تقرير شراء شاشة اكورد 2004 من الصين مباشرة
أخواني الكرام ،
السلام عليكم ورحمة الله و بركاته,,,
حبيت اطرح موضوعي هذا و فيه تجربة شراء شاشة هوندا اكورد عن طريق احد المواقع الصينيه ، سأعرض لكم في هذا الموضوع
موقع الشراء، طريقة الشراء ، طريقة الشحن من الموقع، مبلغ الشراء، صور للشاشة قبل و بعد التركيب،
في البداية بحثت عن شاشة اكورد و للأسف كان السعر 3200 تقريبا ، فيه شخص قرأت له موضوع في منتديات البوابة الرقميه كان يبيع شاشات , و سألته عن شاشة اكورد 2004 ، قالي أوفرها لك من الصين بمبلغ 2200 ، قلت له خلاص .. بس قالي العمليه بطول مابين اسبوعين تقريبا .. فعدلت عن رأيي
بعدها قمت ادور في المواقع الصينيه الموثوقه فقط ، و لقيت بائع اعجبني سعره وكان عنده تخفيض بنسبة 25% -على ما اعتقد- و كان سعره 1700 شامل الشحن الى السعودية، بصراحه قلت فيه فرق كبير .. 2200 زايد قيمة الشحن .. يمكن نقول 2300 نقص منها 1700 يطلع 600 ريال فرق .. و نفس البضاعه صينيه ..
توكلت على الله و شريت الشاشة و دفعت المبلغ عن طريق الفيزا .. كان فيه مراسلة بيني و بين البائع حيث سألني .. قبل ما ارسل الشاشه .. هل سيارتك المكيف فيها التحكم للسائق و الراكب .. راسلته بنعم ..
و بالفعل شحن الطلبه و في خلال خمس ايام وصلتني مع ان المفروض توصل في ثلاثة .. المهم وصلتني عن طريق شركة الشحن EMS الي هو البريد الممتاز.
عند التركيب صادفتني مشكلتين .. و طبعا انا في نجران .. و صعب تلقى فني يعرف في الاكورد. لعبو في البودي من داخل , و خلوها على الله ..
المهم المشكلتين هي:
الأولى: لازم يكسر من داخل الشاشة قطعه صغيره ... تمنع دخولها في مكان الشاشة القديمه .. و ما تأثر على الشاشه و لا يبان شكلها .. لانها من داخل ...
الثانيه: الكاميرا الخلفيه الي جات مع الشاشه .. قالوا لازم نخرم البدي .. لانها كبيره - حسب كلامهم- او تشتري من عندنا وحده صغيره يكون الخرم للسلك بس.. مع ماني مقتنع بكلامهم بس اشتريت كاميرا من عندهم و نسيت اصورها لكم .. فاعذروني .. يمكن اصورها بعدين...
الشاشة تدعم: dvd - cd - usb - memory card
وتشغل صيغ: MP3- MP4- avi - vob -dvx و ما ادري وش بعد
مالكم في الطويله ..
الشاشة بتشوفون صورها تحت .. و باختصر عليكم الكلام الي فوق كله بالتالي:
موقع الشراء: www.aliexpress.com
رابط الشاشة: Buy Car dvd for Honda Accord , car dvd player for honda, car dvd for accord 7, Special car dvd for Honda Accord 7 with GPS free shipping at Aliexpress.com
مع ملاحظة ان عرض التخفيض انتها وقته . بس بأمكانك مراسلة البائع و طلبه يخفض قيمة الشاشة
مبلغ الشراء: 1700 بالضبط 446 دولار
طريقة الدفع: فيزا او ماستركارد فقط.
طريقة الشحن: EMS
بالتوفيق لكم جميعا
