تهريب في طرمبه الدركسون ..موديل 2008

السلام عليكم

شباب عندي تهريب في طرمبه الدركسون صراحه التهريب من سنه يمكن بس كان بسيط جدا وانا اهملته
بس الأيام هذي وروحاتي للوكاله ..شكلها السياره بدت تحن للصيانه :mad:
التهريب زاد شوي .. رحت للوكاله وقلته له ..طبعا الضمان مايشملها ابدا

وقالي لو انك مستمر ع الصيانه الدوريه التصليح بلاش ..( بس انا مب مستمر ) يعني بالعربي اذا كنا ناخذ منك فلوس وتجينا نصلحها لك ..
بس دام كذا وبس تهريب ولا فيه اي صوت .. التكلفه .450 ريال..

المهم انا سألت واحد من الشباب عندهم ورشه وفاهم للهوندا ..قالي تكلف 200 ريال تقريبا تغير فقط الوجه( gasket)

انتو شرايكم ..هل حد صارت له المشكله وصلحها .. ولو في الشرقيه وين فيه برا الوكاله ..وكم التكلف !

المشكله كثرانه ومنتشره عند العالم ويقولون مش عيب مصنعى ياعينى عالنصب
شوف اخوى روح لثقبه صناعيه الثقبه ادخلها بتحصل محل واحد هو فلسطينى هو سورى مدرى هاذا سلمك الله شغله اوكيه انا حصلت معى قبل اسبوعين وصلحتها عنده خذلك طقم اسصلاح مايكلف 120 وزيت هوندا الاصلى لاتشترى قطع الغيار الى من الوكاله بس
وروح عنده بيقوله 300 ريال وعليها ضمان 4 شهور
قله سوقها في اثنين وحقها 100 150 ريال ويخب لانو الفك والتركيب + الاصلاح ماياخذ 30 ساعه انا طولت سيارتى عنده قعدت ساعه وشوى لانو زحمه عنده
لاتدفع اكثر من 150 ريال لانو اكثر من كذا حرام
تقبل مرورى

تسلم اخوي ..بروح ..بس لو تقولي اسم الورشه ..او وين صايره بالضبط اكون شاكر لك عشان امرهم الأسبوع هذا ..

واذا 150 شغله..ممتاز جدا يعني تطلع علي 250 .. والزيت موجود عندي اصلي :d

نعم هذى المشكلة عندى رحت للورشة ووقالى المكانيكي فقط تبى اصلاح بس حتى الان لم يتم اصلاحها
.........

اسم الورشه الامان لاصلاح الهايدرولك والباور هى امان او المان اتوقع الاوله والله اعلم مكانها بصناعيه الثقبه شفت وانت جاى من الدمام ودك تروح للبحرين قبلى مافى لفه وتنزلك على تقاطع وتاخذ يسار يجيك الشارع مسكر المتجه للاسكان تبع الخبر خذ يسار اجبارى وامشى بالطريق المحلى اول ماتجى الصناعيه اول لفه معها يمين بعدين بتجيك مدخل ادخل منه يمين اوكيه امشى شوي واعطيها يمين امشى شويات بتحصلها بوجهك بالزاويه اذا ما انا ناسي لون اللوحه اصفر واسود اسمه يالامان او الالمان مو فاكر بالضبط
وعلى فكره وانت رايح هناك خل يشيك على الدوده يمكن فيها تهريب بعد لانو من شوى فاتح الكبوت اشك حصلت تهريب زيت وواضح من زمان ههههههههههههههههه عادى البريكات والتهريب الزيوت والباور والدوده علامه فارقه بالاكورد امحق سيارات

^^
اخوي حميد يعطيك العافيه .بكره بمر عليه وبشوف بكم يقولي .. تسلم والله :)

الله يسلمك خيو

اخوي اذا التهريب بسيط فالامر ممتاز ويميد تصلحاها لاتخرب عليك اللسات والدودة

شوف طول الله عمرك....

قطع الغيار حق الاصلاح تقريبا ب 140 ريال

وشغل اليد من 120-100 ريال بس ابي اقولك شي

قلة ابغى شغل ممضمون ولا ابغى صوت يطلع بعد الاصلاح

اذا انك بالقصيم فية واحد جدا ممتاز وانا اعاملة لي اكثر من 16 سنة واسمة طارق باكستاني في صناعية السليم

اسال اي واحد وهو يدلك علية مباشرة هذا اللي اقدر اساعدك فية واي شي ثاني ان شالله اننا نقدر

مشكووووووووور حبيبي والله يوفقك

تحياتي اخوي اللي بالقصيم وين مكانه في صناعيه السليم او اسم الورشه لو تكرمت شاكر ومقدر ...والله يكون بعونك اخوي

يارجال لو تشد شوي مع الوكاله يغيرونها لك على الضمان ..

:)

أنا مع أخوي أكورداوي يغيرونها لك على الضمان

لأن نفس المشكله كانت عندي وغيرولي الطرمبه كامله مع أني موب ملتزم على الصيانه بس شد عليهم بالكلام ;)

انا ماعندي تهريب

بس صارلها فترة طرمبة الدركسون تطلع صوت حنة

يبين واضح عالسرعات البسيطة

ما ادري ايش سبب

بس الظاهر انها عيب مصنعي من العلبة

وماراجعت فيها الوكالة لان سيارتي تعدت 135000 كم


الله يعينك ويعين الجميع

اخوي في صناعية السليم واسأل اي واحد عن ورشة طارق على طول يدلوك لانه معروف

الشي الثاني مثل ما قال الاخوان يمكن لو تشد على الوكالة يمكن يغيرونها لك