عرض للطباعة
السلام يا اصحاب
انا مليت من السياره قاسيه مررره:mad:
مع التعرجات الموجوده في الشارع
وش السبب ياصحاب هل من المساعدات الاماميه ؟
المساعد الواحد غالي فوق 500 ريال سعره
واللي مثل الوكاله عند المحلات 220 ريال
افيدونا يا اصحاب نغير المساعدات ولا فيه شي ثاني الجلد في المقص ولا وش
..
والله ياخوي حتى انا اعاني من القساوه .. وتحس الطبلون يتكسر مع المطبات والشوارع المكسره
واللي عنده حل ياليت يفيدنا :(
..
هذا انتوا ياراعين الاكوردات
حنا رعيان السفكات اش نقول خاص الموديلات القديمه من 2005 وتحت
قرطاس لبان نوفا لو دعسته نقزت السياره وحالة استنفار الله لا يوريك
وتقعد تنقز على اصغر الحفر اللي لو اكلتها بسيكل ماحسيت وخاصة تنقز من ورى توصل مشوارك والسياره باقي قاعد تنقز :(
وعلى حد علمي انه هي كذا لان يايات الهوندا قاسيه << مجرد اقتراح للخراب وليس الاكيد
وحتى انا اعاني لانه لما اخد سيارة الوالد واكلت نفس المطبات اللي اخذتها بسيارتي ولا حسيت بيها مره لكن سيارتي قاسيه جدا وخاصه عند المطبات المتقاربه
بس اعتقد انه الكفرات لها دور كبير
غيروا الكفرات الى ارتفاع اكبر
^
^
^
مجرد اقتراح
^^^
نفس الكلام + جلد المقصات :)
وبتشوف الفرق ..
ياليل خبرني عن امر المعاناه هي من الكفرات ولاالمساعدات :d
نفس الشي عندي :(
الله يعين
اقتباس:
المشاركة الأصلية كتبت بواسطة azooz291
إحـــذر تكبر الكفر ... أنا كبرت الكفرات على بالي بتصير ألين ... أخوك في الله أكل هواء ..
السيارة صارت أقسى من أول
شوف ...
إذا كانت المشكلة فقط أصوات من غير قساوة ... هذه حلها جلد المساعدات فقط ...
أما إذا كانت المشكلة في تعليق السيارة يعني قاسية بزياده ... هنا لازم تغير المساعدات .. ( ولازم تغير أصلي ولو كان بـ 500 ريال - إذا تفكر تشتري تجاري ترى بيجلس معك 5 أشهر وبيودع .. هذه من ناحية .. ومن ناحية أخرى خذها قاعدة في بالك ((( مافي ألين من مساعدات الوكالة الأصلي )))
مع مراعاة تركيب مقاس الكفرات الخاص بالوكالة ... يعني لا تتفلسف وتعرض الكفر ولا تزيد في حجمه ...
بالتوفيق للجميع ... :)
هذي المشكله في كل الاكورد مو من الكفرات ممكن من الجلود..:confused:
المهم جلست مع مدير الصيانه و الضمان و سأل ايش المشكل في الاكورد قلها القسوه يقول غريبه اول مره احد يشتكي منها.
حسب عمر السيارة 2007 الجلد خلاص صارت يابسه وتحتاج تبديل مع وزن وتربيط والمساعدات اذا خربانه بدلها والله يعينك على سعرها
شيك على الجلد تحت بتشوفها بدت تتقطع خفيف
وصدقني راح ترجع السيارة وكالة
والأهم ترى التواير لها سبب يعني كم لك مركبها وكم ماشي عليها ويمكن صارت يابسه وهل تستخدم نيتروجين ولا هواء عادي ؟
ياشباب خلونا نحسبها بعقلانيه لاتصرفون فلوس عالفاضى ياجماعه المشكله الوحيده مو من سياراتنا انا اعانى من نفس الشي المشكله من شوارعنا الخااااااااااااااايسه الشوارع وبس ولى وش معنى البحرين لو معبى هواء الكفرات 1000 عادى الشوارع هى السبب الرئيسى بمعاناتنا يااخوانى هى الى تعوج الجنوط بحفرها ومطباتها الخايسه هى الى تفقع مساعداتنا هى الى تفكك سياراتنا هى الى تكسر كراسي مكائننا وكثير من المشاكل الى احنا نعانيها من الشوارع
البلديات المقاولين ياجماعه حمله لازم نعملها ضد الشوارع والقائمين عليها تكلمت قبل فتره عن الموضوع هاذا لو تتذكرون سبب الرجه عندى بالدركسون الاف الريالات صرفتها على سيارتى بدون جدوى وش المشكله كل هالشي من الشوارع الشوارع يا اخوانى تتسبب بمشاكل علينا بطريقه مباشره او غير مباشره
ياجماعه الشوارع انتهى عمرها الافتراضى البلد يبيلها نفض الشوارع اذا تنظفت ورصت بشكل ممتاز صدقونى ماراح تشتكون من شي لاذا وجب على ان انوه بحمله ضد الشوارع بالبلد الشوارع بالمملكه العربيه السعوديه خايسه ولابد من محاسبه الحيوانات الى يقومون باصلاحها
تقبلو مرورى
أجل خلونا نسوية قطية ونشتري شوارع ونرتاح :p
..
ياشباب لاحد يقول مساعدات ومدري ايش
انا سيارتي 2009 واعرف اكثر من واحد معاه 2009 و2010 يعاني من نفس المشكله
ياليت اللي عنده حل مجرب يفيدنا
..
انا عندي في الاكورد لما اكل مطب صغير او حفره صغيره مره في الكفر اللي يمين ورا خاصة يكون قاسي جدا فهل فيه شي من الجهه اليمنى الكفر الايمن اقصد يعمل الحاجه هذي؟لانه قاسي مثل ماقلت وشكرا لكم