ياشباب الفزعه علبه الدركسون ..كرسي القير.. الكفرات
اول شي الحمدلله على كل حال
انا عندي 3 مشاكل في السياره وهي اكورد 2007
ومالي احد بعد الله الا انتوا تفيدوني
مع العلم اني اشتريت السياره قبل شهر ونص
وانا طالب في الكليه ويللا المكافاءه تكفيك
واخذت السيارة بتوصيه من اصحاب واقارب انها سيارات قويه
اخذتها عن طريق شركه تقسيط واتفاجات بلمشاكل هاذي تظهرلي بعد شهر من شراء السياره
معليش طولنا عليك بس تعرف والله ماني قادر انام من الهم
وتكاليف المشاكل هاذي لاني تايه ماني عارف ويين اروح او اش اسوي
1-عندي مشكله في المنعطفات لين اكون ماشي 100 ومافوق احس الدركسون يهوي يعني مثلا اكون الف يمين الدركسون مايكون ثابت مع العلم لين تكون السياره واقفه احرك الدركسون يمين يسار في صوت خفيف زي تق تق تق...
(وديتها عند اكثر من ميكانيكي واحد يقول غير الكفرات وواحد يقولي عند علبه الدركسون وواحد يقول ماني عارف لها)
2- الكراسي المكينه كلها مقطعه مع اثنين من كراسي الجيربوكس
وماني عارف اش اسوي .
3- الكفرات ماني عارق اش اللي ينفع لي السياره .
(مع العلم اني خايف اش اركب لانه في المنتدى واحد يقول ميشلان وواحد يقول تويو والثالث جوديير وهانكوك وهاذا قاسي )
وصلى الله على نبينا محمد
واسف جدا على الاطاله
