مساعدة ياغالين بخصوص القير

السلام عليكم ورحمة الله وبركاته

اهلا وسهلا احبتي ..... استفسار بسيط اتمني تجاوبوني ياغالي

مين احسن ورشة بالرياض لتوضيب القير ولحل مشاكل القير واكثر خبرة علما ان سيارتي اكورد 6 سلندر 2004
علما اخواني نصحوني بكذا ورشة ولكن انا محتار ايهم افضل وياليت يااخواني فضلا لا امرا ذكر افضل ورشتين او ثلاث ورش بالترتيب او افضل ورشة بالتوظيب وياليت يفيدونا المجربين من حيث الشغل ونظافته والخبره ولو زاد السعر شوي اذا كان شغلهم كويس ماعندي مشكلة ولو حصل ارقامهم ووصف الورشة


اتمنى منكم المساعده احبتي باسرع وقت

وصلى الله وبارك على سيدنا محمد وعلى اله وصحبه اجمعين

والسلام عليكم ورحمة الله وبركاته

اخوكم ابو عبدالله

ياشباب معقوله .... مافيه احد يعرف ورشه كويسه او متخصصه

لو اسمها ورشه وحده فقط

ساعدونا الله يرحم والديكم دنيا واخر

00000000000

والله يا عسل كان ودي اخدمك لكن للاسف انا مو من الرياض

ان شاء الله الشباب يفيدونك

ماادري بس اشوف الشباب يمدحون ورشة الجنوب رقم 20

اقتباس:

---

المشاركة الأصلية كتبت بواسطة م م م

مين احسن ورشة بالرياض لتوضيب القير ولحل مشاكل القير واكثر خبرة علما ان سيارتي اكورد 6 سلندر 2004
علما اخواني نصحوني بكذا ورشة ولكن انا محتار ايهم افضل وياليت يااخواني فضلا لا امرا ذكر افضل ورشتين او ثلاث ورش بالترتيب او افضل ورشة بالتوظيب وياليت يفيدونا المجربين من حيث الشغل ونظافته والخبره ولو زاد السعر شوي اذا كان شغلهم كويس ماعندي مشكلة ولو حصل ارقامهم ووصف الورشة

اخوكم ابو عبدالله

---

نصيحة لك يأبو عبدالله
اذا جيربوكس سيارتك فيه مشكله أنصحك تفكه وتركب بداله واحد مستخدم نظيف غير موظب حق 2006 أو 2007 أو 2005 ( 6 سلندر ) وأترك عنك التوظيب لانه راح يرجع يخبط مرة ثانية
ويمكن تحصله من 4500 ألى 5500 ريال

وشكرااا