السلام عليكم
وعليكم السلام
أخباركم عساكم بخير .؟
والله تمام وبخير
عندي كم استفسارات جمعتها وقلت احطها بموضوع واحد وهي كتالي :
1- هل فيه فرق بين مكينة الاكورد من 2003-2005 ومكينة الاكورد 2006-2007 ؟
في إعتقادي والله أعلم ما فيه فرق من 2003 إلى 2007 إلا بأشياء بسيطة مثال عدد الأحصنة << مثال لكن إيش هذي الأشياء الله أعلم إلي عنده إختصاص هو إلي راح يفيدك .
2- هل فيه فرق بين الاكورد 2006 و 2007 يعني فرق حتى لو كان بسيط مثل الاكورد 2004 و 2005 الفرق بينهم الفلشر في المرايات و الطيس و من الداخل حامل الاكواب يلي بالتكاية الخلفية فيه لها غطاء أما الاكورد 2004 و 2003 مافيها غطاء
لا مافيها إي فرق أبدا بين 2006 و 2007
3- سمعت إن كشافات الضباب و الجناح يلي للأكوردات الفل إنه يتم تركيبها بالوكالة بس انا شاك بكشافات الضباب يعني الجناح ممكن لكن كشافات الضباب يحتاج لها العصا المخصص له يلي يكون بالدركسون وصعب يتم تركيبه بالوكالات بس هل هالمعلومة صحيحة .؟
هذي دفعه نزلها خوينا عبد الله هاشم وهي جناح وكشافات ومدري إيش بعد على موديل الــ2007 السبيشل والكشفات إذا مركبه بالوكالة أكيد أنها راح تركب الكشفات مع مفتاح تشغيلها إلي هو العصا يعني ما راح تركب شيء وتخلي شيء .
4- هل يوجد أكورد 2005 V6 واذا كانت موجودة أفيدونا بصور وأطرحوا لي الاختلافات بين الفل I4 و الفل V6
أكيد فيه لو تسوي بحث في صور عن طريق العم قوقل راح تحصل الصور ........
الأختلاف الــ4I معروفة لكن الـ V6 إختلافها وهو خارجيا 1- الجنوط 2- شكمانين 3- المكينة شيء أكيد :d ومن الداخل إضافة التحكم بصوت المسجل من الطارة وهذي مقدور عليها وتقدر تركبها على 4I والأختلاف الأخير وجود مقياس درجة الحرارة بالطبلون . وبس وعلى فكرة من 2003 إلى 2005 الــ V6 نفس الجنوط إلى أختلف في الـ2005 هو اللون اللؤلؤي ووجود إشارة بالمراية بدلا من إلي بالرفرف بموديل 2003 و2004 والمرتبة الخلفية حقت الظهر والأختلاف هو وجود مسند رأس بالوسط و وجود غطاء لحامل الأكواب << هذي فروق الـ2005 عن موديل 2003 و 2004
5- أبيكم تكتبون لي رقم البوية اللؤلؤي فيهأحد الاعضاء قال تلاقي في باب السواق ملصق ومكتوب فيه رقم البوية فأنا لقيت الملصق لكن ما لقيت رقم البوية فأبيكم تفيدوني بها
هذي أفادك أحد الأعضاء فيها وتقدر تتأكد وتروح لأي ورشة بوية وسمكرة ويعلمك كم رقم بوية موترك
6- عندي الولاعة حقت السيارة جيت أطلع الـ MP3 وطلعت بقوة ( يعني سحبت صعايدة :d ) المهم قال لي واحد من الشباب ودها لكهربائي وخله يغير الفيوز حق الولاعة مع إنه قال لي شغلتها بسيطة ويمديك تسويها بنفسك بس خذ الخطوات فأبيكم تفيدوني كيف اغير الفيوز وبكم قيمت الفيوز
خل عنك النشاط الزايد :d أهم شيء الـMP3 بخير ولا راح بعد :d يا طويل العمر الفيوز حق الولاعة موجود تحت يسار فوق إلي يفتح الطبلون إسحبه للخلف ويطلع معك راح تلاقي خلفه مباشرة أشكال عده منها رسمة الطفاية شف كم رقم الفيوز وطلعة من العلبة إلي فيها الفيوزات وراح تشوف فوقه رقم أنت غيره على نفس هذا الرقم وسعر الفيوز التجاري علبه فيها ممكن ست فيوزات بــ 3 ريال ممكن تزيد ريال وممكن تنقص ريال بس مو تأخذ أي فيوز تركبه لا شف نفس رقم الفيوز الأول وركبه بنفس المكان وسعر الأصلي ما عندي علم بكم بس أعتقد ما هو غالي أنت إستفسر من الوكالة هم يفيدونك بالسعر .
وآسف على الاطالة
لا حنى هنا نفيد ونستفيد ولو كلفت على نفسك بالبحث هنا بالأقسام أو عن طريق كلمه البحث فوق كان إختصرت على نفسك كل هذي الأجوبة وبسرعة ودون إنتظار .
واعتذر عن بعض الاسئلة يلي ما منها فايدة لكن اللقافة تصنع النجاح << حكم جايبها من راسه لا تلومونه مصخن شوي :)
لا القافة بعض الأحيان تودي بصاحبها لداهية :d وسلامتك من الصخونه :)
وسلامتكم ،،،
