عرض للطباعة
انا ودي اصفق هشومي على هالغلا ماصارت هوندا مسوي لكزس مثلا <<< ياسمجي
الموهيم واحد الله يستر عليه صدمني من جهة باب الراكب والغلط علي:( ليه مدري يقول داخل من فرعي لرئيسي لوني داري مادخلت من زين خشتك:p
الصدمه باب ايمن امامي سعره 1820 غير شغل اليد
شغل اليد 2500 يعني 4320 هذا المجموع:mad:
بس لو ادفع 10000 عشان اكوردتي ادفع تستاهل الهوندا
نصيحتي رح للتشليح بتحصل مبتغاك عندهم لا وبعد نفس لون سيارتك لا تستعجل
وشوله 4000 ومدري كم
سمكر الباب وربنا كما خلقتنا
ليه 2500 ريال والباب حيتغير جديد راس مالها فك وركب
وبعدين روح التشليح وتحصل اللي تبغاه ونفس اللون كمان بحدود 800 - 1000 ريال بدون الداخلية حق الباب
ووش اللي حادك؟؟؟؟
ااخوي ابعععد عن الوكالة ورح لورشة محترمة ياترش وتعدل او تشتري باب من التشليح
والله الوكالة غااالين
أخوي التشليح فيه ألوان واشكال من الأكوردات
دور وان شاء الله تحصل نضيف.
ليه تغير الباب سمكره قسم بالله ان يرجع مثل اول
ولا يهمك اصحاب الورش اللي يقولوا لك لازم تغيير هم يقولونه عشان ما يشتغلون موب عشانه ما يرجع مثل اول
اسأل مجرب ولا تسأل طبيب هم يبون الراحة يبونك تجيب باب جديد عشان يرشونة ويركبونة على طول
يعني ما بيأخذ منهم وقت لاكن التعديل بيطول معهم وبيشتغلون اكثر وبسعر موب ذاك الزود
والامر راجع لك وانا اخوك واذا كنت تبي باب ثاني بتتعذب وانت تدور في التشليح واللحين التشليح اغلى من الوكالة
والله يكتب لك اللي فيه خير
أذكر اني حست التشاليح في طريق ابقيق لين تعبت ادور باب اكورد ايسر لون اسود وماحصلت وماخليت تشليح مادخلته أكثرها لون ابيض لؤلؤي
وحصلت 2 واحد مقارب لسعر الوكالة والثاني الباب واضح فيه طعجات وسمكرة والطعجات في الجسر يعني ماينفع
واخرتها اخذناه من الوكالة لكن الشي الوحيد اللي من التشليح هو ماكينة الزجاج بس
طبعآ الباب من الوكالة يجي ساده بدون أي شي وشوف عاد كم الصبغ والفك والتركيب في الورشة
اذكر اخوي قالي احد الورش عطوه تسعيرة بحدود 1500 ريال شغل كامل فك وتركيب وصبغ وفك الجلد والزجاج وغيره
مع العلم الباب عندنا كشف :d من الحادث انشق الباب ماينفع سمكرة
اطرح لنا صورة خلنا نشوف وش وضع الباب يتسمكر ولا يتغير
وألله غاليه الوكاله
انا صلحت سيااارتي بـ 9500
تسعة الاف وخمس مية ريااال الله يخلف بسس
حبيبي انا مره واحد صدمني من جهة السايق في الباب الخلفي وجت بين الرفرف الخلفي والباب قلت على طول الوكاله يوم رحت قال باب جديد والرفرف لازم يتعدل مدري كيف المهم قاعد يتفلسف قلت له طيب الزبده قال 7450 ريال نصب عيني عينك
وعلى طول رحت ورشه محترمه وسمكر الباب وعدل الرفرف وكله الشغل ماكلف 2400 ريال وبعدين والله شغل ميه ميه
ولا كأن المكان جته صدمه ماشالله واتحدى انك تفرق في لون البويه
ياراجل الغلا مو بس عند هشوم في كل مكان فيه غلا
بس لعيون الاكورد يالبى قلبها تستاااهل
اسمع لاتروح للوكاله ولاشي
فيه ورشه عندنا بالقصيم معروفه بالسمكره
يكفي انه اذا جيت تدخل السياره يقولك بعد السمكره دخل السياره للحراج
اذا الشريطيه عرفوا انه مسمكره ما ابي منك ولا ريال
لكن مشكلته زحمه لكن شغل مضمون 200%
اذا تبي الوصف عندك الخاص
تسلم انت وياه وماقصرتوا <<< حسيت اني مهم:d
ابشركم صلحتها 1595
مشكورييييييين .....
يا سسسسسسسسسسسسسسسسسسااااااااتر
وش هالاسعار و الصدمه ما تستاهل !!
والله ندمت اني شريت اكوورد :( :(