صوت غريب وصيانة الـ 5000 .. استفسار

.

السلام عليكم ورحمة الله وبركاته
مساء الخير على كل أعضاء محبي هوندا
استفساري بسيط ولجهلي بالصيانات الدورية طرحته هنا :o
أنا معي أكورد 2011
وصيانتها 5000 وبوديها بكرا بس عندي استفسارين
أول شيء السيارة من بعد ما طلعتها من صيانة الـ 1000
طلع فيها صوت غريب بالمكينة, مدري شلون أوصف لكم الصوت
بس تقدرون تسمونه ونين يعني كذا ( وووووووووووووو ) :d
واللي سبق وجرب قيادة كابرس من الـ 90 وفوق بيعرف وش أقصد
لأن الكابرس إذا صار فيها البنزين بيخلص يطلع فيها صوت شبيه جداً
بالصوت اللي طلع لي بالأكورد
الاستفسار الثاني كم إجمالي المبلغ اللي مفروض أدفعه بصيانة الـ 5000 ؟
قالوا لي 200 ريال تشييك والزيت ومدري وشو عليك
ودي أعرف المجموع كم يطلع
بانتظاركم :)

.

من ناحية الصوت .. ماعندي علم ..

وعن سعر الصيانات .. هذا موضوع فية جميع الاسعار ..

اسعار الصيانة لدى شركة عبدالله هاشم للهوندا اكورد .. الاسعار الجديده ‏

وبالتوفيق ..

اول شي مبروك عليك السياره والله يعيطك خيرها ويكفيك شرها سعر الصيانه ب 125 ريال...

يمكن مشكلتك مثل مشكلتي ، واذا كان الصوت الي تقصده في بداية المشي يعني في السرعات البسيطة اثناء دعست البنزين ويكون خفيف وتختفي كل ما اسرعت ، فأنا رحت الوكالة اليوم وسألت المهندس ولقيت عنده واحد من الشباب سعودي الله يعطية العافية معه نفس الموديل وقال لي لا تخاف هذا عادي في كل الهوندا ولا يعتبر عيب مصنعي ، وتعرف الي شاري سيارة جديدة قوة السمع تكون عاليه عنده ما شاء الله ، عموما الصوت مره بسيط ومديل السيارة الي اقولك عنها هي 2011 وماشية 150 كيلو, والحقيقة طلعت من عندهم ولا عاد شلت هم المشكلة

.

عافاكم الله يا شباب

هذا الصوت عادي اذاكان اول ماتحرك السياره

انا معي 2011 ونفس الصوت

صراحة لا أخفي الحقيقة
انا معي اكورد 2010 v6 سيارة مشتريها ب 120 الف يعني موب حي الله
واللي خلق الكعبه كل يوم يطلع لي الصوت ...
مرة لما اعبي البنزين فل اسمع صوت البنزين يتحرك في االسيارة
والديكور ... الله يعينك على الديكور ...
ندمت لاني خذيت الأكورد لكن مانقول نصيبنا من 2010الأ الأكورد
ويكون لعلمك وربي اول طلعت سيارة اول طلع صوت زي الصوت اللي عندك ورحت للوكاله
قالوا عادي هذا في سيارات هوندا كلها....
وكذابين والله كذابين انت جرب بنفسك جرب اي سبارة أكورد وشوف اتحداك اذاسمعت الصوت...
والله يـــ120 الف حرام في اكورد ورب الكعبه كان يمديها اجيب شاص ,افالون .التيما..
اتمنى لك التوفيق ياغالي ... ولكن راح تشوف انك بتندم لماشريت الأكورد.
والله يعطيك خيرها....

.

هلا بكم
فعلاً الصوت معي من بعد صيانة الـ 1000
لكن قبلها ما كان موجود
بروح الوكالة وأكلمهم وأتفاهم معهم
حرام سيارة دافع فيها فوق 100 ألف وآخر شيء كذا

.

حبيبي ارشفين
سلامات انشاء الله تبي تصيح صح لحالك :confused:

الر جال مطلع موتر جديد وتقول كذا

وش احساسك لما اقولك واهولك اشياء بعد ماتشتري اي سياره في بالك ؟؟
حاجه غريبه

.

هلا بك شرقاوي
ههههههههههههههههههههه
ترى والله ما خذت بالي من الموضوع بالشكل اللي يخليني أخاف إني اشتريت أكورد
بالعكس الحمد لله مبسوط من السيارة بأشياء كثيرة. من ناحية الرساوة والصرفية والفخامة
والراحة وأشياء كثيرة والحمد لله
تسلم على ردك يا بعدي

.

^^^^^

اخوي ارشافين صدقني كل هذي الموضيع الي انت تقولها تهيوات لا اكثر ولا اقل

انا اول ما اخذت السياره الاخوان كانو يخوفوني من الطرمبا ومره كنت على الخط وفتحت الكبوت وحسيت كانه بدا يطلع الصوت وزعلت وضيقت نفسي
ويوم رحت عند الوالد طبعن الوالد دارس فني مكنيكا
فتحت الكبوت وسمعته قالي مافي شي الصوط طبعي جدآ
والحمدالله الى يومك انا ما تضبررت منها ولا شي

وصدقني انت لو اخذت سيارات منى فيات الاكورد مثل الكامري السوناتا الازيره والى ....
صدقني بتعرف انو الي معك سياره بعنا الكلمه

بالتوفيق ...