تغير الاقمشه وما سمعت كلامه لان والله مافيها شي همهم الفلوس وبس بس عندي رجه وصوت اذا كنت ماشي 170 ومسك فرامل يطلع صوت قوي ورجه
واخر سؤال كم سعر المساحات بالوكاله
واسف على الاطاله
عليكم السلام ..
صيانة 40 الف مهمه جدا .. يغيرون لك فلاتر السوائل تربيط كامل تنظيف بخاخات الخ اذا رحت لهم يشرحون لك وش يسوون بالضبط ..سعرها تقريبا 500 < يقولون ارتفعت اسعار الصيانه :eek:
زيت القير يتغير مع صيانة 60 الف "لاول مره بعدين كل 40 الف".. الرجه من الاقمشه الاماميه وتكلفك مع خرط الهوبات 320 ريال + يغيرون لك الاقمشه الخلفيه والكليبر على الضمان مجانا .. سعر المساحات يفيدونك فيه الاعضاء
واي استفسار انا حاظر
الله يعطيك العافيه اخوي وبيض الله وجهك
شكرا لك
ياليت يفيدونا الاعضاء الباقين عن صيانه 40000 الف
وش الاشياء المهمه اللي يغيروها
والله ياخلفهم توني مسوي صيانة ال 40 الف سالت الموظف هل فيها تنظيف بخاخات قال لي لا تنظيف البخاخات على ال 100 الف
قلت طيب هل فيها تغيير بواجي قال برضوه على ال 100
قلت طيب وش فيها ال 40 الف قال زيت وفلتر وكشف عادي الكشف تقدر انت تكشف عليها بنفسك انوار ومادري ايش اشياء تافهه
انا مابغيت اغير عندهم الا ان السبب هو تغيير الكليبر فاضطريت اسوي الصيانه عشان الكليبر وبرضوه مع الفحمات الخلفيه
بالنسبه للرجه الاماميه بنفس الصيانه حقت ال 40 الف قلت له ياخي عندي رجه على ال 170 لمن اهدي قال لي تحتاج خرط هوبات
قلت طيب ويفتحون الكفر ويناظرون الا والله تحتاج خرط قلت اوكي اخرطو ب 80 ريال قال وبرضوه الفحمات الاميمه تحتاج تغيير واناظرها االا والله باقي فيها تقريبا الربع قلت لا لاتغير
باختصار عقب ماطلعت السياره الا الرجه نفسها موجوده مافيه فايده
لذالك اللي انصحك فيه
1- لاتسوي صيانة ال 40 الف وخل الكليبر مع ال 60 الف
اهم صيانة ضروري تسويها هي ال 60 الف وال 100 الف
2- بالنسبه للرجه خلها لاتخرط الهوبات ولا شي لانها ماراح تضبط لو ايش
3 - غير زيت وفلتر فقط لا غير وشيك بنفسك على الفلتر حق الهواء وفلتر المكيف وعلى سائل التبريد حق الريديتر وزيت البريك والباور
وسلم لي عليك
الله يعطيك العافيه اخوي على المعلومات اللي اعطيتنيني اياها
والله انك افدتني كثير
وفي انتظار بقيه الشباب