نتعة وطفيه خفيفه فالكهرب ولمبة المكينة ولعت

السلام عليكم ورحمة الله وبركاته

كل عام وانتم بخير شباب

عندي مشكلة بكهرب السيارة

لما اكون ماشي تطفي اجزاء من الثانية وترجع تشتغل

وبعد هالحركة تولع لمبة المكينة

تحس السيارة ينقطع عنها الكهرب ويطفى كل شئ

وديتها للوكالة المنحطة الحقيرة فالجبيل مالقوا شئ لان اللمبة طافية

و دفعوني 160 ع الفاضي بعد

وقالوا اذا تكررت تغير كمبيوتر كامل بـ4000 ( حقرة بقرة > ع النية شغالين)

وبعدها ولعت معي بالليل ووديتها ورشة فحص بالكمبيوتر

طلعوا لي هالتقرير

Fault code: 135-01

Fault code Description: ECM/PCMIntrnal Circit Malfunction

(Power Control Circuit)

وقال لي المهندس يمكن يكون حساسات ويمكن يكون إلتماس وممكن يكون الكمبيوتر !!

خلها عندنا وبنشوف فين الخلل ونخبرك

وانا بطبعي احب اعرف الخلل واشوف بعيوني < لقافة

وأنا حاسس انهم بيستغلوني وغامضين وان المشكلة بسيطة

طيب

كيف اعرف تأثير الحساسات المحسوس على السيارة , واش يثبتلي ان الكمبيوتر خربان ؟!!

شباب أسعفوني يالحل تكفون !!

تاكد من اصابع البطارية اذا ماعليها ملح الشي الثاني الدينمو لازم يكون قوتها14 فولت الشي الثالث تاكد من البطارية حتى لوكان باقي فيها شوية عمر يعني ممكن تكون كملة سنة خاصة اي سي ديلكو صار معي نفس مشكلتك بالضبط وطلع الخلل من البطارية غيرتها وضبطت وفي الغالب انه وحده من هالاشياء لانها صارت معي ومع اعضاء كثير في المنتدى ( ياليتك طرحت المشكلة قبل ماتروح للوكالة ) بالتوفيق .